5,000 வைரங்கள் கொண்ட நெக்லஸ்.. பிரத்யேக கடிகாரம்.. ராமர் கோயிலுக்கு அனுப்பப்பட்ட தனித்துவமான பரிசுகள்..

அயோத்தியில் பிரம்மாண்டமாக கட்டப்பட்டுள்ள உள்ள ராமர் கோயில் ஜனவரி 22, 2024 அன்று கும்பாபிஷேகம் செய்யப்பட்டு, கோயில் கருவறையில் ராமர் சிலை பிரதிஷ்டை செய்யப்பட உள்ளது. இந்த விழாவில் பிரதமர் மோடி கலந்து கொள்ள உள்ளார். மேலும் நாடு முழுவதும் அரசியல் தலைவர்கள், சினிமா, விளையாட்டு பிரபலங்கள் உள்ளிட்ட 7000 பேருக்கு அழைப்பிதழ்கள் அனுப்பப்பட்டுள்ளது. நெரிசலைத் தவிர்க்கும் வகையில், பொதுமக்கள் ஜனவரி 22-ம் தேதி அயோத்திக்கு வர வேண்டாம் என்று பிரதமர் நரேந்திர மோடி கேட்டுக் கொண்டுள்ளார்.

ஜனவரி 22 ஆம் தேதி நடைபெறும் கும்பாபிஷேகத்தில் அனைவரும் கலந்து கொள்ள முடியாது என்றாலும், மக்கள் முடிந்தவரை கொண்டாட்டத்தின் ஒரு பகுதியாக இருக்க முயற்சிக்கின்றனர். எனவே ராமர் கோவில் கும்பாபிஷேகத்திற்கு முன்னதாக சில சிறப்புப் பரிசுகளை அனுப்பி வருகின்றனர். இந்தியா மற்றும் உலகம் முழுவதும் உள்ள மக்கள் அயோத்திக்கு அனுப்பும் இந்த சிறப்பு மற்றும் தனித்துவமான சில பரிசுகள் குறித்து இந்த பதிவில் பார்க்கலாம்.

அயோத்தி செல்லும் 11,000 பேருக்கு இரண்டு கிஃப்ட் பாக்ஸ்! உள்ளே என்னென்ன இருக்கும்?

குஜராத் முதல்வர் பூபேந்திர படேல் கடந்த வாரம் அகமதாபாத்தில் ராமர் கோயில் கும்பாபிஷேக விழாவிற்காக 44 அடி நீள பித்தளை கொடி கம்பம் மற்றும் பிற சிறிய ஆறு கொடி கம்பங்களை கொடியசைத்து துவக்கி வைத்தார். குஜராத் தரியாபூரில் உள்ள அகில இந்திய டப்கர் சமாஜ் அமைப்பால் உருவாக்கப்பட்ட கோயில் மணியும் அனுப்பப்பட்டுள்ளது. கோவிலின் முற்றத்தில் தங்கப் படலத்தால் செய்யப்பட்ட 56 அங்குல கோயில் மணிநிறுவப்படும்.

உத்தரபிரதேச மாநிலம் அலிகரை சேர்ந்த பூட்டு தொழிலாளி சத்ய பிரகாஷ் சர்மா, 10 அடி உயரம், 4.6 அடி அகலம், 9.5 இன்ச் தடிமன் கொண்ட 400 கிலோ எடையில் பூட்டு மற்றும் சாவியை தயார் செய்துள்ளார். "இது உலகின் மிகப்பெரிய பூட்டு மற்றும் சாவி, நான் அதை அறக்கட்டளைக்கு பரிசாக அளித்துள்ளேன், எனவே அதை கோவிலில் அடையாள பூட்டாக பயன்படுத்தலாம்.” என்று அவர் கூறி உள்ளார்.

உத்தரபிரதேசத்தில் உள்ள எட்டாவின் ஜலேசரில் 'அஷ்டதாது' (8 உலோகங்களின் கலவை) செய்யப்பட்ட 2,100 கிலோ எடையுள்ள மணி ஒன்று தயார் செய்யப்பட்டுள்ளது. "மணியை தயார் செய்ய இரண்டு வருடங்கள் ஆனது. சகல சடங்குகளும் செய்து ஆடம்பரத்துடன் மணி அயோத்திக்கு அனுப்பப்படுகிறது," என்று மணியை தயாரிப்பதில் ஈடுபட்டுள்ள ஒரு கைவினைஞர் கூறினார்.

லக்னோவைச் சேர்ந்த காய்கறி விற்பனையாளர் ஒருவர், 8 நாடுகளில் ஒரே நேரத்தில் நேரத்தைக் குறிக்கும் கடிகாரத்தை சிறப்பாக வடிவமைத்துள்ளார். 75 செ.மீ விட்டம் கொண்ட கடிகாரத்தை கோயில் அறக்கட்டளையின் பொதுச் செயலாளர் சம்பத் ராய்க்கு பரிசாக அளித்ததாக அனில் குமார் சாஹு (52) தெரிவித்தார். திரு சாஹு 2018 ஆம் ஆண்டில் கடிகாரத்தை முதன்முதலில் உருவாக்கினார் என்றும், அதற்கு இந்திய அரசின் காப்புரிமை அலுவலகம் 'வடிவமைப்பு பதிவு சான்றிதழ்' வழங்கியதாகவும் கூறினார். கடிகாரம் இந்தியா, டோக்கியோ (ஜப்பான்), மாஸ்கோ (ரஷ்யா), துபாய் (யுஏஇ), பெய்ஜிங் (சீனா), சிங்கப்பூர், மெக்ஸிகோ நகரம் (மெக்சிகோ), வாஷிங்டன் டிசி மற்றும் நியூயார்க் (அமெரிக்கா) ஆகிய நாடுகளின் நேரத்தைக் காட்டும்..

கும்பாபிஷேக விழாவில் கலந்துகொள்ள வரும் பக்தர்களுக்கு பாரம்பரிய இனிப்பு உணவான 7,000 கிலோ எடையுள்ள "ராம் அல்வா" தயார் செய்வதாக நாக்பூரில் உள்ள சமையல் கலைஞர் விஷ்ணு மனோகர் அறிவித்துள்ளார். மதுராவில் உள்ள ஸ்ரீ கிருஷ்ணா ஜன்மஸ்தான் சேவா சன்ஸ்தான் அயோத்திக்கு யாகம் நடத்துவதற்காக 200 கிலோ லட்டுகளை அனுப்ப தயாராகி வருகிறது.

திருமலை திருப்பதி தேவஸ்தானமும் (TTD), கும்பாபிஷேக நாளில் பக்தர்களுக்கு விநியோகிக்க ஒரு லட்சம் லட்டுகளை அனுப்புவதாக அறிவித்துள்ளது. நாட்டின் முக்கிய ஜவுளி மையமான குஜராத்தின் சூரத் நகரில் தயாரிக்கப்பட்ட சிறப்பு சேலை கோவில் அதிகாரிகளுக்கு அனுப்பப்படும். ராமர் மற்றும் அயோத்தி கோயிலின் படங்கள் அச்சிடப்பட்ட புடவை, ராமரின் மனைவி சீதாவுக்கானது, முதல் புடவை ஞாயிற்றுக்கிழமை சூரத்தில் உள்ள ஒரு கோவிலுக்கு வழங்கப்பட்டது.

சூரத்தைச் சேர்ந்த வைர வியாபாரி ஒருவர் 5,000 அமெரிக்க வைரங்கள் மற்றும் 2 கிலோ வெள்ளியைக் கொண்டு ராமர் கோயிலின் கருப்பொருளில் நெக்லஸை உருவாக்கியுள்ளார். நாற்பது கைவினைஞர்கள் 35 நாட்களில் வடிவமைப்பை முடித்தனர் மற்றும் நெக்லஸ் ராம் மந்திர் அறக்கட்டளைக்கு பரிசாக வழங்கப்பட்டுள்ளது.

ராமர் மீது அசையாத பக்தியுடனும், தனது 'கர சேவக்' தந்தையின் கனவை நிறைவேற்றும் விருப்பத்துடனும், ஹைதராபாத்தைச் சேர்ந்த 64 வயதான சல்லா ஸ்ரீனிவாஸ் சாஸ்திரி, தங்க முலாம் பூசப்பட்ட பாதணிகளை இறைவனுக்கு வழங்குவதற்காக, கிட்டத்தட்ட 8,000 கிமீ தூரம் நடந்து அயோத்தியை அடைந்தார். .
வதோதராவில் வசிக்கும் அரவிந்த்பாய் மங்கல்பாய் படேல் என்ற விவசாயி 1,100 கிலோ எடையுள்ள ராட்சத விளக்கை வடிவமைத்துள்ளார்.

நேபாளத்தில் உள்ள ஜனக்பூரில் உள்ள சீதையின் பிறந்த இடத்திலிருந்து ராமருக்கு 3,000க்கும் மேற்பட்ட பரிசுகள் அயோத்திக்கு வந்துள்ளன. வெள்ளி காலணிகள், ஆபரணங்கள் மற்றும் ஆடைகள் உள்ளிட்ட பரிசுப்பொருட்கள் இந்த வாரம் நேபாளத்தில் உள்ள ஜனக்பூர் தாம் ராம்ஜானகி கோயிலில் இருந்து அயோத்திக்கு சுமார் 30 வாகனங்களில் கான்வாய் மூலம் கொண்டு செல்லப்பட்டன.

அயோத்தி ராமர் கோயில் கும்பாபிஷேகம்.. ரூ.5,000 கோடியை எட்டிய நன்கொடை.. அதிகமாக பணம் வழங்கியது யார் தெரியுமா?

பாட்னாவில் உள்ள மகாவீர் கோவில் அறக்கட்டளை, மிதிலா மற்றும் அயோத்திக்கு இடையே உள்ள புனிதமான தொடர்பைக் குறிக்கும் வகையில், ராமர் கோவிலுக்கு தங்க வில் மற்றும் அம்பு பரிசாக அறிவித்துள்ளதாக கூறப்படுகிறது. மேலும், கோயில் கட்டுவதற்கு அறக்கட்டளை ₹10 கோடி அளித்துள்ளதாகவும் கூறப்படுகிறது.

3,610 கிலோ எடையும், கிட்டத்தட்ட 3.5 அடி அகலமும் கொண்ட 108 அடி நீள ஊதுபத்தி, 6மாதங்களில் குஜராத்தின் வதோதராவில் தயாரிக்கப்பட்டது. "இந்த குச்சி சுற்றுச்சூழலுக்கு உகந்தது மற்றும் சுமார் ஒன்றரை மாதங்கள் நீடிக்கும், பல கிலோமீட்டர்களுக்கு அதன் நறுமணத்தை பரப்பும்," என்று ஊதுபத்தியை தயார் செய்த வதோதராவைச் சேர்ந்த விஹா பர்வாத் 376 கிலோ குக்குல் (கம் பிசின்) 376 கிலோ தேங்காய் மட்டைகள், 190 கிலோ நெய், 1,470 கிலோ பசுவின் சாணம், 420 கிலோ மூலிகைகள் ஆகியவை இந்த ஊதுபத்திக்கு பயன்படுத்தப்பட்டுள்ளது, அதன் உயரம் டெல்லியில் உள்ள சின்னமான குதாப்மினார் உயரத்தில் கிட்டத்தட்ட பாதி உயரம் உள்ளது.

தனித்துவமான பரிசுகள் மூலம் தங்கள் பக்தியை காட்டும் பக்தர்கள் தங்களின் பரிசுகள் பிரமாண்டமான ராமர் கோயிலில் பயன்படுத்தப்படும் என்று நம்புகிறார்கள்.

2019 ஆம் ஆண்டு உச்ச நீதிமன்றம் ஒரு வரலாற்றுத் தீர்ப்பை வழங்கியது, ஒரு நூற்றாண்டுக்கும் மேலாக இருந்த கோவில்-மசூதி பிரச்சனையை தீர்த்து வைத்தது. சர்ச்சைக்குரிய இடத்தில் ராமர் கோவில் கட்டுவதற்கு நீதிமன்றம் அனுமதி வழங்கியது. மேலும், மசூதி கட்டுவதற்கு மாற்று ஐந்து ஏக்கர் நிலம் ஒதுக்கப்பட வேண்டும் என்று தீர்ப்பளித்தது என்பது குறிப்பிடத்தக்கது.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• Diamonds
• Gifts for Ram Temple
• Golden bow and Arro
• Ram Temple
• Ram Temple Ayodhya
• Special Clock
• Unique gifts for Ram temple Ayodhya
• ayodhya
• ayodhya mandir
• ayodhya news
• ayodhya ram mandir
• ayodhya ram mandir construction
• ayodhya ram mandir construction update
• ayodhya ram mandir inauguration
• ayodhya ram mandir marg nirman
• ayodhya ram mandir news
• ayodhya ram temple
• ayodhya temple
• ram mandir ayodhya
• ram mandir ayodhya construction
• ram mandir ayodhya construction update
• ram mandir in ayodhya
• ram temple in ayodhya
• ram temple inauguration