NZ vs ENG: 2வது இன்னிங்ஸில் ஸ்டூவர்ட் பிராடிடம் சரிந்த நியூசி., பேட்டிங் ஆர்டர்..! இங்கிலாந்தின் வெற்றி உறுதி
நியூசிலாந்துக்கு எதிரான முதல் டெஸ்ட்டில் இங்கிலாந்து அணி வெற்றிக்கு அருகில் உள்ளது. நியூசிலாந்து அணி பேட்டிங்கில் சொதப்பியதால் இங்கிலாந்தின் கை இந்த போட்டி முழுவதுமே ஓங்கியே இருந்திருக்கிறது.
Followநியூசிலாந்து - இங்கிலாந்து இடையேயான 2 டெஸ்ட் போட்டிகள் கொண்ட தொடரின் முதல் போட்டியில் டாஸ் வென்ற நியூசிலாந்து அணி ஃபீல்டிங்கை தேர்வு செய்தது.
நியூசிலாந்து அணி:
டாம் லேதம், டெவான் கான்வே, கேன் வில்லியம்சன், ஹென்ரி நிகோல்ஸ், டேரைல் மிட்செல், டாம் பிளண்டெல், மைக்கேல் பிரேஸ்வெல், ஸ்காட் குஜெலின், டிம் சௌதி (கேப்டன்), நீல் வாக்னர், பிளைர் டிக்னெர்.
இங்கிலாந்து அணி:
பென் டக்கெட், ஜாக் க்ராவ்லி, ஆலி போப், ஜோ ரூட், ஹாரி ப்ரூக், பென் ஸ்டோக்ஸ் (கேப்டன்), பென் ஃபோக்ஸ், ஆலி ராபின்சன், ஸ்டூவர்ட் பிராட், ஜாக் லீச், ஜேம்ஸ் ஆண்டர்சன்.
முதலில் பேட்டிங் ஆடிய இங்கிலாந்து அணியின் தொடக்க வீரர் பென் டக்கெட் சிறப்பாக ஆடி 84 ரன்களை குவித்தார். மிடில் ஆர்டர் அபாரமாக பேட்டிங் ஆடிய ஹாரி ப்ரூக் 89 ரன்கள் அடித்தார். ஆலி போப் 42 ரன்களும், பென் ஃபோக்ஸ் 38 ரன்களும் அடிக்க, முதல் இன்னிங்ஸில் இங்கிலாந்து அணி 325 ரன்கள் அடித்தது.
இதையடுத்து முதல் இன்னிங்ஸை ஆடிய நியூசிலாந்து அணியில் டாம் பிளண்டெல் மற்றும் தொடக்க வீரர் டெவான் கான்வே ஆகிய இருவர் மட்டுமே சிறப்பாக பேட்டிங் ஆடினார்கள். அபாரமாக ஆடிய டாம் பிளண்டெல் சதமடித்தார். பிளண்டெல் 138 ரன்களையும், டெவான் கான்வே 77 ரன்களையும் குவிக்க, நியூசிலாந்து அணி முதல் இன்னிங்ஸில் 306 ரன்கள் அடித்தது.
19 ரன்கள் முன்னிலையுடன் 2வது இன்னிங்ஸை ஆடிய இங்கிலாந்து அணியில் அனைத்து வீரர்களுமே பங்களிப்பு செய்தனர். ஜோ ரூட் (57), ஹாரி ப்ரூக்(54) மற்றும் பென் ஃபோக்ஸ்(51) ஆகிய மூவரும் அரைசதம் அடித்தனர். ஆலி போப்(49), ராபின்சன்(39) ஆகியோரும் பங்களிப்பு செய்ய, 2வது இன்னிங்ஸில் 374 ரன்களை குவித்தது இங்கிலாந்து.
PSL 2023: காலின் முன்ரோ காட்டடி அரைசதம்.. கராச்சி கிங்ஸை வீழ்த்தி இஸ்லாமாபாத் யுனைடெட் அபார வெற்றி
மொத்தமாக 393 ரன்கள் இங்கிலாந்து அணி முன்னிலை பெற, 394 ரன்கள் என்ற கடினமான இலக்கை கடைசி இன்னிங்ஸில் விரட்டிவரும் நியூசிலாந்து அணி வெறும் 28 ரன்களுக்கே 5 விக்கெட்டுகளை இழந்துவிட்டது. இங்கிலாந்து அணியின் சீனியர் ஃபாஸ்ட் பவுலர் ஸ்டூவர்ட் பிராடின் வேகத்தில் நியூசிலாந்து அணியின் பேட்டிங் ஆர்டர் சரிந்தது. பிராட் 4 விக்கெட் வீழ்த்த, 28 ரன்களுக்கே 5 விக்கெட்டுகளை இழந்தது. 3ம் நாள் ஆட்ட முடிவில் நியூசிலாந்து அணி 5 விக்கெட் இழப்பிற்கு 63 ரன்கள் அடித்துள்ளது. டேரைல் மிட்செல் மற்றும் மைக்கேல் பிரேஸ்வெல் ஆகிய இருவரும் களத்தில் உள்ளனர். நியூசிலாந்து அணியின் வெற்றிக்கு இன்னும் 331 ரன்கள் தேவை. ஆனால் இங்கிலாந்து அணிக்கு வெறும் 5 விக்கெட் மட்டுமே தேவை என்பதால் இங்கிலாந்தின் வெற்றி கிட்டத்தட்ட உறுதியாகிவிட்டது.
சேனலை கிளிக் செய்து பின்தொடரவும்
