Iran Ceasefire news: ஹார்முஸ் நீரினை திறப்பு..! போர் நிறுத்தத்திற்கு அமெரிக்கா, ஈரான் ஒப்புதல்..

ஈரான் மீதான தாக்குதலை 2 வார காலத்திற்கு தற்காலிகமாக நிறுத்தி வைக்க அமெரிக்கா ஒப்புதல் அளிததுள்ளது. அதே போன்று அமெரிக்காவின் கோரிக்கைக்கு இணங்க ஹார்முஸ் நீரிணையை 2 வாரத்திற்கு திறக்க ஈரான் ஒப்புதல்.

Image Credit : Getty

அமெரிக்கா, ஈரான் போர் நிறுத்தம்..

ஈரான், இஸ்ரேல், அமெரிக்கா இடையேயான போர் கடந்த சில தினங்களாக உச்சத்தை அடைந்து உலக அளவில் பதற்றத்தை அதிகரித்தது. மேலும் ஹோர்முஸ் நீரிணை மூடப்பட்டதால் கோபமடைந்த அமெரிக்கா அதிபர் டொனால்ட் டிரம்ப் ஈரானை ஒரே இரவில் அழிக்க முடியும் என கூறியது பதற்றத்தை உச்சமடையச் செய்தது. இந்த நிலையில் ஈரானில் இரண்டு வாரங்களுக்கு போர் நிறுத்தம் செய்ய ஒப்புக்கொண்டதாக டொனால்ட் டிரம்ப் செவ்வாயன்று விளக்கினார். ஈரான் மீதான குண்டுவீச்சுகள் மற்றும் பிற தாக்குதல்களை இரண்டு வாரங்களுக்கு இடைநிறுத்தம் செய்ய ஒப்புக்கொள்வதாக அமெரிக்க அதிபர் சமூக ஊடகங்களில் எழுதினார். இது இருதரப்பு போர் நிறுத்தமாக இருக்கும் என்று டிரம்ப் விளக்கினார்.

Image Credit : Asianet News

சர்ச்சைக்குரிய பிரச்சினைகளுக்கு உடன்பாடு

அமெரிக்க இராணுவத்தின் நோக்கங்கள் வெற்றிகரமாக நிறைவேற்றப்பட்டுள்ளன. ஈரானுடன் நீண்டகால அமைதி ஒப்பந்தத்திற்கான பேச்சுவார்த்தைகளில் நல்ல முன்னேற்றம் ஏற்பட்டுள்ளதாக டிரம்ப் கூறினார். அமெரிக்காவிற்கும் ஈரானுக்கும் இடையிலான பெரும்பாலான முக்கிய சர்ச்சைக்குரிய பிரச்சினைகளுக்கு உடன்பாடு எட்டப்பட்டுள்ளதாக டிரம்ப் கூறினார். பாகிஸ்தான் பிரதமர் ஷாபாஸ் ஷெரீஃப் மற்றும் ஃபீல்ட் மார்ஷல் ஆசிம் முனீர் ஆகியோருடன் பேச்சுவார்த்தை நடத்திய பின்னரே இந்த முடிவு எடுக்கப்பட்டதாக டிரம்ப் தெரிவித்தார்.

Image Credit : Asianet News

உலக நாடுகளுக்கு நிம்மதி

ஈரான், ஹார்முஸ் ஜலசந்தியை முழுமையாகவும் உடனடியாகவும் திறக்கத் தயாராக இருந்தால் மட்டுமே இந்த முடிவு எடுக்கப்படும் என்றும் டிரம்ப் கூறினார். அவர் தனக்குத்தானே நிர்ணயித்திருந்த இரவு 8 மணி காலக்கெடுவிற்கு ஒரு மணி நேரத்திற்கு முன்பு இந்த முக்கிய அறிவிப்பு வெளியிடப்பட்டது. மத்திய கிழக்கில் போர் அச்சுறுத்தல் நீடித்து வரும் நேரத்தில் எடுக்கப்பட்ட இந்த நடவடிக்கை, உலக நாடுகளுக்குப் பெரும் நிம்மதியை அளித்துள்ளது. 

ஈரான், அமெரிக்கா மற்றும் இஸ்ரேல் ஆகிய நாடுகளுக்கு இடையேயான இந்த மோதலில் பாகிஸ்தான் ஒரு மத்தியஸ்தராகப் பங்காற்றி வருகிறது. இந்த நிபந்தனைக்குட்பட்ட போர்நிறுத்த ஒப்பந்தத்திற்கு வழிவகுத்த பேச்சுவார்த்தைகளில், தான் பேசிய நபர்களில் ஒருவராக பாகிஸ்தான் பிரதமர் ஷெபாஸ் ஷெரீப்பின் பெயரையும் டிரம்ப் குறிப்பிட்டிருந்தார்.

Image Credit : AI Meta

இஸ்ரேலும் போர் நிறுத்தத்திற்கு ஒப்புதல்

டொனால்ட் டிரம்ப் அறிவித்த இரண்டு வார கால போர் நிறுத்தத்தில் இஸ்ரேலும் பங்கேற்பதாக வெள்ளை மாளிகை செய்தித் தொடர்பாளர் ஒருவர் சிஎன்என்-க்கு உறுதிப்படுத்தினார். ஹோர்முஸ் ஜலசந்தி திறக்கப்படாவிட்டால், ஈரானிய உள்கட்டமைப்பு மீது ஒரு பெரிய இராணுவத் தாக்குதலைத் தொடங்குவதற்கான டிரம்பின் காலக்கெடுவிற்கு ஒன்றரை மணி நேரத்திற்கு முன்பு இந்தத் தகவல் வெளியானது. பேச்சுவார்த்தைகள் தொடரும் நிலையில், இஸ்ரேல் தனது குண்டுவீச்சை தற்காலிகமாக நிறுத்தி வைக்கவும் ஒப்புக்கொண்டுள்ளதாக அந்த அதிகாரி கூறினார்.

Image Credit : X

ராணுவ உதவியுடன் திறக்கப்படும் ஹார்முஸ் நீரினை

இதனிடையே டிரம்ப் அறிவித்த இரண்டு வார கால போர் நிறுத்தத்தை ஈரான் ஏற்றுக்கொண்டுள்ளது. ஈரானிய ராணுவத்தின் உதவியுடன் ஹோர்முஸ் நீர்வழி திறக்கப்படும் என்று ஈரானிய வெளியுறவு அமைச்சர் அப்பாஸ் அராக்சி கூறினார். இன்று இரவு நாகரிகம் முடிவுக்கு வரும் என்று ஈரான் கடுமையான அச்சுறுத்தலை விடுத்த சில மணி நேரங்களுக்குப் பிறகு, செவ்வாயன்று அமெரிக்கா ஈரானுடன் இரண்டு வார கால போர் நிறுத்தத்திற்கு ஒப்புக்கொண்டது.

இந்த ஒப்பந்தம் இரண்டு வார காலத்திற்கு போர் நிறுத்தத்திற்கும், ஹோர்முஸ் நீர்வழியை உடனடியாகத் திறப்பதற்கும் வழிவகுக்கிறது. ஈரானுடன் ஒரு இறுதி ஒப்பந்தத்தை எட்டுவதற்கு இந்த இரண்டு வார காலத்தை அமெரிக்கா பயன்படுத்தும் என்று டிரம்ப் கூறினார். இதைத் தொடர்ந்து ஈரானிய வெளியுறவு அமைச்சரின் பதில் வந்தது. பாகிஸ்தான் பிரதமர் ஷாபாஸ் ஷெரீப் தனது ட்விட்டர் பதிவில் விடுத்த சகோதரத்துவ வேண்டுகோளுக்கு இணங்கவும், அமெரிக்காவின் 15 அம்ச முன்மொழிவுகளின் அடிப்படையில் பேச்சுவார்த்தை நடத்த வேண்டும் என்ற அதன் கோரிக்கையைக் கருத்தில் கொண்டும் இந்த முடிவு எடுக்கப்பட்டது.

Image Credit : X

ஈரானின் கோரிக்கைகளை ஏற்ற டிரம்ப்

பேச்சுவார்த்தைகளுக்காக ஈரான் முன்வைத்த 10 அம்ச முன்மொழிவுகளின் பொதுவான கட்டமைப்பை அமெரிக்க அதிபர் ஏற்றுக்கொண்டதாக அறிவித்த பின்னரும், ஈரான் மீதான தாக்குதல்கள் நிறுத்தப்பட்டால், நமது சக்திவாய்ந்த ஆயுதப் படைகள் தற்காப்பு நடவடிக்கைகளை நிறுத்திவிடும் என்று அப்பாஸ் அராக்சி சமூக ஊடகங்களில் எழுதியுள்ளார். ஈரானிய ஆயுதப் படைகளுடன் ஒருங்கிணைந்து செயல்படுவதன் மூலமும், தொழில்நுட்ப வரம்புகளைக் கருத்தில் கொண்டும், ஹோர்முஸ் ஜலசந்தி வழியாக இரண்டு வாரங்களுக்குப் பாதுகாப்பான போக்குவரத்து சாத்தியமாகும் என்றும் அராக்சி மேலும் கூறினார்.