வீட்டை எப்போதும் சுத்தமாக வைத்திருக்க வேண்டும். வாரத்திற்கு ஒரு முறையாவது வீட்டைத் துடைத்து சுத்தம் செய்ய வேண்டும். தரையைத் துடைக்கும்போது செய்ய கூடாத 4 தவறுகள் பற்றி இந்த பதிவில் பார்க்கலாம்.
வீட்டை எப்போதும் சுத்தமாக வைத்திருப்பது அவசியம். வேலைப்பளு காரணமாக வாரத்திற்கு ஒரு நாள் மட்டுமே வீட்டைச் சுத்தம் செய்ய நேரம் கிடைக்கிறது. அதுவரை தூசி, அழுக்குகள் எல்லாம் வீட்டில் தேங்கி நிற்கும். இதனால் சுத்தம் செய்யும் வேலை இரட்டிப்பாகிறது. தரையைத் துடைக்கும்போது நீங்கள் கவனிக்க வேண்டிய சில விஷயங்கள் இங்கே.
சுத்தமில்லாத துடைப்பம்
துடைப்பம் சுத்தமாக இல்லையென்றால், எவ்வளவு முறை துடைத்தாலும் தரை சுத்தமாகாது. துடைப்பத்தில் உள்ள அழுக்குகள் தரையில் படிந்து, கிருமிகள் பெருகும். எனவே, துடைப்பதை முதலில் நன்றாகக் கழுவ வேண்டும். மேலும், ஒரே தண்ணீரில் வீடு முழுவதும் துடைக்கக் கூடாது.
Related Articles
அளவுக்கு அதிகமான கிளீனர்கள்
அதிக கிளீனர்கள் தரையைச் சுத்தம் செய்யும் என்று பலர் நினைக்கிறார்கள். ஆனால், அது தரையை மேலும் அழுக்காக்கும். கிளீனரின் கறை தரையில் படிந்து, தரைக்குக் கேடு விளைவிக்கும்.
முதலில் கூட்டிப் பெருக்குங்கள்
துடைப்பதற்கு முன், தரையைக் கூட்டிப் பெருக்க வேண்டும். தூசி, முடி போன்றவை தண்ணீரில் கரையாது. எனவே, முதலில் கூட்டிப் பெருக்கிய பின்னரே துடைக்க வேண்டும்.
உலர விடுங்கள்
தரையைத் துடைத்த பின், ஈரம் போகும் வரை நடக்கக் கூடாது. இல்லையென்றால், கால்களில் உள்ள அழுக்குகள் தரையில் படிந்து, மீண்டும் சுத்தம் செய்ய வேண்டியிருக்கும்.