உலகின் மிகப்பெரிய பனிப்பாறை A23a உடைந்தது.. கடலில் ஏற்பட்ட மாற்றம்; அலெர்ட் ஆன விஞ்ஞானிகள்!

30 ஆண்டுகளுக்கும் மேலாக சிக்கியிருந்த உலகின் மிகப்பெரிய பனிப்பாறை A23a, தெற்குப் பெருங்கடலில் மிதக்கத் தொடங்கியுள்ளதாகத் தகவல் வெளியாகி அதிர்ச்சியை ஏற்படுத்தி உள்ளது. கிரேட்டர் லண்டனை விட இரண்டு மடங்கு பெரியதாகவும், சுமார் ஒரு டிரில்லியன் டன் எடையுள்ளதாகவும், இந்த மிகப்பெரிய பனிப்பாறை 1986 இல் அண்டார்டிகாவில் உள்ள ஃபில்ச்னர் பனி உடைந்தது. அப்போதிருந்து, வெடல் கடலில் உள்ள தெற்கு ஓர்க்னி தீவுகளுக்கு அருகிலுள்ள கடற்கரையில் சிக்கியிருந்தது. ஆனால் 2020 இல் வடக்கு நோக்கி மெதுவாக நகரத் தொடங்கியது என்று கூறுகின்றனர்.

இந்த மிகப்பெரிய பனிப்பாறை 3,800 சதுர கிலோமீட்டர் அளவு கொண்டது ஆகும். இதனைப் பற்றி கூறும் ஆராய்ச்சியாளர்கள் பல்வேறு முக்கிய விவரங்களை கூறியுள்ளனர். அதில், "இவ்வளவு ஆண்டுகள் சிக்கியிருந்த பிறகு A23a மீண்டும் நகர்வதைப் பார்ப்பது ஆச்சரியமாக இருக்கிறது. அண்டார்டிகாவிலிருந்து உடைந்த மற்ற பெரிய பனிப்பாறைகளின் அதே பாதையில் A23a செல்லுமா என்பதைத்தான் கவனிக்கிறோம். உள்ளூர் சுற்றுச்சூழல் அமைப்பில் பனிப்பாறையின் பயணம் என்னென்ன முக்கிய தாக்கங்களை ஏற்படுத்தும் என்பதையும் கவனிக்கிறோம் என்று பிரிட்டிஷ் அண்டார்டிக் சர்வேயின் கடல்சார் விஞ்ஞானி டாக்டர் ஆண்ட்ரூ மேஜர்ஸ் கூறினார்.

A23a 1986 இல் அண்டார்டிகாவிலிருந்து உடைந்தாலும், வெடல் கடலின் அடிப்பகுதியில் உள்ள சேற்றில் 30 ஆண்டுகளுக்கும் மேலாக சிக்கியிருந்தது. 2020 வரை நிலையான "பனித் தீவாக" தொடர்ந்தது. 2020 இல் மெதுவாக வடக்கு நோக்கி நகரத் தொடங்கியது. இருப்பினும், டெய்லர் நெடுவரிசை என்று அழைக்கப்படும் ஒரு அரிய கடல் நிகழ்வில் பனிப்பாறை மாதக்கணக்கில் மீண்டும் சிக்கியது. நிகழ்வு முடிந்ததும் மீண்டும் நகரத் தொடங்கியது.

A23a அதன் பயணத்தைத் தொடரும்போது, அண்டார்டிக் சுழற்சி நீரோட்டத்தை தெற்குப் பெருங்கடலுக்குள் தள்ளும் என்று எதிர்பார்க்கப்படுகிறது. இந்த நீரோட்டம் பனிப்பாறையை தெற்கு ஜார்ஜியாவின் துணை அண்டார்டிக் தீவுக்கு கொண்டு செல்ல வாய்ப்புள்ளது. இந்தப் பகுதிக்கு வந்தவுடன், A23a வெதுவெதுப்பான நீருடன் கலந்து சிறிய பனிப்பாறைகளாக உடைந்து, பின்னர் உருகும்.

மிகப்பெரிய பனிப்பாறை A23a உருகி உடையும் போது, சுற்றியுள்ள சுற்றுச்சூழல் அமைப்பில் ஏற்படும் தாக்கத்தைப் பற்றி ஆய்வு செய்ய விஞ்ஞானிகளால் முடியும் என்று விஞ்ஞானி லாரா டெய்லர் நம்பிக்கை தெரிவித்தார். மிகப்பெரிய பனிப்பாறைகள் அவற்றின் வழியாகச் செல்லும் நீருக்கு ஊட்டச்சத்துக்களை வழங்க முடியும். உற்பத்தித்திறன் குறைவான பகுதிகளில் செழிப்பான சுற்றுச்சூழல் அமைப்புகளை உருவாக்கவும் இத்தகைய பனிப்பாறைகளின் பயணத்தால் முடியும் என்றும் அவர் கூறினார்.

ரூ.1,000 இருந்தா போதும்.. தமிழ்நாட்டில் இந்த இடங்களுக்கு மறக்காம விசிட் அடிங்க!