மூடப்படுகிறதா வோடபோன் ஐடியா? இல்லவே இல்லை! அதிரடி 5G விரிவாக்கத்துடன் மீண்டும் களத்தில் Vi!

Vodafone Idea 5G வோடபோன் ஐடியா (Vi) 5G சேவை மே மாதத்திற்குள் 133 நகரங்களுக்கு விரிவாக்கம். அதிவேக இணையம் மற்றும் புதிய நகரங்களின் பட்டியல் இங்கே! 5G விரிவாக்கத்துடன் மீண்டும் களத்தில் Vi!

Image Credit : Gemini

Vodafone

இந்தியத் தொலைத்தொடர்பு சந்தையில் ஜியோ மற்றும் ஏர்டெல் நிறுவனங்களுக்குப் போட்டியாக, வோடபோன் ஐடியா (Vi) நிறுவனம் தனது 5G சேவை விரிவாக்கத்தைப் பலமடங்கு வேகப்படுத்தியுள்ளது. அடுத்த இரண்டு மாதங்களில் நாடு முழுவதும் கூடுதலாக 90 நகரங்களில் 5G சேவையை அறிமுகம் செய்யத் திட்டமிட்டுள்ள Vi, வரும் மே 2026-க்குள் மொத்தம் 133 நகரங்களைத் தனது 5G வளையத்திற்குள் கொண்டு வர இலக்கு நிர்ணயித்துள்ளது.

அதிரடி விரிவாக்கம்: 43-லிருந்து 133 நகரங்களுக்கு!

தற்போது 43 நகரங்களில் மட்டுமே 5G சேவையை வழங்கி வரும் வோடபோன் ஐடியா, குறுகிய காலத்தில் இந்த எண்ணிக்கையை 133-ஆக உயர்த்த உள்ளது. இது Vi வாடிக்கையாளர்களுக்கு ஒரு மிகப்பெரிய செய்தியாகும். குறிப்பாக, மற்ற நிறுவனங்களுக்கு இணையாகத் தனது நெட்வொர்க் தரத்தை உயர்த்த Vi மேற்கொண்டுள்ள இந்த முயற்சி சந்தையில் பெரும் எதிர்பார்ப்பை ஏற்படுத்தியுள்ளது.

Image Credit : Asianet News

முக்கிய நகரங்களுக்கு முன்னுரிமை

இந்த விரிவாக்கத் திட்டத்தில் அதிக டேட்டா பயன்பாடு உள்ள பெருநகரங்கள் மற்றும் வளரும் நகரங்களுக்கு முன்னுரிமை வழங்கப்படுகிறது. டெல்லி, மும்பை, கொல்கத்தா போன்ற மெட்ரோ நகரங்களுடன் மகாராஷ்டிரா, தமிழ்நாடு, கேரளா, குஜராத், ராஜஸ்தான் மற்றும் உத்தரபிரதேசம் போன்ற மாநிலங்களில் உள்ள முக்கிய இடங்கள் இந்த பட்டியலில் இடம்பெற்றுள்ளன.

தமிழகத்தில் எந்தெந்த ஊர்களுக்கு 5G?

தமிழகத்தைப் பொறுத்தவரை சென்னை மற்றும் கோவை ஆகிய நகரங்களில் வோடபோன் ஐடியா 5G சேவை விரைவில் முழுவீச்சில் பயன்பாட்டிற்கு வரவுள்ளது. இது தவிர வாரணாசி, ஹைதராபாத், புதுச்சேரி, கோவா மற்றும் வாரணாசி போன்ற சுற்றுலா மற்றும் வணிகத் தலங்களிலும் 5G டவர்கள் அமைக்கப்பட்டு வருகின்றன.

Image Credit : Asianet News

நவீன தொழில்நுட்பக் கூட்டணி

தனது 5G நெட்வொர்க்கை வலுப்படுத்த நோக்கியா (Nokia), எரிக்சன் (Ericsson) மற்றும் சாம்சங் (Samsung) ஆகிய உலகத்தரம் வாய்ந்த நிறுவனங்களுடன் Vi கைகோர்த்துள்ளது. இதன் மூலம் அதிவேக இன்டர்நெட், குறைந்த லேக் (Lag) மற்றும் தடையற்ற இணைப்பு ஆகியவற்றைத் தனது பயனர்களுக்கு வழங்க நிறுவனம் உறுதிபூண்டுள்ளது.

Image Credit : Asianet News

போட்டிக்குத் தயாராகும் Vi

ரிலையன்ஸ் ஜியோ மற்றும் ஏர்டெல் ஏற்கனவே இந்தியாவின் பெரும்பாலான இடங்களை 5G மூலம் கவர் செய்துள்ள நிலையில், Vi தற்போது எடுத்துள்ள இந்த 'வேகமான லான்ச்' (Fast Rollout) முடிவு, சந்தையில் இழந்த இடத்தைப் பிடிக்க உதவும் எனத் தெரிகிறது. மே 2026-க்குள் இந்த நகரங்களில் வசிக்கும் Vi வாடிக்கையாளர்கள் அதிவேக 5G இணையத்தை அனுபவிக்க முடியும்.