Asianet News TamilAsianet News Tamil

இனி ஆந்திராவின் தலைநகர் ஹைதராபாத் இல்லை.. அப்ப புதிய தலைநகரம் எது? அங்கு என்ன சிக்கல்?

ஆந்திரப் பிரதேசத்தைப் பொறுத்தவரை, ஜூன் 2 வரலாற்றில் ஒரு முக்கியமான நாள். ஹைதராபாத்தை தலைநகராக இழந்த நாள்.

What is Andhra Pradesh's capital it is no longer Hyderabad know what is the reason Rya
Author
First Published Jun 3, 2024, 4:10 PM IST

ஆந்திரப் பிரதேசத்தைப் பொறுத்தவரை, ஜூன் 2 வரலாற்றில் ஒரு முக்கியமான நாள். ஹைதராபாத்தை தலைநகராக இழந்த நாள். ஆம்.. ஹைதராபாத் இப்போது தெலுங்கானாவின் தலைநகரமாக உள்ளது, இது 2014 இல் ஆந்திராவில் இருந்து பிரிக்கப்பட்டது. இது எப்படி நடந்தது? ஆந்திரா தலைநகரை இழந்த பிறகு என்ன நடக்கிறது? ஆந்திராவின் புதிய தலைநகரம் எது? இதுகுறித்து விரிவாக பார்க்கலாம்.

ஹைதராபாத் இனி ஆந்திராவின் தலைநகரம் இல்லையா?

ஜூன் 2 ஆம் தேதி, அதாவது நேற்று இந்தியாவின் பரபரப்பான பெருநகரங்களில் ஒன்றான ஹைதராபாத் ஆந்திராவின் தலைநகர் என்ற அந்தஸ்தை இழந்தது. அது இனி தெலுங்கானாவின் தலைநகராக மட்டுமே செயல்படும். 2014 ஆம் ஆண்டின் ஆந்திரப் பிரதேச மறுசீரமைப்புச் சட்டத்தால் இந்த மாற்றம் நடந்துள்ளது. ஆந்திர மறுசீரமைப்புச் சட்டம், 2014 இன் பிரிவு 5(1) இன் படி, ஹைதராபாத் இரு மாநிலங்களுக்கும் பொதுவான தலைநகராக ஜூன் 2, 2014 முதல் 10 ஆண்டுகளுக்கு, அதாவது ஜூன் 2, 2024 வரை நியமிக்கப்பட்டது. 10 ஆண்டுகளுக்கு பிறகு, ஹைதராபாத் தெலுங்கானாவின் தலைநகராக மட்டுமே இருக்கும், மேலும் ஆந்திரப் பிரதேசத்திற்கு ஒரு புதிய தலைநகரம் நிறுவப்படும்.

முதல்வர் பதவியை ராஜினாமா செய்கிறாரா நிதிஷ் குமார்? மோடி, அமித் ஷாவுடன் திடீர் சந்திப்பு!

2014 ஆம் ஆண்டு ஆந்திர மறுசீரமைப்பு சட்டம் தனி மாநிலத்திற்கான நீண்ட போராட்டத்தின் விளைவாகும். இந்தச் சட்டத்தின் காரணமாக, தெலுங்கானா ஆந்திரப் பிரதேசத்தில் இருந்து பிரிக்கப்பட்டு, இந்தியாவின் யூனியனில் 29வது மற்றும் இளைய மாநிலமாக மாறியது.

ஆந்திராவின் புதிய தலைநகரம் என்ன?

தற்போதைய நிலவரப்படி, ஆந்திராவில் தலைநகர் இல்லை. முன்னதாக, அமராவதியை புதிய தலைநகராக உருவாக்க அப்போதைய முதல்வர் சந்திரபாபு நாயுடு முடிவு செய்தார். இதற்கிடையில், அவர் தனது நிர்வாகத்தை விஜயவாடா மற்றும் குண்டூர் பகுதிகளுக்கு மாற்றினார்.

உண்மையில், சந்திரபாபு நாயுடு தலைமையிலான அரசாங்கம் அமராவதியில் ஒரு "உலகத் தரம் வாய்ந்த தலைநகரம்" அமைக்க முன்மொழிந்தது, அதற்கான நிலத்தையும் கையகப்படுத்தத் தொடங்கியது. குண்டூர் மற்றும் என்டிஆர் (முன்னாள் கிருஷ்ணா) மாவட்டங்களில் உள்ள கிராமங்களில் இருந்து சுமார் 33,000 ஏக்கர் நிலம் தலைநகர் கட்டுமானத்திற்காக கையகப்படுத்தப்பட்டது. இந்த திட்டத்திற்கு 2015ல் பிரதமர் நரேந்திர மோடி அடிக்கல் நாட்டினார்.

ஆனால் 2019-ம் ஆண்டு ஆட்சி மாற்றம் நடந்தது. புதிதாக ஆட்சிக்கு வந்த ஜெகன் மோகன் ரெட்டி அமராவதியை தலைநகராகக் மாற்றும் யோசனையை நிராகரித்தார், அதற்கு பதிலாக, 3 தலைநகர் திட்டத்தை அவர் முன்மொழிந்தார். அதாவது விசாகப்பட்டினத்தில் நிர்வாக தலைநகரம், அமராவதியில் சட்டமன்றத் தலைநகரம் மற்றும் கர்னூலில் நீதித்துறை தலைநகரம் என்று மூன்று தலைநகர் திட்டத்தை முன்வைத்தார்.

முதுகில் குத்திய வேட்பாளர்கள்: அருணாச்சலப்பிரதேசத்தில் காங்கிரஸ் பரிதாபம்!

இருப்பினும், இந்த திட்டங்கள் சிக்கல்களை சந்தித்தன, இந்த விவகாரம் ஆந்திர உயர் நீதிமன்றம் வரை கூட சென்றது. முந்தைய தெலுங்கு தேசம் கட்சியின் ஆட்சியில் அமராவதியை தலைநகராக உருவாக்க வேண்டும் என்று நீதிமன்றம் மாநில அரசுக்கு உத்தரவிட்டது. ஆந்திர மாநில சட்டப்பேரவை தேர்தல் சமீபத்தில் நடந்து முடிந்த நிலையில் நாளை தேர்தல் முடிவுகள் வெளியாக உள்ளன. இந்த நிலையில் ஆந்திர தலைநகர் விவகாரம் மீண்டும் கவனம் ஈர்த்துள்ளது.

முன்னதா சட்டப்பேரவை தேர்தல் பிரச்சாரத்தில், தான் மீண்டும் ஆட்சிக்கு வந்தால், விசாகப்பட்டினத்தை நிர்வாக தலைநகராக பெயரிடுவேன் என்றும், அங்கு தனது பதவியேற்பு விழாவையும் நடத்துவேன் என்றும் ஜெகன் மோகன் ரெட்டி கூறியிருந்தார்.

இப்போது என்ன நடக்கிறது?

இதுவரை, ஆந்திரப் பிரதேச முதலமைச்சரின் முகாம் அலுவலகமாக செயல்பட்ட தலைமைச் செயலக வளாகம் மற்றும் லேக் வியூ அரசு விருந்தினர் மாளிகை உள்ளிட்ட நிர்வாகப் பணிகளுக்காக ஹைதராபாத்தை ஆந்திரா பயன்படுத்தி வந்தது. இனி, இந்த கட்டிடங்களின் கட்டுப்பாட்டை தெலுங்கானா கைப்பற்றும். திரைப்பட வளர்ச்சிக் கழகம், சிவில் சப்ளைஸ் கார்ப்பரேஷன், பால்வள மேம்பாட்டுக் கூட்டுறவுக் கூட்டமைப்பு, இதர அலுவலகங்கள் அட்டவணை IX மற்றும் X நிறுவனங்களின் கீழ் வருமா என்பது குறித்து மாநில அரசுதான் முடிவு செய்ய வேண்டும்.

ஹெர்மிடேஜ் காம்ப்ளக்ஸ், சிபி-சிஐடி தலைமையகம் மற்றும் லேக் வியூ கெஸ்ட் ஹவுஸ் ஆகிய மூன்று கட்டிடங்களைத் தக்கவைக்க அனுமதி கோரி, ஆந்திர அரசு ஜனவரி மாதம் தெலுங்கானா அதிகாரிக்கு கடிதம் எழுதியிருந்தது குறிப்பிடத்தக்கது. ஆனால், மாநிலத்தில் தேர்தல் நடத்தை விதிகள் அமலில் உள்ளதால், அதுகுறித்த விவாதம் நடைபெறவில்லை.

உண்மையில், ஹைதராபாத் மற்றும் செகந்திராபாத் ஆகிய இரட்டை நகரங்களில் உள்ள பிரதான இடங்களில் அமைந்துள்ள ஆந்திரப் பிரதேச அரசிடமிருந்து 55க்கும் மேற்பட்ட கட்டிடங்களை தெலுங்கானா அரசு கைப்பற்றும் என எதிர்பார்க்கப்படுகிறது.

மற்ற அரசு சொத்துக்களை மேலும் பகிர்ந்தளிக்கும் விஷயமும் உள்ளது. சட்டத்தின் ஒன்பதாவது அட்டவணையின்படி, 89 அரசு நிறுவனங்களும், ஆந்திர விதைகள் கழகம் மற்றும் ஆந்திர மகளிர் நிதிக் கழகம் போன்ற நிறுவனங்களும் பிரிக்கப்பட வேண்டும். பத்தாவது அட்டவணையின் கீழ், தெலுங்கு பல்கலைக்கழகம் மற்றும் ஹிந்தி அகாடமி போன்ற 107 பயிற்சி நிறுவனங்கள் மற்றும் மையங்கள் உள்ளன, அவையும் பிரிக்கப்பட வேண்டும்.

Latest Videos
Follow Us:
Download App:
  • android
  • ios