ஈரானிடம் மிரட்டல்... ரஷ்யாவின் காலடியில் டிரம்ப்..! அடங்கிய அமெரிக்காவின் அதிகாரத் திமிர்.. தலைகீழாக மாறிய போர்..!

ஈரானை பலவீனமான நாடு என்று உலகிற்குச் சித்தரிக்க முயன்ற டொனால்ட் டிரம்ப், இன்று தான் விளையாடிய ஆட்டத்திலேயே சிக்கித் தவிக்கிறார்.

Image Credit : x

டிரம்பின் வெற்றிக் கூச்சல்கள்

அமெரிக்கா-இஸ்ரேல்-ஈரான் போரின் 14-வது நாள். "ஈரான் வீழ்ந்துவிட்டது, உச்ச தலைவர் காமெனியின் மறைவுக்குப் பிறகு அந்த நாடு சரணடைவதைத் தவிர வேறு வழியில்லை" என்று அமெரிக்கா முழங்கிய வெற்றிக் கூச்சல்கள் இப்போது வெறும் வெற்றுச்சத்தமாக மாறியுள்ளன. ஈரானை பலவீனமான நாடு என்று உலகிற்குச் சித்தரிக்க முயன்ற டொனால்ட் டிரம்ப், இன்று தான் விளையாடிய ஆட்டத்திலேயே சிக்கித் தவிக்கிறார். அதன் வெளிப்படையான சாட்சிதான், ரஷ்ய எண்ணெய்க்கு அமெரிக்கா அளித்துள்ள தற்காலிக அங்கீகாரம்.

Image Credit : X

ரஷ்யாவுக்கு ஆயில் லஞ்சம்..?

நேற்று வரை "ரஷ்யாவிடம் எண்ணெய் வாங்கினால் உலக நாடுகளுக்கு மோசமான விளைவுகள் ஏற்படும்" என்று மிரட்டிய அதே டிரம்ப், இன்று ஈரானுடனான போரின் அழுத்தம் தாளாமல் ரஷ்ய எண்ணெயை வாங்க ஒப்புதல் அளித்துள்ளார். இது வெறும் பொருளாதார முடிவு அல்ல. இது அமெரிக்காவின் முதுகெலும்பு முறிந்ததன் அடையாளம்.

ஈரான் போரால் உலக சந்தையில் கச்சா எண்ணெய் விலை நான்கு ஆண்டுகளில் இல்லாத வகையில் பீப்பாய்க்கு 100 டாலரைத் தாண்டியுள்ளது. இந்த விலை உயர்வு அமெரிக்கப் பொருளாதாரத்தை நிலைகுலையச் செய்துள்ளது. வேறு வழியின்றி, கடலில் சிக்கித் தவிக்கும் ரஷ்ய எண்ணெய்க் கப்பல்களை விடுவிக்க டிரம்ப் உத்தரவிட்டுள்ளார். இது புடினுக்கு டிரம்ப் கொடுத்த ஒரு 'விலை உயர்ந்த லஞ்சம்' என்றே அரசியல் விமர்சகர்கள் கருதுகின்றனர்.

Image Credit : X

உக்ரைனை அடகு வைக்கும் அமெரிக்கா?

ஈரான் போரில் ரஷ்யா நேரடியாகத் தலையிட்டால், அது அமெரிக்காவின் தோல்வியை உறுதி செய்துவிடும் என்பதை டிரம்ப் நன்கு அறிவார். எனவே, புடினைச் சமாதானப்படுத்த அமெரிக்கா ஒரு ரகசிய ஒப்பந்தத்தை மேற்கொண்டிருப்பதாகத் தெரிகிறது. "ஈரானுக்காக உக்ரைனை விட்டுக்கொடுப்பது" என்பதே அந்தத் திட்டம். ஒரு பக்கம் போரை முடிவுக்குக் கொண்டுவரப் போவதாகக் கூறிக்கொண்டே, மறுபக்கம் ரஷ்யாவுடன் மறைமுகப் பேச்சுவார்த்தைகளை நடத்தி வருவது டிரம்பின் இரட்டை வேடத்தை அம்பலப்படுத்துகிறது.

Image Credit : X

உலகிற்கு ஆபத்தான ஒரு விளையாட்டு

அமெரிக்கக் கருவூலத் துறை, இது ஒரு குறுகிய கால முடிவு என்றும் ரஷ்யாவுக்குப் பெரிய லாபம் தராது என்றும் சமாளித்தாலும், உலகம் இதை வேறு விதமாகப் பார்க்கிறது. கச்சா எண்ணெய் விலை 100 டாலரைத் தாண்டியது உலக நாடுகளின் பொருளாதாரத்தை முடக்கும் அபாயத்தை உருவாக்கியுள்ளது. 14 நாட்களில் ஈரானை அடக்கிவிடலாம் என்று நினைத்த அமெரிக்கா, இன்று ரஷ்யாவின் காலடியில் மண்டியிட்டு நிற்கிறது. புடின் இந்தப் போரில் ஒரு நடுவர் போலச் செயல்பட்டு, ஈரானியத் தலைவர்களுடன் பேச்சுவார்த்தை நடத்துவது அமெரிக்காவின் உலகளாவிய ஆதிக்கத்திற்கு விழுந்த பலத்த அடியாகும்.

Image Credit : X

முடிவற்ற குழப்பம்

டிரம்பின் இந்தத் தற்காலிகப் பின்னடைவு, வரும் நாட்களில் இன்னும் பெரிய மாற்றங்களைக் கொண்டு வரலாம். ஈரான் போர் என்பது வெறும் இரண்டு நாடுகளுக்கு இடையிலான மோதல் அல்ல. அது உலகப் பொருளாதாரத்தையே தீர்மானிக்கும் காரணியாக மாறியுள்ளது. போரை முடிக்கத் தெரியாமல் விழிக்கும் டிரம்ப், ரஷ்யாவிடம் சரணடைந்தது அமெரிக்க வரலாற்றில் ஒரு கரும்புள்ளியாகவே பார்க்கப்படும்.

டிரம்பின் அடுத்த நகர்வு உலகையே ஆச்சரியப்படுத்தும் என்று அவரது ஆதரவாளர்கள் கூறினாலும், தற்போதுள்ள சூழலில் அமெரிக்கா தனது கௌரவத்தைக் காப்பாற்றிக்கொள்ளப் போராடிக் கொண்டிருக்கிறது என்பதே கசப்பான உண்மை.