WhatsApp Trick: நெட் ஆன்ல இருந்தாலும் சிங்கிள் டிக் தான் காட்டும்! இந்த சூப்பர் ஹேக் தெரியுமா?

WhatsApp Trick: இன்டர்நெட் ஆன் செய்திருந்தாலும், வாட்ஸ்அப்பில் உங்களுக்கு வரும் மெசேஜ்களுக்கு சிங்கிள் டிக் மட்டும் காட்ட வைக்கும் ஒரு சூப்பர் ட்ரிக் உள்ளது.

Image Credit : Google

வாட்ஸ்அப் சிங்கிள் டிக்

வாட்ஸ்அப் இல்லாமல் ஒரு நாளைக் கடப்பது பலருக்கும் சிரமமாகிவிட்டது. நண்பர்கள், குடும்பத்தினர், அலுவலகக் குழுக்கள் என தொடர்ந்து மெசேஜ்கள் வந்து கொண்டே இருப்பதால், சில நேரங்களில் வாட்ஸ்அப்பில் இருந்து சிறிது நேரம் விலகி இருக்க வேண்டும். ஆனால் அதற்காக போனில் மொபைல் டேட்டா அல்லது வைஃபையை முழுவதுமாக ஆஃப் செய்ய வேண்டிய அவசியம் இல்லை. வாட்ஸ்அப்பில் உள்ள ப்ராக்ஸி வசதியைப் பயன்படுத்தி, அந்த செயலியின் இணைய இணைப்பை மட்டும் தனியாக நிர்வகிக்க முடியும். குறிப்பாக வாட்ஸ்அப்பின் நேரடி இணைப்பில் சிக்கல் ஏற்படும் சூழ்நிலைகளில் சேவையை அணுகுவதற்கான மாற்று வழியாகவே இந்த வசதி வழங்கப்பட்டுள்ளது.

இங்கு ஒரு முக்கியமான விஷயத்தை புரிந்து கொள்ள வேண்டும். பிராக்ஸியை ஆன் செய்வதால் போனின் மொத்த இன்டர்நெட் இணைப்பு துண்டிக்கப்படாது. அதாவது, குரோம் போன்ற பிரவுசர், யூடியூப் உள்ளிட்ட மற்ற செயலிகள் மற்றும் இணையதளங்களை வழக்கம்போல் பயன்படுத்த முடியும். ஆனால் வாட்ஸ்அப் அதன் சர்வருடன் சரியாக இணைக்கப்படவில்லை என்றால், புதிய மெசேஜ்கள் உங்கள் போனுக்கு உடனடியாக வராமல் போகலாம். இதன் காரணமாக மற்றவர்கள் அனுப்பும் மெசேஜ்கள் டெலிவர் ஆகாமல் இருக்கலாம். சில நேரங்களில் மெசேஜ் அனுப்பியவரின் போனில் இரண்டு டிக்குகளுக்கு பதிலாக சிங்கிள் டிக் மட்டுமே தெரியும். இதனால், வாட்ஸ்அப்பை முழுவதுமாக ஆஃப்லைன் போல வைத்திருக்க விரும்புபவர்களுக்கு இந்த அமைப்பு ஒரு பயனுள்ள வழியாக இருக்கலாம்.

Image Credit : our own

நெட் ஆன் சிங்கிள் டிக்

இந்த வசதியை பயன்படுத்த வாட்ஸ்அப்பை திறந்து செட்டிங்ஸ் > ஸ்டோரேஜ் அண்ட் டேட்டா > பிராக்ஸி பகுதிக்குச் செல்ல வேண்டும். அங்கு இருக்கும் யூஸ் பிராக்ஸி என்ற ஆப்ஷனை ஆன் செய்யலாம். அதன் பிறகு நம்பகமான பிராக்ஸி வழங்குநரிடம் இருந்து கிடைக்கும் பிராக்ஸி முகவரி மற்றும் போர்ட் விவரங்கள் இருக்க வேண்டும். இணைப்பு வெற்றிகரமாக அமைந்துவிட்டால், அதற்கான நிலையை வாட்ஸ்அப் காட்டும். இணைப்பு ஏற்படவில்லை என்றால், பிராக்ஸி முகவரியில் சிக்கல் இருக்கலாம். எனவே இணையத்தில் கிடைக்கும் எந்த முகவரியும் கண்மூடித்தனமாக பயன்படுத்துவது சரியான நடைமுறை அல்ல.

இதற்கிடையில், சமூக வலைதளங்களில் 1.1.1.1 என்ற முகவரி வாட்ஸ்அப் பிராக்ஸி பகுதியில் உள்ளிட்டு, வாட்ஸ்அப்பை தற்காலிகமாக இணைப்பிலிருந்து விலக்கலாம் என்ற தகவல் பரவி வருகிறது. சில தொழில்நுட்ப இணையதளங்களிலும் இந்த வழிமுறை குறிப்பிடப்பட்டுள்ளது. ஆனால் இதை வாட்ஸ்அப்பின் அதிகாரப்பூர்வ 1.1.1.1 பிராக்ஸி முகவரி என்று கருதக்கூடாது. வாட்ஸ்அப்பின் வழிகாட்டுதல்படி, பிராக்ஸி வழங்குநர் தரும் ஐபி முகவரி மற்றும் போர்ட் விவரங்களையே பயன்படுத்துவது சரியான நடைமுறை. எனவே 1.1.1.1 போன்ற முகவரிகளைப் பயன்படுத்தி இந்த ட்ரிக்கை முயற்சி செய்பவர்கள், அது தங்கள் சாதனத்தில் உண்மையில் செயல்படுவது என்றால் தனியாக சரிபார்த்துக் கொள்வது நல்லது.

Image Credit : our own

வாட்ஸ்அப் மெசேஜ் வராமல் இருக்க

மீண்டும் வாட்ஸ்அப்பை வழக்கமான முறையில் பயன்படுத்த வேண்டும், இதை மாற்றுவது மிகவும் எளிது. வாட்ஸ்அப்பின் செட்டிங்ஸ் > ஸ்டோரேஜ் அண்ட் டேட்டா > பிராக்ஸி பகுதிக்குச் சென்று யூஸ் பிராக்ஸி ஆப்ஷனை ஆஃப் செய்தால் போதும். அதன் வாட்ஸ்அப் நேரடி இணைய இணைப்பைப் பிறகு பயன்படுத்தத் தொடங்கும். இதற்கிடையில் மூன்றாம் தரப்பு பிராக்ஸியை பயன்படுத்தும்போது கவனமாக இருக்க வேண்டும். அந்த பிராக்ஸி வழங்குநருடன் உங்கள் ஐபி முகவரி பகிரப்பட வாய்ப்பு இருப்பதாக வாட்ஸ்அப் எச்சரிக்கிறது. எனவே தெரியாத அல்லது நம்பகத்தன்மை இல்லாத பிராக்ஸி முகவரிகளை பயன்படுத்தாமல் இருப்பது பாதுகாப்பானது.

மொத்தத்தில், வாட்ஸ்அப்பில் இருந்து சிறிது நேரம் இடைவெளி எடுக்க வேண்டும் என்பதற்காக போனின் மொபைல் டேட்டா அல்லது வைஃபையை முழுவதுமாக ஆஃப் செய்வது மட்டுமே வழி இல்லை. வாட்ஸ்அப்பின் ப்ராக்ஸி அமைப்பை சரியாக பயன்படுத்துவதன் மூலம், மற்ற இணைய சேவைகளை தொடர்ந்து பயன்படுத்திக்கொண்டே வாட்ஸ்அப்பின் இணைப்பை தனியாக நிர்வகிக்க முடியும். ஆனால் ப்ராக்ஸி ஆன் செய்தால் நிச்சயமாக சிங்கிள் டிக் மட்டுமே வரும் என்று கூற முடியாது. அது பிராக்ஸி இணைப்பு மற்றும் வாட்ஸ்அப் சர்வருடன் ஏற்படும் தொடர்பைப் உள்ளது. மேலும், இணையத்தில் பரவும் 1.1.1.1 ட்ரிக்கை அதிகாரப்பூர்வ வாட்ஸ்அப் வசதியாக நினைக்காமல், நம்பகமான பிராக்ஸி முகவரிகளை மட்டுமே பயன்படுத்துவது முக்கியம்.