வெளிநாட்டு மாணவர்களின் வாழ்க்கையில் விளையாடும் டிரம்ப்! 6,000 விசாக்கள் அதிரடி ரத்து! என்ன காரணம்?

அமெரிக்க அரசு 6000 வெளிநாட்டு மாணவர்களின் விசாக்களை அதிரடியாக ரத்து செய்துள்ளது. விசாக்கள் ஏன் ரத்து செய்யப்பட்டன? இதில் இந்தியர்கள் எத்தனை பேர்? என்பது குறித்து பார்ப்போம்.

Image Credit : Social Media

US Cancels Visas Of 6000 Foreign Students

அமெரிக்காவில் இந்தியா, சீனா உள்ளிட்ட பல்வேறு நாடுகளை சேர்ந்த மாணவர்கள் படித்து வருகின்றனர். இந்நிலையில், அமெரிக்காவில் சுமார் 6,000 சர்வதேச மாணவர்களின் விசாக்களை அந்நாட்டின் வெளியுறவுத் துறை அதிரடியாக ரத்து செய்துள்ளது. அதாவது சட்டவிரோத செயல்களில் ஈடுபடும் மாணவர்களின் விசாக்கள் ரத்து செய்யப்பட்டுள்ளதாக அமெரிக்க வெளியுறவுத் துறை விளக்கம் அளித்துள்ளது.

Image Credit : Getty

6,000 மாணவர்களின் விசாக்களை ரத்து செய்த அமெரிக்கா

அதாவது வாகனம் ஓட்டும்போது விதிமீறல்கள், அத்துமீறி நுழைதல் போன்ற சட்ட மீறல்களில் ஈடுபட்ட சுமார் 4,000 மாணவர்களின் விசாக்கள் ரத்து செய்யப்பட்டுள்ளன. மேலும் சமூக ஊடகங்களில் அல்லது போராட்டங்களில் பயங்கரவாத குழுக்களுக்கு ஆதரவு தெரிவிப்பது அல்லது அவர்களுடன் தொடர்பு வைத்திருப்பது போன்ற காரணத்திற்காக ஆயிரக்கணக்கான மாணவர்களின் விசாக்கள் ரத்து செய்யப்பட்டுள்ளன.

Image Credit : stockphoto

விசாக்கள் ஏன் ரத்து செய்யப்பட்டுள்ளன?

இதுமட்டுமின்றி வகுப்புகளுக்குச் செல்லாமல் இருப்பது, படிப்பை பாதியிலேயே நிறுத்துவது போன்ற செயல்களில் ஈடுபடும் மாணவர்களின் விசாக்களும் ரத்து செய்யப்பட்டுள்ளன. அமெரிக்காவில் தங்கி படிக்கும் வெளிநாட்டு மாணவர்களின் சமூக ஊடக செயல்பாடுகளை அந்நாட்டு அரசு தொடர்ந்து கண்காணித்து வருகிறது. இதனால் சட்ட மீறல்களில் ஈடுபடும் மாணவர்களின் விசாக்களை அதிரடியாக ரத்து செய்கிறது.

மாணவர்களுக்கு கடும் பாதிப்பு

அமெரிக்க அரசு திடீரென விசாக்களை ரத்து செய்ததால் வெளிநாட்டு மாணவர்கள் கடும் பாதிப்பை சந்தித்துள்ளனர். ஏனெனில் எந்தவித முன்னறிவிப்பும் இல்லாமல் விசாக்கள் ரத்து செய்யட்டதால் அவர்கள் உடனடியாக நாட்டை விட்டு வெளியேற வேண்டிய நிலை ஏற்பட்டுள்ளது.

 விசாக்கள் ரத்து செய்யப்படும்போது, சம்பந்தப்பட்ட மாணவர்களின் பல்கலைக்கழகங்களுக்கு அரசு தகவல் தெரிவிக்கவில்லை என கூறப்படுகிறது. இதனால் கடைசி நேரத்தில் அந்த பல்கலைக்கழகங்களாலும் ஏதும் செய்ய முடியவில்லை.

Image Credit : Getty

இந்திய மாணவர்கள் எத்தனை பேர்?

ரத்து செய்யப்பட்ட 6,000 விசாக்களில் இந்திய மாணவர்களும் அடங்குவர் என தகவல் வெளியாகி உள்ளது. ஆனால் எத்தனை இந்திய மாணவர்களின் விசாக்கள் ரத்து செய்யப்பட்டன? என்பது குறித்த விவரங்கள் இல்லை. வெளிநாட்டு மாணவர்கள் அமெரிக்காவில் படிப்பில் மட்டும் கவனம் செலுத்த வேண்டும்.

தங்கள் நாட்டின் சட்ட விதிகளை பின்பற்றி எந்தவித சட்டவிரோத அல்லது சர்ச்சைக்குரிய நடவடிக்கைகளிலும் ஈடுபடாமல் இருந்தால் அவர்களுக்கு எந்த பிரச்சனையும் இருக்காது என அமெரிக்க அரசு தெரிவித்துள்ளது.