MalayalamNewsableKannadaKannadaPrabhaTeluguTamilBanglaHindiMarathiMyNation
Add Preferred SourceGoogle-icon
  • Facebook
  • Twitter
  • whatsapp
  • YT video
  • insta
  • தற்போதைய செய்தி
  • தமிழ்நாடு
  • சினிமா
  • ஆட்டோ
  • வர்த்தகம்
  • விளையாட்டு
  • லைஃப்ஸ்டைல்
  • ஜோதிடம்
  • இந்தியா
  • Home
  • உலகம்
  • எலான் மஸ்க், டிரம்ப் ஆதரவு: மீண்டும் என்விடியா சி.இ.ஓ-வாகிறாரா ஜென்சன் ஹுவாங்? பரபரப்பு அறிக்கை!

எலான் மஸ்க், டிரம்ப் ஆதரவு: மீண்டும் என்விடியா சி.இ.ஓ-வாகிறாரா ஜென்சன் ஹுவாங்? பரபரப்பு அறிக்கை!

சீன உளவாளி எனச் சந்தேகிக்கப்படும் ஒருவருடனான உறவு அம்பலமானதைத் தொடர்ந்து என்விடியா சி.இ.ஓ பதவியிலிருந்து விலகிய ஜென்சன் ஹுவாங், தனது தனிப்பட்ட தவறுகளை ஒப்புக்கொண்டு மீண்டும் அந்நிறுவனத்தை வழிநடத்த விருப்பம் தெரிவித்துள்ளார்.

3 Min read
Author : Meenakshisundaram
Published : Nov 18 2026, 08:56 AM IST
Share this Photo Gallery
  • FB
  • TW
  • Linkdin
  • Whatsapp
  • GNFollow Us
16
மீண்டும் சி.இ.ஓ பதவிக்குத் திரும்ப விருப்பம் ஜென்சன்
Image Credit : X

மீண்டும் சி.இ.ஓ பதவிக்குத் திரும்ப விருப்பம் ஜென்சன்

சீன உளவாளி எனச் சந்தேகிக்கப்படும் ஒருவருடனான திருமணத்திற்கு அப்பாற்பட்ட உறவு குறித்த தகவல்கள் வெளியானதைத் தொடர்ந்து, கடந்த வாரம் என்விடியா (Nvidia) நிறுவனத்தின் தலைமைச் செயல் அதிகாரி (CEO) பதவியிலிருந்து நீக்கப்பட்ட ஜென்சன் ஹுவாங், மீண்டும் அந்நிறுவனத்தை வழிநடத்தத் தாம் ஆர்வமாக இருப்பதாகத் தெரிவித்துள்ளார். பதவி விலகிய பிறகு அவர் வெளியிட்டுள்ள முதல் பொது அறிக்கையில் இதனைக் குறிப்பிட்டுள்ளார்.

இதுகுறித்து சமூக வலைதளத்தில் பதிவிட்டுள்ள ஜென்சன் ஹுவாங், எனது மறுவருகை எமது பங்குதாரர்கள், ஊழியர்கள், நிறுவனம் மற்றும் அமெரிக்காவின் நலனுக்கு உகந்தது என இயக்குநர்கள் குழு (வாரியம்) முடிவு செய்தால், அந்த அழைப்பை ஏற்று மீண்டும் சி.இ.ஓ-வாகப் பணியாற்றுவதை நான் பெருமையாகக் கருதுவேன் என்று கூறியுள்ளார்.

தனது தனிப்பட்ட வாழ்க்கையில் தீவிரமான தவறுகளை (கடுமையான தவறுகளை) செய்ததை ஒப்புக்கொண்ட அவர், தான் மீண்டும் பதவிக்குத் திரும்ப வேண்டும் என ஊழியர்கள், முதலீட்டாளர்கள், வணிகக் கூட்டாளிகள் மற்றும் வாடிக்கையாளர்களிடமிருந்து தமக்கு அமோக ஆதரவு குவிந்து வருவதாகவும் தெரிவித்துள்ளார்.

ஏசியாநெட் தமிழ்-ஐ உங்கள் முதன்மைத் தேர்வாக்குங்கள்googlePreferred
26
எலான் மஸ்க், டொனால்ட் டிரம்ப் ஆதரவு
Image Credit : x & Facebook

எலான் மஸ்க், டொனால்ட் டிரம்ப் ஆதரவு

ஹுவாங்கை மீண்டும் பணியில் அமர்த்தக் கோரித் தொடங்கப்பட்ட இணையவழி மனுவில், ஸ்பேஸ்எக்ஸ் மற்றும் டெஸ்லா சி.இ.ஓ எலான் மஸ்க் உள்ளிட்ட தொழில்நுட்பத் துறை பிரபலங்கள் உட்பட 1,90,000-க்கும் மேற்பட்டோர் கையெழுத்திட்டுள்ளனர். அமெரிக்க அதிபர் டிரம்ப்பும் இந்த முயற்சிக்கு ஆதரவு தெரிவித்துள்ளார். இருப்பினும், செவ்வாய்க்கிழமை வெளியான ஹுவாங்கின் இந்த அறிக்கை குறித்துக் கருத்து தெரிவிக்குமாறு விடுக்கப்பட்ட கோரிக்கைக்கு என்விடியா நிறுவனம் உடனடியாக எந்தப் பதிலும் அளிக்கவில்லை.

36
அமெரிக்க நாடாளுமன்றக் குழு முன் ஆஜராக சம்மதம்
Image Credit : X

அமெரிக்க நாடாளுமன்றக் குழு முன் ஆஜராக சம்மதம்

இதற்கிடையில், என்விடியாவின் அதிநவீன செயற்கை நுண்ணறிவு (AI) கணினி சிப்களின் விற்பனை குறித்து தேசிய அளவில் விசாரணை தீவிரமடைந்துள்ள நிலையில், அமெரிக்கப் பிரதிநிதிகள் சபையின் (House) முக்கியக் குழுக்களின் முன் ஆஜராகி வாக்குமூலம் அளிக்க ஜென்சன் ஹுவாங் தானாக முன்வந்து சம்மதித்துள்ளதாக நாடாளுமன்ற உறுப்பினர்கள் செவ்வாய்க்கிழமை (நவ.17, 2026) தெரிவித்தனர். இதன்படி, டிச.1-ம் தேதி ஜென்சன் ஹுவாங்கும், அதனைத் தொடர்ந்து டிச.2-ம் தேதி அந்நிறுவனத்தின் பொது ஆலோசகர் டிம் டெட்டரும் குழுக்களின் முன் ஆஜராக உள்ளனர்.

சீனா மற்றும் உளவுத்துறை விவகாரங்களைக் கண்காணிக்கும் மூன்று பிரதிநிதிகள் சபைக் குழுக்களின் தலைவர்கள் வெளியிட்டுள்ள அறிக்கையில், நமது தேசியப் பாதுகாப்பில் ஏற்பட்டுள்ள சாத்தியமான மீறலில் ஜென்சன் ஹுவாங் மற்றும் டிம் டெட்டர் ஆகியோரின் பங்கு குறித்துக் கேட்டறிய நாங்கள் ஆவலாக உள்ளோம். ஆபத்தான சீன (PRC) அமைப்புகளுக்கு நமது மிக நவீன சிப்கள் கிடைப்பதற்கு ஹுவாங் மற்றும் என்விடியா எவ்வாறு காரணமாக இருந்தன என்பதையும், இந்த விவகாரத்தில் சீன உளவுத்துறையின் தொடர்பு குறித்தும் அமெரிக்க மக்களுக்குப் பதில்கள் தேவை என்று கூறியுள்ளனர்.

46
புதிய கண்காணிப்புக் குழுவை அமைத்த என்விடியா
Image Credit : X

புதிய கண்காணிப்புக் குழுவை அமைத்த என்விடியா

சீன உளவாளி எனக் கூறப்படும் பெண்ணுடன் ஹுவாங்கிற்கு இருந்த உறவு அம்பலமானதைத் தொடர்ந்து, தேசியப் பாதுகாப்பு மற்றும் உலகளாவிய வர்த்தக விதிமுறைகளைக் கண்காணிக்கப் புதிய இயக்குநர் குழு ஒன்றை அமைப்பதாக என்விடியா அறிவித்துள்ளது. தேசியப் பாதுகாப்பு & ஏற்றுமதிக் கட்டுப்பாட்டுக் கண்காணிப்புக் குழு (National Security and Export Control Oversight Committee) எனப் பெயரிடப்பட்டு உள்ள இந்தக் குழு, தேசியப் பாதுகாப்புக் கொள்கைகள் மற்றும் ஏற்றுமதிக் கட்டுப்பாடுகளைப் பின்பற்றுவதை உறுதி செய்யும். செயற்கை நுண்ணறிவு (AI) வளர்ச்சிக்கு அடிப்படையாக உள்ள கிளவுட் கம்ப்யூட்டிங் மற்றும் தரவு மையங்களுக்கு என்விடியாவின் அதிநவீன சிப்கள் மிகவும் அவசியமானவை என்பதால், அவற்றிற்கு அதிக தேவை உள்ளது. ஆனால், இவற்றைச் சீனாவிற்கு விற்பனை செய்ய அமெரிக்கா கட்டுப்பாடுகளை விதித்துள்ளது.

என்விடியா இயக்குநர் குழுவைச் சேர்ந்த 3 உறுப்பினர்களைக் கொண்ட இந்தக் குழு, காலாண்டிற்கு ஒருமுறையாவது கூடி ஆலோசிக்கும். மேலும், சுயாதீனமான மூன்றாம் தரப்பு நிபுணர்களுடன் இணைந்து நிறுவனத்தின் பாதுகாப்பு மற்றும் வர்த்தக இணக்கக் குழுவை மேம்படுத்தும் பணிகளையும் இது மேற்பார்வையிடும்.

தொடர்ச்சியான தொழில்நுட்ப கண்டுபிடிப்புகளை ஆதரிக்கும் அதே வேளையில், தேசியப் பாதுகாப்பைக் காக்க எங்களிடம் உள்ள அனைத்து கருவிகளையும் பயன்படுத்தி ஒரு வலுவான கட்டமைப்பை உருவாக்க அரசாங்கம் மற்றும் தொழில்துறை கூட்டாளர்களுடன் இணைந்து ஆக்கப்பூர்வமாகப் பணியாற்ற நாங்கள் கடமைப்பட்டுள்ளோம் என்று என்விடியா தலைவர் ஹார்வி ஜோன்ஸ் ஒரு அறிக்கையில் தெரிவித்துள்ளார்.

56
டிரம்ப் வரவேற்பு
Image Credit : X

டிரம்ப் வரவேற்பு

செவ்வாய்க்கிழமை (நவ.17, 2026) மாலை பிலிப்பைன்ஸ் சென்றடைந்த அமெரிக்க அதிபர் டிரம்ப், என்விடியாவின் இந்தப் புதிய குழு அமைப்பை வரவேற்றுள்ளார். மணிலாவில் ஆஸ்திரேலியா, இந்தியா மற்றும் ஜப்பான் தலைவர்களுடனான புகைப்பட நிகழ்வின் போது பேசிய டிரம்ப், ஆம், அது ஒரு நல்ல யோசனை. அது ஒரு சிறந்த நிறுவனம். இது மிகவும் நல்ல முடிவு என்று பாராட்டினார்.

66
பின்னணி என்ன?
Image Credit : X

பின்னணி என்ன?

அமெரிக்க ஏற்றுமதிக் கட்டுப்பாடுகளை மீறி, அதிநவீன என்விடியா சிப்களைச் சீனாவிற்குத் திருப்பி விட்டதாகச் சந்தேகிக்கப்படும் சிங்கப்பூரைத் தளமாகக் கொண்ட 'மெகாஸ்பீட் இன்டர்நேஷனல்' (Megaspeed International) என்ற கிளவுட் கம்ப்யூட்டிங் நிறுவனத்தை முன்னர் வழிநடத்திய சீனத் தொழிலதிபர் ஒருவருடன் ஜென்சன் ஹுவாங்கிற்கு இருந்த உறவு குறித்து தீவிர விசாரணை எழுந்தது. இதனைத் தொடர்ந்து, கடந்த வாரம் என்விடியா சி.இ.ஓ பதவியிலிருந்து விலக வேண்டிய கட்டாயம் ஹுவாங்கிற்கு ஏற்பட்டது குறிப்பிடத்தக்கது.

About the Author

M
Meenakshisundaram
மீடியா துறையில் 5+ ஆண்டுகள் அனுபவம் கொண்ட மீனாட்சிசுந்தரம், தி இந்தியன் எக்ஸ்பிரஸ், சன் நியூஸ், தந்தி டிவி, பாலிமர் நியூஸ் உள்ளிட்ட முன்னணி செய்தி நிறுவனங்களில் திறம்பட பணியாற்றியவர். பிரேக்கிங் நியூஸ், ஆழமான ஆய்வுக் கட்டுரைகளில் தனித்துவ முத்திரை பதித்த இவர், தற்போது ஏசியாநெட் நியூஸ் தமிழில் சீனியர் சப்-எடிட்டராகப் பொறுப்பு வகிக்கிறார். அறிவியல், புதிய டெக்னாலஜி, வணிகம், அரசியல் மற்றும் குற்றப் பின்னணி சார்ந்த விவகாரங்களை எளிய நடையில் தொடர்ந்து எழுதி வருகிறார்.
உலகம்
 
2nd TEST • PAK vs SL 2026
Stumps
PAKPAK
(37.2 ov)121/3
SLSL
98
Day 1
Schedule ›
2nd ODI • AUS vs ENG 2026
Result
AUSAUS
220
ENGENG
355/6
ENG beat AUS by 135 runs
Schedule ›
5th ODI • NZ vs IND 2026
Result
NZNZ
187
INDIND
209
IND beat NZ by 22 runs
Schedule ›
1st ODI • AUS vs ENG 2026
Result
AUSAUS
132/3
ENGENG
131
AUS won by 7 wickets
Schedule ›
4th ODI • NZ vs IND 2026
Result
NZNZ
333
INDIND
89
NZ beat IND by 244 runs
Schedule ›
3rd ODI • NZ vs IND 2026
abandoned
NZNZ
-
INDIND
-
Match abandoned
Schedule ›
1st TEST • PAK vs SL 2026
Result
PAKPAK
434 & 284/8
SLSL
446
Match drawn
Schedule ›
3rd ODI • AUS vs ENG 2026
AUSAUS
Wed, 18 Nov, 2026
ENGENG
09:00 am
Match yet to begin.
Schedule ›
Latest Videos
Recommended Stories
Recommended image1
Top 15 Most Visited Websites: உலகில் அதிகம் பார்வையிடப்பட்ட 15 இணையதளங்கள்.. முதலிடத்தில் யார் தெரியுமா?
Recommended image2
அமெரிக்க அரசியலில் கவனம் பெற்ற 5 இந்திய வம்சாவளிப் பெண்கள்! உஷா வான்ஸ் முதல் சாரா வரை!
Recommended image3
என்விடியா CEO ஜென்சன் ஹுவாங் சர்ச்சை.! சீனாவின் ரகசிய உளவு ஆட்டம் அம்பலம்?
Related Stories
Recommended image1
அமெரிக்க அரசியலில் கவனம் பெற்ற 5 இந்திய வம்சாவளிப் பெண்கள்! உஷா வான்ஸ் முதல் சாரா வரை!
Recommended image2
Top 15 Most Visited Websites: உலகில் அதிகம் பார்வையிடப்பட்ட 15 இணையதளங்கள்.. முதலிடத்தில் யார் தெரியுமா?
Asianet
Follow us on
  • Facebook
  • Twitter
  • whatsapp
  • YT video
  • insta
  • Download on Android
  • Download on IOS
  • About Website
  • Terms of Use
  • Privacy Policy
  • CSAM Policy
  • Complaint Redressal - Website
  • Compliance Report Digital
  • Investors
© Copyright 2026 Asianxt Digital Technologies Private Limited (Formerly known as Asianet News Media & Entertainment Private Limited) | All Rights Reserved