Delhi Rains : மஞ்சள் அலெர்ட்: டெல்லியை விடாமல் துரத்தும் கனமழை.. வெள்ளத்தால் சிக்கித்தவிக்கும் நகரங்கள்
டெல்லியில் கனமழை பெய்து வருவதால், தலைநகரின் பல பகுதிகளில் கடும் வெள்ளப்பெருக்கு ஏற்பட்டுள்ளது. அதுமட்டுமில்லாமல், டெல்லிக்கு வானிலை மையம் மஞ்சள் அலெர்ட் விடுத்துள்ளது.
 )
டெல்லியில் இன்றும் தொடர்ந்து கனமழை பெய்து வருவதால், தலைநகர் ரவீந்திர நகர் பகுதியில் தொடர்ந்து மழை பெய்து வருவதால், அங்கு கடும் வெள்ளப்பெருக்கு ஏற்பட்டுள்ளது. மிண்டோ பாலம் சுரங்கப்பாதையில் அந்த இடத்தில் தண்ணீர் தேங்குவதைக் கண்டதால் போக்குவரத்தை நிறுத்த போலீஸ் தடுப்புகள் போடப்பட்டன.
தொடர் மழை காரணமாக நகரின் பல பகுதிகளில் கடுமையான நீர் தேங்கி உள்ளது. டெல்லியின் முதன்மை வானிலை நிலையமான சஃப்தர்ஜங் ஆய்வகம் காலை 8.30 முதல் 11.30 மணி வரை 21.4 மிமீ மழை பதிவாகியுள்ளது என்று தெரிவித்துள்ளது. அதேபோல 36.4 மிமீ மழை பதிவாகியுள்ளதாக இந்திய வானிலை ஆய்வு மையம் தெரிவித்துள்ளது.
அதிகாலையில் பெய்த மழையால் பல பயணிகள் சிரமத்திற்கு ஆளாகினர். காலை முதல் தண்ணீர் தேங்குவதாக 15 புகார்கள் வந்ததாக பொதுப்பணித்துறை தெரிவித்துள்ளது. "இவை தவிர, எம்சிடி (டெல்லி முனிசிப்பல் கார்ப்பரேஷன்) அல்லது பிற ஏஜென்சிகளின் கீழ் உள்ள மற்ற பகுதிகளிலும் தண்ணீர் தேங்குவது குறித்து எங்களுக்கு புகார்கள் வந்தன. அந்த புகார்களை நாங்கள் அனுப்பினோம்.
ரூம் எடுக்க அதிக செலவா.? குறைந்த விலையில் ஹோட்டல் வசதி! IRCTC திட்டம் தெரியுமா உங்களுக்கு?
இதுவரை நிலைமை கட்டுக்குள் உள்ளது. குரு தேக் பகதூர் கல்சா கல்லூரியைச் சுற்றியுள்ள சாலை டெல்லி பல்கலைக்கழகத்தின் வடக்கு வளாகத்தில் தண்ணீர் தேங்கியது, பயணிகளுக்கு சிரமத்தை ஏற்படுத்தியது" என்று பொதுப்பணி துறை அதிகாரி தெரிவித்தார். இதற்கிடையில், டெல்லி திலக் மார்க்கில் இடைவிடாது பெய்து வரும் மழையால் நகரின் பல இடங்களில் தண்ணீர் தேங்கியுள்ளதால் போக்குவரத்து நெரிசல் ஏற்பட்டது.
தண்ணீர் தேங்கியுள்ளதால் அப்பகுதியில் போக்குவரத்து நெரிசல் ஏற்பட்டு மக்களின் நடமாட்டமும் பாதிக்கப்பட்டுள்ளது. பயணிகள் அப்பகுதியை தவிர்த்து மாற்று வழிகளில் செல்லுமாறு டெல்லி போக்குவரத்து போலீசார் அறிவுறுத்தியுள்ளனர். வரும் நாட்களில் அதிக மழை பெய்யும் என வானிலை மையம் கணித்துள்ளது.
பொதுவாக வானம் மேகமூட்டத்துடன் காணப்படும் என்றும், பகலில் கனமழை பெய்யும் என்றும் வானிலை ஆய்வு மையம் கணித்துள்ளது. நகரத்தில் குறைந்தபட்ச வெப்பநிலை 25 டிகிரி செல்சியஸ் பதிவாகியுள்ளது, இது பருவத்தின் சராசரியை விட மூன்று புள்ளிகள் குறைவாக உள்ளது.
அதிகபட்ச வெப்பநிலை 30 டிகிரி செல்சியஸ் ஆக இருக்கும். ஈரப்பதம் 96 சதவீதமாக பதிவாகியுள்ளது. காலை 9.00 மணியளவில் டெல்லியின் காற்றுத் தரக் குறியீடு (AQI) திருப்திகரமான பிரிவில் 79 ஆகப் பதிவாகியுள்ளதாக மத்திய மாசுக் கட்டுப்பாட்டு வாரியத் தகவல்கள் தெரிவிக்கின்றன. மேலும், நாளை (ஞாயிற்றுக்கிழமை) மஞ்சள் எச்சரிக்கையை விடுத்துள்ளது டெல்லி வானிலை மையம்.
Jio Bharat : வெறும் ரூ.999க்கு கிடைக்கும் ஜியோ பாரத் போன்.. என்னென்ன வசதிகள் இருக்கு தெரியுமா?
சேனலை கிளிக் செய்து பின்தொடரவும்
