சூரியனில் என்ன நடக்குது? ஆதித்யா எல்-1 எடுத்த புகைப்படங்களை வெளியிட்டது இஸ்ரோ!

சூரியனின் இயக்கத்தைக் காட்டும் விதவிதமான புதிய புகைப்படங்களை ஆதித்யா எல்-1 விண்கலம் பூமிக்கு அனுப்பியுள்ளது. அவற்றை இந்திய விண்வெளி ஆராய்ச்சி நிறுவனம் (இஸ்ரோ) திங்கட்கிழமை வெளியிட்டுள்ளது.

சூரியனை ஆய்வு செய்வதற்கான ஆதித்யா எல்-1 விண்கலத்தை இஸ்ரோ 2023ஆம் ஆண்டு செப்டம்பர் 2ஆம் தேதி ஏவப்பட்டது. ஆந்திராவின் ஸ்ரீஹரிகோட்டாவில் உள்ள சதீஷ் தவான் விண்வெளி ஏவுதளத்தில் இருந்து ஆதித்யா எல்-1 விண்கலம் விண்ணுக்கு அனுப்பப்பட்டது.

இந்த விண்கலம் பூமியில் இருந்து, 15 லட்சம் கி.மீ தொலைவுக்கு 125 நாட்கள் பயணித்தது. பின், எல் 1 எனப்படும், லாக்ராஞ்சியன் புள்ளியில் நிலைநிறுத்தப்பட்டது. 2024ஆம் ஆண்டு ஜனவரி மாதம் ஆதித்யா எல்-1 எல்-1 புள்ளியை அடைந்தது. அதிலிருந்து சூரியனைப் பற்றி ஆய்வை ஆதித்யா எல்-1 மேற்கொண்டு வருகிறது.

3வது முறையாக விண்வெளிக்குச் சென்ற சுனிதா வில்லியம்ஸ்! பூஜ்ஜிய ஈர்ப்பு விசையில் உற்சாக நடனம்!

ஆதித்யா -எல்-1 விண்கலம் பதிவு செய்து பூமிக்கு அனுப்பும் தகவல்களை இஸ்ரோ அவ்வப்போது வெளியிட்டு வருகிறது. அண்மையில் சூரியனில் ஏற்பட்ட வெடிப்பை ஆதித்யா எல்-1 படம் பிடித்த்து. அதைத் தொடர்ந்து திங்கட்கிழமை சூரியனின் இயக்கநிலையை காட்டும் படங்களை இஸ்ரோ வெளியிட்டுள்ளது.

மே மாதம் சூரியனின் இயங்குநிலை எப்படி மாற்றம் அடைந்தது என்பதை ஆதித்யா எல்-1 விண்கலம் பதிவு செய்து பூமிக்கு அனுப்பியது. இஸ்ரோவின் அதிகாரபூர்வ ட்விட்டர் பக்கத்தில் இந்தப் படங்களை வெளியாகி வைரலாகப் பரவி வருகின்றன. இந்தப் புகைப்படங்கள் சூரியனின் ஆற்றல் மிகுந்த செயல்பாடுகளைக் காட்டுவதாகவும் கூறியுள்ளது.

"ஆதித்யா எல்-1 இல் உள்ள SUIT மற்றும் VELC கருவிகள் மே 2024 இல் சூரியனின் ஆற்றல்மிக்க செயல்பாடுகளைப் படம்பிடித்துள்ளன" என்று இஸ்ரோ தனது பதிவில் குறிப்பிட்டுள்ளது. மேலும், எக்ஸ்-கிளாஸ் மற்றும் எம்-கிளாஸ் எரிப்பு புவி காந்த புயல்களுக்கு வழிவகுக்கின்றன என்றும் சுட்டிக்காட்டியுள்ளது.

30 நிமிடத்தில் இலவச தரிசனம்... ரூ.20-க்கு 2 லட்டு.. 'ஸ்பெஷல் ஸ்டாட்' ஒதுக்கிய திருப்பதி தேவஸ்தானம்!

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• aditya l1 latest images
• aditya-1
• isro sun image
• ISRO