- Home
- Cinema
- தொலைக்காட்சி
- Moondru Mudichu: இன்று வெளியான ஹாட் நியூஸ்! ‘மூன்று முடிச்சு’ சீரியலில் தொடங்கும் புதிய அத்தியாயம்!
Moondru Mudichu: இன்று வெளியான ஹாட் நியூஸ்! ‘மூன்று முடிச்சு’ சீரியலில் தொடங்கும் புதிய அத்தியாயம்!
சன் டிவியின் 'மூன்று முடிச்சு' சீரியல், மெகா சங்கமத்தில் ஒளிபரப்பாகி வருகிறது. இந்த சங்கமம் முடிந்தவுடன், மாமியார்-மருமகள் மோதலில் ஒரு பெரிய திருப்பம் வரவிருப்பதாகவும், ஒளிபரப்பு நேரம் ஒரு மணி நேரமாக அதிகரிக்கப்படலாம் என்றும் எதிர்பார்க்கப்படுகிறது.
மாமியார் மருமகள் சண்டை!
சன் டிவியில் விறுவிறுப்பாக ஒளிபரப்பாகி வரும் ‘மூன்று முடிச்சு’ சீரியல், குடும்ப ரசிகர்களின் கவனத்தை தொடர்ந்து கவர்ந்து வருகிறது. பணம், அந்தஸ்து மட்டுமே வாழ்க்கையின் அளவுகோல் என்று நினைக்கும் மாமியாருக்கும், எளிமை, அன்பு, உழைப்பு தான் உண்மையான செல்வம் என நம்பும் கிராமத்து மருமகளுக்கும் இடையிலான மோதலே இந்த சீரியலின் மையக் கரு.
ரசிக்கும் வகையில் இருந்த பக்தி காட்சிகள்
இந்த இரு துருவங்களுக்கிடையில் சூர்யா என்ற வலுவான கதாபாத்திரம் இணைந்ததுடன், ‘மூன்று முடிச்சு’ கதைக்கு புதிய வேகம் கிடைத்தது. சமீபத்தில் சூர்யாவின் அப்பாவின் பிறந்தநாள் கொண்டாட்டம், அதனைத் தொடர்ந்து முருகனுக்காக மாலை அணிவிக்கும் பக்தி காட்சிகள் போன்றவை ரசிகர்களிடையே நல்ல வரவேற்பைப் பெற்றன.
மெய் சிலிர்க்க வைக்கும் மெகா சங்கமம்!
இதற்கிடையில், தற்போது ரசிகர்களை உற்சாகப்படுத்தும் ஒரு முக்கிய அப்டேட் வெளியாகியுள்ளது. ‘மூன்று முடிச்சு’ மற்றும் ‘சிங்கப்பெண்ணே’ சீரியல்களின் மெகா சங்கமம் தற்போது ஒளிபரப்பாகி வருகிறது. இரு சீரியல் கதாபாத்திரங்களும் ஒரே கதைக்களத்தில் சந்திப்பது பார்வையாளர்களுக்கு புதிய அனுபவமாக அமைந்துள்ளது. இந்த மெகா சங்கமம் இந்த வாரத்துடன் நிறைவடையும் என தகவல் வெளியாகி உள்ளது.
அப்பாடி ரசிகர்கள் இனி மாற்றத்தை காணலாம்.!
இதன் முடிவுக்கு பிறகு ‘மூன்று முடிச்சு’ கதையில் பெரிய திருப்பம் காத்திருக்கிறது என சொல்லப்படுகிறது. சூர்யா கதாபாத்திரத்தின் முடிவுகள், மாமியார்–மருமகள் மோதலில் ஏற்படப்போகும் மாற்றங்கள் என அடுத்தடுத்த எபிசோடுகள் ரசிகர்களுக்கு அதிக எதிர்பார்ப்பை உருவாக்கியுள்ளன. மேலும் ஒளிபரப்பும் நேரம் 1 மணி நேரமாக இருக்கும் என கூறப்படுகிறது.
அதிக விறுவிறுப்புடன் பயணிக்கும்.!
மொத்தத்தில், ‘மூன்று முடிச்சு’ சீரியல் இந்த மெகா சங்கமத்திற்குப் பிறகும் இன்னும் அதிக விறுவிறுப்புடன் பயணிக்க தயாராகி வருகிறது என்பதே ரசிகர்களுக்கு வந்துள்ள உண்மையான சூப்பர் குட் நியூஸ்.
