Vande Bharat: வந்தே பாரத் தெரியும்.. ஆனால் இதற்கு காரணமான ஒருவரைப் பற்றி உங்களுக்கு தெரியுமா?
இன்று அனைவரலாம் பாராட்டப்படும் வந்தே பாரத் எக்ஸ்பிரஸின் பின்னால் இருக்கும் ஒருவரைப் பற்றி இங்கே காணலாம்.
Followநாட்டில் ரயில் பயண நேரத்தை குறைக்கும் வகையில், வந்தே பாரத் அதிவேக ரயில்கள் தயாரிக்கப்பட்டு வருகின்றன. இந்தியா முழுவதும் 75 நகரங்களை இணைக்கும் வகையில் வந்தே பாரத் ரயில் திட்டம் செயல்படுத்தப்பட்டு வருகிறது.
முழுக்க முழுக்க உள்நாட்டில் தயாரிக்கப்படும் ரயில் என்பதால், இந்திய மக்கள் மத்தியில் இந்த ரயிலுக்கு பெரும் வரவேற்பு உள்ளது. கடந்த ஏப்ரல் 8, 2023ல் சென்னை டூ கோவை இடையில் ரயில் சேவை பயன்பாட்டிற்கு வந்துள்ளது. புதன்கிழமை தவிர மற்ற அனைத்து நாட்களிலும் இரு மார்க்கங்களிலும் இயக்கப்படுகிறது.
495 கிலோமீட்டர் தூரத்தை 5 மணி 50 நிமிடங்களில் சென்றடைகிறது. சென்னை டூ கோவை வழித்தடத்தில் சராசரியாக மணிக்கு 85 கிலோமீட்டர் வேகத்தில் செல்லும் வந்தே பாரத் எக்ஸ்பிரஸ், அதிகபட்சமாக 130 கிலோமீட்டர் வேகம் வரை செல்ல அனுமதிக்கப்பட்டுள்ளது. மொத்தம் 8 பெட்டிகள் இருக்கின்றன. அதில் 7 ஏசி சேர் கார் பெட்டிகள், ஒரே ஒரு ஏசி எக்ஸிக்யூடிவ் பெட்டி அடங்கும்.
இதையும் படிங்க..போன் வாங்க போறீங்களா? 2023ல் வெளிவரும் டாப் 5 மிட்-ரேஞ்ச் ஸ்மார்ட்போன்ஸ் லிஸ்ட் இதோ
இத்தகைய ரயிலின் பின்னல் யார் இருக்கிறார் தெரியுமா ? வாருங்கள் அதை பற்றி பார்ப்போம். 2016 இன் குளிர்காலத்தின் தொடக்கத்தில், இந்திய இரயில்வேயுடனான ஒப்பந்தத்தில் 25 மாதங்கள் எஞ்சியிருந்த சுதன்ஷு மணி, நீண்டகால விருப்பத்தை நிறைவேற்றும் முடிவை எடுத்தார். சென்னையில் உள்ள இன்டக்ரல் கோச் பேக்டரியின் பொது மேலாளர் மணி, தனது ஊழியர்களை பணியை தொடங்க உத்தரவிட்டார்.
ஏன் நமது ரயில்கள் எப்போதும் ஒரே தோற்றத்தில் உள்ளன ? ஜன்னல்கள் மற்றும் கதவுகளுடன் இருப்பதற்கு அதென்ன உலோகக் கொள்கலனா ? என்ற பல கேள்விகளை தனக்கு தானே கேட்டுக்கொண்டார். இந்தியாவின் முதல் அரை-அதிவேக ரயில் செட் ரயில்-18 வந்தே பாரத் எக்ஸ்பிரஸின் ஆசிரியரும், இந்திய ரயில்வேயின் மிகப்பெரிய கோச் உற்பத்தியாளரான இன்டெக்ரல் கோச் பேக்டரியின் (ICF) முன்னாள் பொது மேலாளருமான சுதன்ஷு மணி, பயணிகளின் அடிக்கடி கேட்கப்படும் இந்த கேள்விக்கு பதிலளிக்கிறார்.
அவர் எழுதிய புத்தகமான என் ரயில் கதை 18ல் இதை பற்றி குறிப்பிட்டுள்ளார். சுதன்ஷு மணி தனது புத்தகத்தில், இந்தியாவின் முதல் அரை - அதிவேக ரயில் பெட்டியை நிர்மாணிப்பதற்கும் இயக்குவதற்கும் எடுத்துக் கொண்ட முயற்சிகளை விவரிக்கிறார். சுதன்ஷு மணியின் வழிகாட்டுதலின் கீழ், ICF ஆனது 2018 ஆம் ஆண்டில் 180 கிமீ/மணி சோதனை வேகம் மற்றும் மணிக்கு 160 கிமீ வேகத்தில் இயங்கும் வகையில் 16 பெட்டி ரயிலை உருவாக்கியது.
இதையும் படிங்க..TNPSC : டிஎன்பிஎஸ்சி குரூப் தேர்வு முடிவுகள் எப்போது ரிலீஸ் தெரியுமா? முழு விபரம்
சுமார் மூன்று முதல் நான்கு ஆண்டுகள் வரையிலான தொழில்துறையுடன் ஒப்பிடுகையில், இந்த திட்டம் சுமார் 18 மாதங்களில் சாதனை முறியடிக்கும் நேரத்தில் முடிக்கப்பட்டது. வந்தே பாரத் எக்ஸ்பிரஸ், முதலில் ட்ரெய்ன் 18 என்று அழைக்கப்பட்டு, பின்னர் மறுபெயரிடப்பட்டது. இந்திய ரயில்வேக்கு 200 ஆண்டுகளுக்கும் மேலான வரலாறு மற்றும் பாரம்பரியம் இருப்பதாக மணி கூறுகிறார். இருப்பினும், "எனது புத்தகம் இந்த பாரம்பரியத்தைப் பற்றியது அல்ல.
இது எனது விரக்தியையும் வேதனையையும் பற்றியது. ரயில் 18 தயாரிப்பின் கதையை இந்தப் புத்தகத்தில் உங்களுக்காக நான் வைத்திருக்கிறேன். இதன் சோதனை இந்தியாவில் முழுக்க முழுக்க சென்னை ICFல் செய்யப்பட்டது. இது ஒரு மனிதனின் கதையல்ல, இந்தியாவிலேயே நாமும் இதைச் செய்ய முடியும் என்று உங்களுக்குச் சொல்லும் அர்ப்பணிப்புள்ள இந்தியர்களின் கதை. மற்ற போர்டு உறுப்பினர்கள் அதை இறக்குமதி செய்ய வலியுறுத்தியபோது, நேரத்தில் ரயில்வே வாரியத்தின் தலைவரான மறைந்த ஏ.கே. மிட்டலிடம் இந்த வசதியில் இரண்டு ரயில்களை உருவாக்க அனுமதி கேட்டது எப்படி என்பதை மணி விவரிக்கிறார்.
“நான் கெஞ்சினேன். ஐயா, நீங்கள்தான் தலைவர். வாரியம் எதை வேண்டுமானாலும் இறக்குமதி செய்யட்டும். இரண்டு ரயில்களுக்கு அனுமதி கொடுங்கள். இறக்குமதி செய்வதற்கு ஆகும் செலவில் மூன்றில் ஒரு பங்கு செலவில் அதை உருவாக்குவேன்” என்று குறிப்பிட்டுள்ளார். கடின உழைப்பு மற்றும் உறுதிப்பாட்டிற்குப் பிறகு, நாங்கள் சிறந்த தயாரிப்பை உருவாக்கி உள்ளோம். இன்று அனைவரும் அதைப் பற்றி பெருமிதம் கொள்கிறார்கள். நாங்கள் பிரச்சனைகள் மற்றும் விழிப்புணர்வு விசாரணைகளை எதிர்கொண்டோம்.
இன்னும் பிரச்சனைகளை எதிர்கொள்கிறோம். ஆனால் உலகிற்கு காட்டினோம். இந்தியாவில் சிறந்ததை உற்பத்தி செய்ய முடியும் என்பதை நிரூபித்து காட்டினோம்” என்று தனது புத்தகத்தில் குறிப்பிட்டுள்ளார் மணி. சமீபத்தில் பிரதமர் மோடி வந்தே பாரத் ரயிலை பற்றி ட்விட்டரில், “வந்தே பாரத் ரயில்கள் உண்மையிலேயே மாற்றத்தை ஏற்படுத்தக்கூடியவை” என்று அதனை புகழ்ந்து உள்ளார் என்பது குறிப்பிடத்தக்கது.
இதையும் படிங்க..400 ஆண்டுகளுக்கு பிறகு தோன்றும் நிங்குலூ ஹைபிரிட் சூரிய கிரகணம்.. எங்கு, எப்போது காணலாம் - முழு விபரம்
சேனலை கிளிக் செய்து பின்தொடரவும்
