Marriage Grant Scheme in Uttarpradesh: ஏழைக் குடும்பப் பெண்களின் திருமணத்திற்கு ரூ.20,000 நிதியுதவி வழங்கப்படும் என யோகி ஆதித்யநாத் அரசு அறிவித்துள்ளது.
Marriage Grant Scheme in Uttarpradesh: ஏழைக் குடும்பப் பெண்களுக்கு யோகி அரசு சிறப்பான பரிசை அளித்துள்ளது. உத்தரப் பிரதேச அரசு, ஏழைக் குடும்பப் பெண்களின் திருமணத்திற்கு நிதியுதவி வழங்கும் வகையில், முதல்வர் திருமண உதவித்தொகைத் திட்டத்தை அறிவித்துள்ளது. இந்தத் திட்டத்தின் கீழ், பொருளாதாரத்தில் நலிவடைந்த குடும்பங்களுக்கு ரூ.20,000 நிதியுதவி வழங்கப்படும்.
யாருக்கெல்லாம் இந்தத் திட்டத்தின் பலன் கிடைக்கும்?
இந்தத் திட்டத்தின் பலன், பொதுப் பிரிவு, பட்டியல் சாதி, பட்டியல் பழங்குடியினர் மற்றும் பிற பிற்படுத்தப்பட்ட வகுப்புகளைச் சேர்ந்த ஏழைக் குடும்பங்களுக்குக் கிடைக்கும். அரசின் உத்தரவின்படி, மாவட்டத்தின் அனைத்து வட்டாரங்களிலும் உள்ள ஏழைக் குடும்பங்களிடமிருந்து விண்ணப்பங்கள் வரவேற்கப்படுகின்றன. இதற்காக, ஆன்லைன் இணையதளத்தில் விண்ணப்பிக்க வேண்டும். நகர்ப்புறங்களில் ரூ.56,460-க்கும் குறைவாகவும், கிராமப்புறங்களில் ரூ.46,080-க்கும் குறைவாகவும் வருமானம் ஈட்டும் குடும்பத்தினர் மட்டுமே இந்தத் திட்டத்தின் பலனைப் பெற முடியும்.
மணமகனின் சிபில் ஸ்கோர் கம்மியாக இருந்ததால் நின்றுபோன திருமணம்!
எப்படி விண்ணப்பிப்பது?
கோண்டா மாவட்ட சமூக நல அலுவலர் ராஜேஷ் சவுத்ரி கூறுகையில், ஏழைக் குடும்பப் பெண்களின் திருமணத்திற்காக இந்தத் திட்டம் செயல்படுத்தப்படுகிறது. இதற்கு, ஆன்லைன் மூலமாக மட்டுமே விண்ணப்பிக்க முடியும். பொதுப் பிரிவு மற்றும் பட்டியல் சாதியைச் சேர்ந்தவர்களிடமிருந்து அவர்களது மகள்களின் திருமணத்திற்கான விண்ணப்பங்கள் வரவேற்கப்படுகின்றன.
மகா கும்பமேளா 2025ல் மனைவியுடன் புனித நீராடிய முன்னாள் மத்திய அமைச்சர் அனுராக் தாக்கூர்!
இந்தத் திட்டத்திற்கு https://cmsvy.upsdc.gov.in என்ற இணையதளத்தில் ஆன்லைனில் விண்ணப்பிக்க வேண்டும். விண்ணப்பதாரர்கள் இணைய மையங்கள் மூலமாகவோ, தாங்களாகவோ அல்லது துறையின் இணையதளம் மூலமாகவோ விண்ணப்பிக்கலாம். திருமணத்திற்கு 90 நாட்களுக்கு முன்னதாகவோ அல்லது 90 நாட்களுக்குப் பின்னதாகவோ விண்ணப்பிக்கலாம்.
