MI vs RCB, WPL 8th Match: சேஸிங்கில் கில்லாடியான மும்பை இந்தியன்ஸ் – டாஸ் வென்று பவுலிங் தேர்வு!

ராயல் சேலஞ்சர்ஸ் பெங்களூரு அணிக்கு எதிரான மகளிர் பிரீமியர் லீக் தொடரின் 2ஆவது சீசனின் 9ஆவது லீக் போட்டியில் டாஸ் வென்ற மும்பை இந்தியன்ஸ் அணி பவுலிங் தேர்வு செய்துள்ளது.

Mumbai Indians Women Won the Toss and Choose to Bowl first against Royal Challengers Bangalore in 9th Match of WPL 2024 at Bengaluru rsk

Rsiva kumar

First Published Mar 2, 2024, 7:15 PM IST | Last Updated Mar 2, 2024, 7:15 PM IST

மகளிர் பிரீமியர் லீக் தொடரின் 2ஆவது சீசனின் 9ஆவது லீக் போட்டி இன்று இரவு 7.30 மணிக்கு தொடங்குகிறது. இதில், நடப்பு சாம்பியன் மும்பை இந்தியன்ஸ் மகளிர் அணியும், ராயல் சேலஞ்சர்ஸ் பெங்களூரு அணியும் மோதுகின்றன. இந்த சீசனில் இரு அணிகளும் முதல் முறையாக மோதுகின்றன. இதுவரையில் நடந்த போட்டிகளின் படி ஆர்சிபி மற்றும் மும்பை இந்தியன்ஸ் இரு அணிகளுமே தலா 3 போட்டிகளில் விளையாடி 2ல் வெற்றி பெற்று ஒரு போட்டியில் தோல்வி அடைந்து 2 மற்றும் 4ஆவது இடங்களில் உள்ளன.

கடந்த சீச்சனில் இரு அணிகளும் 2 போட்டிகளில் மோதியுள்ளன. இதில், மும்பை இந்தியன்ஸ் மகளிர் அணி தான் 2 போட்டியிலும் வெற்றி பெற்றுள்ளது. மேலும், சேஸிங்கில் தான் 2 போட்டியிலும் மும்பை வென்றிருக்கிறது. இந்த நிலையில் இன்று நடக்கும் போட்டியில் டாஸ் வென்ற மும்பை இந்தியன்ஸ் அணியானது பவுலிங் தேர்வு செய்துள்ளது. இந்தப் போட்டியிலும் ஹர்மன்ப்ரீத் கவுர் இடம் பெறவில்லை. அவருக்குப் பதிலாக நாட் ஷிவர் பிரண்ட் கேப்டனாக பொறுப்பேற்றுள்ளார்.

மும்பை இந்தியன்ஸ்:

ஹேலி மேத்யூஸ், யாஸ்திகா பாட்டியா (விக்கெட் கீப்பர்), நாட் ஷிவர் பிரண்ட் (கேப்டன்), அமெலியா கெர், பூஜா வஸ்த்ரேகர், இஷி வாங், சஜீவன் சஞ்சனா, அமோன்ஜித் கவுர், ஹுமைரா காஸி, கீர்த்தனா பாலகிருஷ்ணா, சைகா இஷாக்.

ராயல் சேலஞ்சர்ஸ் பெங்களூரு:

ஸ்மிருதி மந்தனா (கேப்டன்), ஷோஃபி டிவைன், சப்பினேனி மேகனா, எல்லிஸ் பெர்ரி, ரிச்சா கோஷ் (விக்கெட் கீப்பர்), ஷோபி மொலினெக்ஸ், ஜார்ஜியா வேர்கிராம், ஷ்ரேயங்கா பாட்டீ, சிம்ரன் பகதூர், ஆஷா ஷோபனா, ரேணுகா தாக்கூர் சிங்.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்