பாகிஸ்தானுக்கு ரகசிய தகவல்களை வழங்கிய டி.ஆர்.டி.ஓ விஞ்ஞானி புனேவில் கைது செய்யப்பட்டார்.

புனேயில் உள்ள பாதுகாப்பு ஆராய்ச்சி மற்றும் மேம்பாட்டு அமைப்பின் (டிஆர்டிஓ) ஆய்வகத்தில் 59 வயதான விஞ்ஞானி ஒருவர் உளவு பார்த்ததாகவும், பாதுகாப்பு தொடர்பான முக்கியமான தகவல்களை பாகிஸ்தானிய பெண் உளவுத்துறை முகவருடன் பகிர்ந்து கொண்டதாகவும் குற்றம் சாட்டப்பட்டு கைது செய்யப்பட்டுள்ளார். இந்த விஞ்ஞானி வாட்ஸ்அப் மற்றும் வீடியோ அழைப்புகள் மூலம் “பாகிஸ்தான் உளவுத்துறை இயக்குநரின்” முகவருடன் தொடர்பில் இருந்ததாக அதிகாரிகள் தெரிவித்துள்ளனர். இது ஒரு ஹனிட்ராப் வழக்கு என்றும் அவர்கள் கூறியுள்ளனர். 

“விஞ்ஞானி, தனது பதவியை தவறாகப் பயன்படுத்தியதன் மூலம், அதிகாரிகளின் ரகசியங்கள் எதிரி நாட்டுக்கு கிடைத்தால், நாட்டின் பாதுகாப்புக்கு அச்சுறுத்தலாக இருக்கும் என்பதை அறிந்திருந்தும், எதிரி நாட்டிற்கு விவரங்களை அளித்தார்,” என்று பாதுகாப்பு அமைச்சக வட்டாரங்கள் தெரிவிக்கின்றன.

இதையும் படிங்க : சிபிஎஸ்இ பொதுத்தேர்வு முடிவுகள் இன்று வெளியாகிறது.. ஆன்லைனில் எப்படி தெரிந்து கொள்வது?

சிறப்பு நீதிபதி எஸ்.ஆர்.நாவேந்தர் நீதிமன்றம் அவரை மே 9 வரை ஏடிஎஸ் காவலில் வைக்க உத்தரவிட்டது. இதற்கிடையில், விஞ்ஞானி பிரதீப் குருல்கர் விசாரணைக்காக புனேயில் உள்ள ஏடிஎஸ் அலுவலகத்திற்கு அழைத்து வரப்பட்டுள்ளார்

குற்றம்சாட்டப்பட்ட விஞ்ஞானி பிரதீப் குருல்கர் என்பதும், அவர் DRDO உள்ள R&D அமைப்பின் இயக்குனர் என்பதும் தெரியவந்துள்ளது. ஏவுகணைகள், இராணுவ பொறியியல் உபகரணங்கள், மேம்பட்ட ரோபாட்டிக்ஸ் மற்றும் இராணுவ பயன்பாடுகளுக்கான மொபைல் ஆளில்லா அமைப்புகளின் வடிவமைப்பு மற்றும் மேம்பாடு ஆகியவற்றில் அவர் பணிபுரிந்துள்ளார்.

யார் இந்த குருல்கர்? 

1963 இல் பிறந்த குருல்கர், 1985 இல் புனேவில் எலக்ட்ரிக்கல் இன்ஜினியரிங் இளங்கலைப் பட்டம் பெற்றார். பின்னர் 1988 DRDO இல் பணியாற்றத் தொடங்கினார். டிரைவ்கள் மற்றும் அப்ளிகேஷன்களில் கவனம் செலுத்தி ஐஐடி கான்பூரில் தனது மேம்பட்ட பவர் எலக்ட்ரானிக்ஸ் படிப்பை முடித்தார். ஏவுகணை ஏவுகணைகள், இராணுவ பொறியியல் , அதிநவீன ரோபோட்டிக்ஸ் மற்றும் இராணுவ பயன்பாடுகளுக்கான மொபைல் ஆளில்லா அமைப்புகள் ஆகியவற்றின் வடிவமைப்பு மற்றும் மேம்பாடு ஆகிய துறைகளில் அவர் நிபுணத்துவம் பெற்றுள்ளார்.

டிஆர்டிஓவின் முதன்மையான சிஸ்டம்ஸ் இன்ஜினியரிங் ஆய்வகமான ஆராய்ச்சி மற்றும் மேம்பாட்டு ஸ்தாபனத்தின் (பொறியாளர்கள்) இயக்குநராக அவர் பணிபுரிந்தார்.

ஒரு குழு தலைவர், முன்னணி வடிவமைப்பாளராக, குருல்கர் பல இராணுவ பொறியியல் அமைப்புகள் மற்றும் உபகரணங்களின் வடிவமைப்பு, மேம்பாடு மற்றும் விநியோகத்தில் குறிப்பிடத்தக்க பங்களிப்பை வழங்கி உள்ளார்..

இதையும் படிங்க : Explained : மணிப்பூர் ஏன் போர்க்களமாக மாறியது..? தற்போதைய நிலை என்ன..?