tips for lkg admission
கல்வி என்பது இன்று வியாபாரமாகி விட்டது. வியாபாரத்தை பெருக்கிக்கொள்ள தான் இன்று எத்தனையோ பிரபலமான தனியார் பள்ளிகள் பகுதி வாரியாக தங்கள் பள்ளியின் கிளையை தொடங்க ஆரம்பித்து விட்டனர்.
பெயர் பெற்ற பள்ளிகள் என்பதால் , அது ஒன்று போதுமே கல்வி என்ற பெயரில் கொள்ளை அடிப்பதற்கு. மக்கள் பொதுவாகவே நம் பிள்ளைகள் நல்ல பள்ளியில் படிக்க வேண்டும் என்பதற்காக எவ்வளவு பணத்தை வேண்டுமென்றாலும் தர மனதார தயாராகி விட்டனர் . இதனை தெரியாதவர்களா கல்வி கொள்ளையர்கள் .
ஜூன் மாதம் எல்கேஜி அட்மிஷன் 6 மாதத்திற்கு முன்பே முடித்து விடுகின்றனர். அதாவது வரும் ஜூன் மாதம், பள்ளியில் சேர்வதற்கு கடந்த ஜனவரி மாதமே அட்மிஷன் முடிந்துள்ளது . ஒரு சில பள்ளியில் இந்த மாதத்துடன் முடிகிறது .
குறைந்த பட்சம் 5௦ ஆயிரத்திற்கு மேல் தான் அட்மிஷன் பீஸ். இதையும் தாண்டி நம் குழந்தைக்கு சீட் கிடைக்கவில்லையே என கவலையில் உள்ளனர் சில பெற்றோர்கள்.
சற்று சிந்தித்து பாருங்கள், திறமை உள்ள குழந்தை எங்கிருந்தாலும் கற்றுகொள்ளும் விழித்துக்கொள்ளும். தரமானதாகவும் , குறைந்த கட்டணம் வசூலிக்கும் பள்ளிகள் எத்தனையோ இருக்கும்போது , அதிக கட்டணம் வசூலித்து கல்வியை வியாபராம் செய்யும் பள்ளியில் தான் தரம் இருக்கும் என நினைக்க வேண்டாமே...யோசித்து முடிவெடுங்கள்
