குஜராத் டைட்டன்ஸ் மற்றும் சன்ரைசர்ஸ் ஹைதராபாத் அணிகளுக்கு இடையேயான போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.
ஐபிஎல் 15வது சீசன் விறுவிறுப்பாக நடந்துவரும் நிலையில், இந்த சீசனில் பவுலிங்கில் பலம் வாய்ந்த குஜராத் டைட்டன்ஸ் மற்றும் சன்ரைசர்ஸ் ஹைதராபாத் அணிகள் சிறப்பாக விளையாடி வெற்றிகளை குவித்துவருகின்றன.
ஹர்திக் பாண்டியா தலைமையில் புதிதாக களமிறங்கியுள்ள குஜராத் டைட்டன்ஸ் மற்றும் கேன் வில்லியம்சன் தலைமையிலான சன்ரைசர்ஸ் ஹைதராபாத் ஆகிய 2 அணிகளுமே இந்த சீசனில் ஆதிக்கம் செலுத்த முக்கிய காரணம். அவற்றின் பலம் வாய்ந்த பவுலிங் யூனிட் தான்.
குஜராத் டைட்டன்ஸ் அணியில் ஷமி, ஃபெர்குசன், அல்ஸாரி ஜோசஃப், ரஷீத் கான், ராகுல் டெவாட்டியா, யஷ் தயால் ஆகிய தரமான பவுலர்கள் உள்ளனர். இவர்கள் தவிர, ஹர்திக் பாண்டியாவும் பந்துவீசுவார்.
சன்ரைசர்ஸ் ஹைதராபாத் அணியில் புவனேஷ்வர் குமார், டி.நடராஜன், உம்ரான் மாலிக், மார்கோ யான்சென் ஆகிய தரமான ஃபாஸ்ட் பவுலர்கள் உள்ளனர். பவுலிங்கில் சிறந்து விளங்குவதால் தான், குஜராத் டைட்டன்ஸ் மற்றும் சன்ரைசர்ஸ் ஹைதராபாத் ஆகிய அணிகள் புள்ளி பட்டியலில் 2 மற்றும் 3ம் இடங்களில் உள்ளன.
இந்நிலையில், இன்று மும்பை வான்கடேவில் நடக்கும் போட்டியில் இந்த 2 அணிகளும் மோதுகின்றன. குஜராத் டைட்டன்ஸ் அணி இதுவரை ஆடிய போட்டிகளில் ஒரேயொரு தோல்வியை மட்டுமே தழுவியுள்ளது. அது சன்ரைசர்ஸுக்கு எதிராக என்பது குறிப்பிடத்தக்கது.
இன்றைய போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம். இரு அணிகளின் ஆடும் லெவன் காம்பினேஷனிலும் எந்த மாற்றமும் செய்யப்படாது. இரு அணிகளுமே முந்தைய போட்டிகளில் ஆடிய அதே காம்பினேஷனுடன் தான் களமிறங்கும்.
உத்தேச குஜராத் டைட்டன்ஸ் அணி:
ஷுப்மன் கில், ரிதிமான் சஹா (விக்கெட் கீப்பர்), ஹர்திக் பாண்டியா (கேப்டன்), அபினவ் மனோகர், டேவிட் மில்லர், ராகுல் டெவாட்டியா, ரஷீத் கான், அல்ஸாரி ஜோசஃப், லாக்கி ஃபெர்குசன், யஷ் தயால், முகமது ஷமி.
சன்ரைசர்ஸ் ஹைதராபாத் அணி:
அபிஷேக் ஷர்மா, கேன் வில்லியம்சன் (கேப்டன்), ராகுல் திரிபாதி, எய்டன் மார்க்ரம், நிகோலஸ் பூரன் (விக்கெட் கீப்பர்), ஷஷான்க் சிங், ஜெகதீஷா சுஜித், புவனேஷ்வர் குமார், மார்கோ யான்சென், உம்ரான் மாலிக், டி.நடராஜன்.
