சன் டிவிக்கு தயாரான சூப்பர் ஹிட் சீரியல்..! சமயம் பார்த்து தட்டி தூக்கிய விஜய் டிவி! எந்த தொடர் தெரியுமா?

சன் டிவிக்கு தயாரான பிரபல சூப்பர் ஹிட் சீரியலை, விஜய் டிவி கைப்பற்றிய தகவல் தற்போது வெளியாகி உள்ளது. 

பல சேனல்கள் போட்டி போட்டுக் கொண்டு விறுவிறுப்பான கதைகளத்துடன் கொண்ட சீரியல்களை ஒளிபரப்பி வந்தாலும், டி ஆர் பி-யில் ஒவ்வொரு வாரமும் டாப் 10 பட்டியலில் அதிகம் இடம்பிடித்து வருவது என்னவோ  சன் டிவி மற்றும் விஜய் டிவி தொடர்கள் தான்.

குறிப்பாக ப்ரைம் டைமில் சன் மற்றும் விஜய் டிவியில் ஒளிபரப்பாகும் தொடர்களுக்கு ஏகப்பட்ட ரசிகர்கள் உள்ளனர். அந்த வகையில் சன் டிவி தொடர்களான கயல், எதிர்நீச்சல், இனியா, வானத்தைப்போல, சுந்தரி போன்ற சீரியல்களும்... விஜய் டிவியில் ஒளிபரப்பாகும் பாக்கியலட்சுமி, பாண்டியன் ஸ்டோர், சிறகடிக்க ஆசை ஆகிய சீரியல்களும் டாப் 10 லிஸ்டில் இடம்பிடித்து வருகிறது.

சில சீரியல்கள் டாப் 10 TRP லிஸ்டில் இடம் பிடிக்கவில்லை என்றாலும், அடுத்தடுத்த இடங்களை கைப்பற்றி பல ரசிகர்களால் விரும்பி பார்க்கப்படுகிறது. அந்த வகையில் அம்மா - பிள்ளைகள் பாசப்பிணைப்பில், நேர்மையோடு வாழ வேண்டும் என நினைக்கும் தமிழுக்கு எதிராக பல்வேறு சதி நடக்கிறது. இதனை இப்படி தமிழ் தன்னுடைய மனைவி சரஸ்வதியுடன் சேர்ந்து முறியடிக்கிறார் என்பதை மையமாக வைத்து ஒளிபரப்பாகி வருகிறது 'தமிழும் சரஸ்வதியும்' சீரியல்.

இந்த சீரியல் பற்றிய சுவாரஸ்ய தகவல் ஒன்று வெளியாகியுள்ளது. 'தமிழும் சரஸ்வதியும்'  சீரியல் முதலில்  சன் டிவிக்காக தான் விகடன் நிறுவனம் தயாரித்ததாம். பின்னர் இந்த சீரியல் ஒளிபரப்புவதில் தாமதம் ஏற்பட்டதோடு, சில பிரச்சனைகளும் ஏற்பட்டதால், விஜய் டிவி இந்த தொடரை கைப்பற்றியதாக கூறப்படுகிறது.

ஏற்கனவே நக்ஷத்திரா சன் டிவியில் ஒளிபரப்பான லட்சுமி ஸ்டோர் சீரியல் ஹீரோயினாக நடித்துள்ளார். அதே போல் தீபக்  சன் டிவியின் சூப்பர் ஹிட் தொடரான தென்றல் சீரியலில் நடித்து மிகவும் பிரபலமானவர் என்பது குறிப்பிடத்தக்கது.