யாரை கேட்டு AI வீடியோ போடுறீங்க? யூடியூப் படைப்பாளர்களுக்குப் புதிய தலைவலி - என்ன நடந்தது?

YouTube தரம் குறைந்த AI வீடியோக்களை ஒழிக்க யூடியூப் புதிய திட்டம்! நேயர்களின் கருத்து அடிப்படையில் வீடியோக்கள் முடக்கப்படும். யூடியூப் படைப்பாளர்களுக்குப் புதிய தலைவலி - என்ன நடந்தது?

Image Credit : Gemini

YouTube AI வீடியோக்களுக்குச் செக் வைக்கும் யூடியூப்!

செயற்கை நுண்ணறிவு (AI) தொழில்நுட்பம் வளர்ந்து வரும் நிலையில், யூடியூப் தளத்தில் எவ்வித படைப்பாற்றலும் இல்லாத, தரம் குறைந்த 'AI ஸ்லாப்' (AI Slop) வீடியோக்களின் எண்ணிக்கை அதிகரித்து வருகிறது. தானியங்கி முறையில் உருவாக்கப்படும் இத்தகைய ஸ்பேம் வீடியோக்களைக் கட்டுப்படுத்த, யூடியூப் நிறுவனம் தற்போது நேயர்களிடமிருந்தே கருத்துகளைப் பெற முடிவு செய்துள்ளது.

Image Credit : Getty

புதிய ஃபீட்பேக் சிஸ்டம் எப்படிச் செயல்படும்?

நீங்கள் ஒரு வீடியோவைப் பார்க்கும்போது, அது எவ்வளவு தூரம் AI மூலம் உருவாக்கப்பட்ட தரம் குறைந்த வீடியோவாகத் தெரிகிறது எனக் கேட்கும் ஒரு திரை (Prompt) தோன்றும். அதில் 'சற்றும் இல்லை' (Not at all) என்பதில் தொடங்கி 'மிகவும் அதிகமாக' (Extremely) என்பது வரை நீங்கள் ரேட்டிங் அளிக்க முடியும். வீடியோவில் காட்சிகள் மீண்டும் மீண்டும் வருகிறதா, அல்லது தர்க்கரீதியாகப் புரியாமல் இருக்கிறதா என்பதையும் நீங்கள் சுட்டிக்காட்டலாம்.

Image Credit : Gemini

வீடியோக்கள் முடக்கப்படலாம்!

நேயர்களிடமிருந்து வரும் இந்தத் தகவல்களின் அடிப்படையில் அந்த வீடியோவின் தரம் முடிவு செய்யப்படும். ஒரு வீடியோ தொடர்ந்து தரம் குறைந்தது எனப் புகார் அளிக்கப்பட்டால், அது மற்றவர்களுக்குப் பரிந்துரைக்கப்படுவது (Recommendations) நிறுத்தப்படும். மேலும், அந்த வீடியோவிற்கான வருமானம் நிறுத்தப்படவோ அல்லது தளத்திலிருந்தே நீக்கப்படவோ வாய்ப்புள்ளது.

Image Credit : Gemini

படைப்பாளர்களின் கவலை (Creators' Concerns)

இந்த புதிய நடவடிக்கையால் நேர்மையான முறையில் AI கருவிகளைப் பயன்படுத்தும் படைப்பாளர்கள் கவலையடைந்துள்ளனர். சில சமயங்களில் நேயர்கள் தவறான கருத்துகளைத் தெரிவித்தால், நல்ல வீடியோக்களும் பாதிக்கப்படலாம் என்ற அச்சம் எழுந்துள்ளது. மேலும், யூடியூப் தனது சொந்த AI மாடல்களைப் பயிற்றுவிக்க இந்தத் தரவுகளைப் பயன்படுத்துகிறதோ என்ற சந்தேகமும் எழுப்பப்பட்டுள்ளது.

Image Credit : Gemini

தரம் மற்றும் பாதுகாப்பிற்கு முன்னுரிமை

யூடியூப் சிஇஓ நீல் மோகன், தொழில்நுட்ப வளர்ச்சியையும் அதே சமயம் தளத்தின் பாதுகாப்பையும் தரம் குறையாமல் பார்த்துக் கொள்வதே தங்களின் நோக்கம் என்று தெரிவித்துள்ளார். இதன் மூலம் உண்மையான உழைப்போடு வீடியோக்களை உருவாக்குபவர்களுக்கு அதிக முக்கியத்துவம் கிடைக்கும் என எதிர்பார்க்கப்படுகிறது.