அது வேண்டாமாம், இது மட்டும் வேண்டுமாம்: பொதுக்குழுவை போட்டுத் தாக்கும் 'மிஸ்டர் கூல்' தினகரன்...
எடப்பாடி மற்றும் பன்னீர் நடத்தும் பொதுக்குழுவுக்கு போட்டியாக செய்தியாளர் குழுவை கூட்டி வறுத்தெடுத்து வருகிறார் தினகரன்.
பொதுக்குழு தீர்மானங்களை மிக மிக அலட்சியமாக அவர் வறுத்தெடுத்து வருவதன் ஹைலைட் பாயிண்டுகள்:
* நடப்பது பொதுக்குழுவே அல்ல! எடப்பாடி மற்றும் பன்னீர் இருவரும் நடத்தும் நிகழ்ச்சி அவ்வளவே!
* தன்னை முதல்வர் பதவியில் அமர்த்திய சின்னம்மாவிடமே இவர்கள் நன்றியை காட்டவிலலியென்றால், மக்களுக்கு எந்த நன்மையை செய்வார்கள்?
* நான் நேற்றே கூறியது போல் இந்த ஆட்சியை தூக்கி எறிய வேண்டிய பணிகளை துவக்கிவிட்டேன்.
* கழகத்தின் 95% தொண்டர்கள் எங்களுக்கு ஆதரவாகத்தான் இருக்கிறார்கள்.
* பொதுச்செயலாளராக அம்மா அமர்ந்த இடத்தில் யாரையும் வைத்துப் பார்க்க மனமில்லாத பழனிசாமியும், பன்னீரும், அம்மா அமர்ந்திருந்த முதல்வர் பதவியில் மட்டும் ஒட்டியிருப்பது ஏன்? நல்லவர்கள் என்றால் அதை உதறவேண்டியதுதானே!?
* கட்சியின் சின்னமான இரட்டை இலை முடங்க காரணம் பன்னீர்செல்வமே!
* நாங்கள் தி.மு.க.வுடன் கைகோர்த்திருப்பதாக சொல்வது பொய்.
* மீண்டும் அம்மாவின் நல்ஆட்சி தமிழகத்தில் நிறுவப்படும்.