Vivo S2: விலை மிடில் கிளாஸ்.. ஃபீச்சர்ஸ் டாப் கிளாஸ்... விவோவின் அட்டகாசமான போன் ரெடி!

Vivo S2: பிரபல ஸ்மார்ட்போன் நிறுவனமான விவோ, தனது S1 மாடலுக்குப் பிறகு சுமார் ஏழு வருட இடைவெளிக்குப் பின் Vivo S2 மாடலை அறிமுகம் செய்துள்ளது. இது தொடர்பான முழு விவரங்களை இந்த செய்தியில் பார்க்கலாம்.

Image Credit : Vivo.com

வளைந்த AMOLED டிஸ்ப்ளே, பிரீமியம் அனுபவம்

Vivo S2 போனில் 6.83-இன்ச் 1.5K 3D வளைந்த அமோலெட் டிஸ்ப்ளேவை கொடுத்திருக்காங்க. இந்த ஸ்க்ரீன் 120Hz ரெஃப்ரெஷ் ரேட் சப்போர்ட் செய்வதால், ஸ்க்ரோலிங் மற்றும் கேமிங் அனுபவம் ரொம்பவே ஸ்மூத்தாக இருக்கும். மேலும், 3000 நிட்ஸ் பீக் பிரைட்னஸ் இருப்பதால், நேரடி சூரிய ஒளியிலும் ஸ்கிரீனை தெளிவாகப் பார்க்க முடியும். இந்த போன் ஆண்ட்ராய்டு 16 OriginOS 6-ல் இயங்குகிறது. இதன் செயல்திறனை அதிகரிக்க மீடியாடெக் டைமன்சிட்டி 7360 டர்போ பிராசஸரை பயன்படுத்தியுள்ளனர்.

Image Credit : Vivo.com

4K வீடியோ ரெக்கார்டிங் சப்போர்ட்

புகைப்படம் எடுப்பதில் ஆர்வம் உள்ளவர்களுக்காக, இந்த போனில் 50 மெகாபிக்சல் Sony IMX852 பிரைமரி கேமராவை பொருத்தியுள்ளனர். இதனுடன் 2 மெகாபிக்சல் செகண்டரி கேமராவும் உள்ளது. செல்ஃபிகள் மற்றும் வீடியோ கால்களுக்காக முன்பக்கத்தில் 32 மெகாபிக்சல் கேமரா இருக்கிறது. இதில் உள்ள ஸ்பெஷல் என்னவென்றால், முன் மற்றும் பின் கேமராக்கள் இரண்டுமே 4K வீடியோ ரெக்கார்டிங்கை சப்போர்ட் செய்யும்.

Image Credit : Vivo.com

பிரம்மாண்ட பேட்டரி... IP69 பாதுகாப்பு

Vivo S2 போனில் 7050mAh திறன் கொண்ட ஒரு பெரிய பேட்டரியை வழங்கியுள்ளனர். இதற்கு 44W ஃபாஸ்ட் சார்ஜிங் சப்போர்ட் இருப்பதால், குறைந்த நேரத்திலேயே போனை சார்ஜ் செய்துவிடலாம். இவ்வளவு பெரிய பேட்டரி இருந்தாலும், போன் ஸ்லிம்மான டிசைனில் வருகிறது. தண்ணீர் மற்றும் தூசியில் இருந்து பாதுகாக்க IP68 மற்றும் IP69 ரேட்டிங்கும் இந்த போனுக்கு உண்டு. இந்த போன் நீலம், பிரான்ஸ் மற்றும் வெள்ளை நிறங்களில் கிடைக்கிறது.

Image Credit : Vivo.com

விலை எவ்வளவு?

Vivo S2 போனை நிறுவனம் இரண்டு ஸ்டோரேஜ் வேரியன்ட்களில் வெளியிட்டுள்ளது. 8GB RAM + 128GB ஸ்டோரேஜ் வேரியன்ட்டின் விலை ரூ.39,999 ஆகவும், 8GB RAM + 256GB ஸ்டோரேஜ் வேரியன்ட்டின் விலை ரூ.45,999 ஆகவும் நிர்ணயிக்கப்பட்டுள்ளது. 

இந்த ஸ்மார்ட்போன் விவோ இந்தியாவின் அதிகாரப்பூர்வ இ-ஸ்டோர், ஃபிளிப்கார்ட் மற்றும் தேர்ந்தெடுக்கப்பட்ட ஆஃப்லைன் கடைகளில் கிடைக்கும். ஆகஸ்ட் 11 முதல் விற்பனை தொடங்குகிறது. குறிப்பிட்ட வங்கி கார்டுகளைப் பயன்படுத்தி வாங்குபவர்களுக்கு 10% வரை உடனடி தள்ளுபடி மற்றும் எக்ஸ்சேஞ்ச் போனஸ் போன்ற சலுகைகளும் உள்ளன.