IPL 2023: MI vs PBKS மோதல்.. மிரட்டல் ஃபாஸ்ட் பவுலரை மீண்டும் அணிக்குள் கொண்டுவரும் பஞ்சாப் கிங்ஸ்
ஐபிஎல் 16வது சீசனின் இன்றைய போட்டியில் களமிறங்கும் மும்பை இந்தியன்ஸ் - பஞ்சாப் கிங்ஸ் அணிகளின் உத்தேச ஆடும் லெவனை பார்ப்போம்.
 )
ஐபிஎல் 16வது சீசன் விறுவிறுப்பாக நடந்துவரும் நிலையில், இன்று மும்பை வான்கடேவில் நடக்கும் போட்டியில் மும்பை இந்தியன்ஸ் மற்றும் பஞ்சாப் கிங்ஸ் அணிகள் மோதுகின்றன. முதலிரண்டு போட்டிகளில் தோல்வியடைந்த மும்பை இந்தியன்ஸ் அணி, அடுத்த 3 போட்டிகளிலும் தொடர்ச்சியாக ஜெயித்து வெற்றிப்பாதையில் பயணித்துவருகிறது.
ஆனால் இந்த சீசனை நன்றாக தொடங்கிய பஞ்சாப் கிங்ஸ் அணி, 6 போட்டிகளில் 2 வெற்றிகளை மட்டுமே பெற்று புள்ளி பட்டியலில் கடைசியிலிருந்து 3வது இடத்தில் உள்ளது. எனவே அந்த அணிக்கு வெற்றி முக்கியம். கடந்த போட்டியில் தோற்ற பஞ்சாப் கிங்ஸ் அணி வெற்றி முனைப்பில் இன்று மும்பை இந்தியன்ஸை எதிர்கொள்கிறது.
இன்று மும்பை வான்கடேவில் நடக்கும் போட்டியில் களமிறங்கும் மும்பை இந்தியன்ஸ் - பஞ்சாப் கிங்ஸ் அணிகளின் உத்தேச ஆடும் லெவனை பார்ப்போம். அபாரமாக ஆடி தொடர் வெற்றிகளை பெற்றுவரும் மும்பை இந்தியன்ஸ் அணியில் எந்த மாற்றமும் செய்யப்பட வாய்ப்பில்லை.
பஞ்சாப் கிங்ஸ் அணியில் மிரட்டல் ஃபாஸ்ட் பவுலர் ககிசோ ரபாடா சேர்க்கப்படுவார். கடந்த போட்டியில் ஆடாத ரபாடா, இந்த போட்டியில் நேதன் எல்லிஸுக்கு பதிலாக களமிறக்கப்படுவார். கடந்த போட்டியில் ஆடாத கேப்டன் ஷிகர் தவான் இன்றைய போட்டியிலும் ஆட வாய்ப்பில்லை என்பதால் சாம் கரன் கேப்டன்சி செய்வார்.
உத்தேச மும்பை இந்தியன்ஸ் அணி:
ரோஹித் சர்மா (கேப்டன்), இஷான் கிஷன், சூர்யகுமார் யாதவ், கேமரூன் க்ரீன், திலக் வர்மா, டிம் டேவிட், அர்ஜுன் டெண்டுல்கர், நெஹல் வதேரா, ரித்திக் ஷோகீன், பியூஷ் சாவ்லா, ஜேசன் பெஹ்ரண்டார்ஃப்.
உத்தேச பஞ்சாப் கிங்ஸ் அணி:
அதர்வா டைட், பிரப்சிம்ரன் சிங், மேத்யூ ஷார்ட், லியாம் லிவிங்ஸ்டன், ஹர்ப்ரீத் சிங் பாட்டியா, சாம் கரன்(கேப்டன்), ஜித்தேஷ் ஷர்மா, ஷாருக்கான் ஹர்ப்ரீத் பிரார், ககிசோ ரபாடா, அர்ஷ்தீப் சிங், ராகுல் சாஹர்.
சேனலை கிளிக் செய்து பின்தொடரவும்
