Asianet News TamilAsianet News Tamil

சூர்யகுமார், ஷ்ரேயாஸ்லாம் வேண்டாம்; டி20 WC-ல் இந்திய அணி இவரையே 4ம் ஆர்டரில் இறக்கலாமே!இர்ஃபான் பதான் கருத்து

இந்திய அணி டி20 உலக கோப்பையில் யாரை 4ம் வரிசையில் இறக்கலாம் என்று இர்ஃபான் பதான் கருத்து கூறியுள்ளார்.
 

irfan pathan opines hardik pandya can play at 4th batting order for india in t20 world cup
Author
Mumbai, First Published Apr 24, 2022, 8:19 PM IST

ஐபிஎல் 15வது சீசன் விறுவிறுப்பாக நடந்துவரும் நிலையில், இந்த ஆண்டு இறுதியில் ஆஸ்திரேலியாவில் நடக்கவுள்ள டி20 உலக கோப்பைக்கான அணியில் இடம்பெற வேண்டும் என்ற வேட்கையில் இந்திய வீரர்கள் பலர் அருமையாக ஆடிவருகின்றனர்.

நடராஜன், உம்ரான் மாலிக், ஹர்ஷல் படேல் ஆகிய பவுலர்கள் அபாரமாக பந்துவீசிவருகின்றனர். மும்பை இந்தியன்ஸ் அணியால் விடுவிக்கப்பட்ட ஆல்ரவுண்டர் ஹர்திக் பாண்டியா, காயத்திலிருந்து மீண்டு முழு ஃபிட்னெஸுடன் மீண்டும் களத்திற்கு வந்து குஜராத் டைட்டன்ஸ் அணியை கேப்டனாக இருந்து வழிநடத்துகிறார்.

பேட்டிங், பவுலிங், கேப்டன்சி என அனைத்து வகையிலும் குஜராத் டைட்டன்ஸுக்கு சிறப்பான பங்களிப்பை அளித்துவருகிறார் ஹர்திக் பாண்டியா. 6 போட்டிகளில் 295 ரன்களை குவித்து, இந்த சீசனில் இதுவரை அதிக ரன்கள் குவித்த வீரர்கள் பட்டியலில் 2ம் இடத்தில் உள்ளார் ஹர்திக் பாண்டியா. கேஎல் ராகுல், ஃபாஃப் டுப்ளெசிஸ், பிரித்வி ஷா ஆகிய டாப் ஆர்டர் பேட்ஸ்மேன்களே பாண்டியாவிற்கு பின்னால் தான் உள்ளனர்.

மும்பை இந்தியன்ஸ் அணியிலும் சரி, இந்திய அணியிலும் சரி, பின்வரிசையில் இறங்கி ஃபினிஷர் ரோலையே வகித்துவந்த ஹர்திக் பாண்டியா, குஜராத் டைட்டன்ஸ் அணியில் 3-4ம் பேட்டிங் ஆர்டரில் இறங்கி புதிய ரோலை வகிக்கிறார். அதிலும் சிறப்பாக செயல்பட்டு பெரிய இன்னிங்ஸ் ஆடி நல்ல ஸ்கோர் செய்துவருகிறார். இந்த சீசனில் 6 இன்னிங்ஸ்களில் 3 அரைசதம் அடித்துள்ளார்.

ஹர்திக் பாண்டியா அபாரமாக பேட்டிங் ஆடிவரும் நிலையில், அவரையே 4ம் வரிசையில்  இந்திய அணிக்காக பேட்டிங் ஆடவைக்கலாம் என்று இர்ஃபான் பதான் தெரிவித்துள்ளார். டி20 உலக கோப்பையில் இந்திய அணி பாண்டியாவை 4ம் வரிசையில் இறக்கலாம் என்று இர்ஃபான் பதான் கருத்து கூறியுள்ளார்.

இதுகுறித்து கருத்து கூறியுள்ள இர்ஃபான் பதான், இது புதிய ஹர்திக் பாண்டியா. ஹர்திக் பாண்டியாவின் சிறந்த வெர்சன் இது. இந்த சீசனில் அவர் ஆடுவதை பார்க்க நன்றாக இருக்கிறது. 4ம் வரிசையில் பொறுப்புடன் பேட்டிங் ஆடுகிறார். சீக்கிரம் விக்கெட்டுகள் விழுந்தால் நிறைய சான்ஸ் எடுத்து ஆடமுடியாது. ஆனால் ஹர்திக் பாண்டியா பெரிய ஷாட்டுகளை அடித்து ஆட யோசிப்பதே இல்லை. எதிரணி பவுலர்கள் மோசமான பந்துகளை வீசினால் உடனடியாக தண்டித்துவிடுகிறார் பாண்டியா. குஜராத் டைட்டன்ஸுக்கு மட்டுமல்ல; இந்திய அணியிலும் 4ம் வரிசையில் இறங்கி பேட்டிங் ஆட தகுதியான வீரர் ஹர்திக் பாண்டியா என்று இர்ஃபான் பதான் கருத்து கூறியுள்ளார்.

இந்திய அணியில் 4ம் இடத்திற்கு சூர்யகுமார் யாதவ் மற்றும் ஷ்ரேயாஸ் ஐயர் இடையே கடும் போட்டி நிலவிவரும் நிலையில், அவர்கள் இருவரையும் பொருட்படுத்தாமல் ஹர்திக் பாண்டியாவை 4ம் வரிசையில் இறக்கலாம் என்று இர்ஃபான்ன் பதான் கூறியுள்ளார்.
 

Follow Us:
Download App:
  • android
  • ios