Pakistan vs Afghanistan Cricket World Cup: வரலாற்றில் முதல் முறையாக 275+ ரன்கள் எடுத்து பாகிஸ்தான் தோல்வி!

ஆப்கானிஸ்தானுக்கு எதிரான உலகக் கோப்பை கிரிக்கெட்டில் பாகிஸ்தான் 275 ரன்களுக்கு மேல் எடுத்து முதல் முறையாக தோல்வி அடைந்துள்ளது.

Pakistan lost ever first time against Afghanistan in Cricket World Cup at Chennai

Rsiva kumar

First Published Oct 23, 2023, 11:49 PM IST

சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் பாகிஸ்தான் மற்றும் ஆப்கானிஸ்தான் அணிகளுக்கு இடையிலான உலகக் கோப்பை 22ஆவது லீக் போட்டி நடந்தது. இதில், டாஸ் வென்ற பாகிஸ்தான் முதலில் பேட்டிங் செய்து 50 ஓவர்களில் 7 விக்கெட் இழப்பிற்கு 282 ரன்கள் குவித்தது. இதில், அதிகபட்சமாக பாபர் அசாம் 74 ரன்கள் எடுத்தார். அப்துல்லா ஷபீக் 58 ரன்களும், ஷதாப் கான் 40 ரன்களும், இப்திகார் அகமது 40 ரன்களும் எடுத்தனர்.

Pakistan vs Afghanistan: உலகக் கோப்பையில் பாகிஸ்தானை வீழ்த்தி சரித்திரம் படைத்த ஆப்கானிஸ்தான்!

பின்னர் கடின இலக்கை துரத்திய ஆப்கானிஸ்தான் அணியில் ரஹ்மானுல்லா குர்பாஸ் மற்றும் இப்ராஹிம் ஜத்ரன் இருவரும் தொடக்க வீரர்களாக களமிறங்கி முதல் விக்கெட்டிற்கு 130 ரன்கள் குவித்தனர். இந்த ஜோடியை பிரிக்க பலம் வாய்ந்த பாகிஸ்தான் பவுலர்கள் திணறி வந்தனர்.

Pakistan lost ever first time against Afghanistan in Cricket World Cup at Chennai

இதில், குர்பாஸ் 53 பந்துகளில் 9 பவுண்டரி, ஒரு சிக்ஸர் உள்பட 65 ரன்கள் குவித்து ஆட்டமிழந்தார். பின்னர் வந்த ரஹ்மத் ஷா, ஜத்ரன் உடன் இணைந்து நிதானமாக விளையாடினார். இதில், ஜத்ரன் 113 பந்துகளில் 10 பவுண்டரி உள்பட 87 ரன்கள் குவித்து 13 ரன்களில் சதம் அடிக்கும் வாய்ப்பை இழந்தார். அதன் பிறகு வந்த கேப்டன் ஹஷ்மதுல்லா ஷாகிடி 45 பந்துகளில் 4 பவுண்டரி உள்பட 48 ரன்கள் சேர்த்தார். ரஹ்மத் ஷா 84 பந்துகளில் 5 பவுண்டரி, 2 சிக்ஸர்கள் உள்பட 77 ரன்கள் குவித்தார். இறுதியாக ஆப்கானிஸ்தான் 49 ஓவர்களில் 2 விக்கெட் இழப்பிற்கு 286 ரன்கள் குவித்து 8 விக்கெட் வித்தியாசத்தில் வெற்றி பெற்றது.

வித்தியாசமான முறையில் ஷ்ரேயாஸூக்கு பதக்கம்; கேமராவில் வந்த போட்டோவை கழுத்தில் மாலையாக அணிந்த ஷ்ரேயாஸ்!

இந்த வெற்றியின் மூலமாக முதல் முறையாக உலகக் கோப்பை கிரிக்கெட்டில் பாகிஸ்தானை வீழ்த்தியுள்ளது. மேலும், 7 ஒரு நாள் போட்டிகளுக்குப் பிறகு பாகிஸ்தானை வீழ்த்தியுள்ளது. இந்த உலகக் கோப்பை கிரிக்கெட்டில் ஆப்கானிஸ்தான் 2 ஆவது வெற்றியை பெற்றுள்ளது.

ஆப்கானிஸ்தான் சாதனைகள்:

இதுவரையில் நடந்த உலகக் கோப்பை ஒரு நாள் போட்டிகளில் ஆப்கானிஸ்தான் ஸ்காட்லாந்தை ஒரு விக்கெட்டி வித்தியாசத்தில் வீழ்த்தியுள்ளது. இங்கிலாந்தை 69 ரன்கள் வித்தியாசத்தில் வீழ்த்தியது. இதையடுத்து தற்போது பாகிஸ்தானை 8 விக்கெட் வித்தியாசத்தில் வீழ்த்தியிருக்கிறது.

PAK vs AFG: ஷபீக், பாபர் அசாம் அரைசதம்: கடைசில வந்த இப்திகார் அதிரடி ஆட்டம் – பாகிஸ்தான் 282 ரன்கள் குவிப்பு!