வீட்டிலேயே இனி தியேட்டர் எக்ஸ்பீரியன்ஸ்: இந்தியாவில் கிடைக்கும் டாப் 5 4K டால்பி விஷன் புரெஜெக்டர்கள்!

இந்தியாவில் வீட்டிலேயே 120 முதல் 200 இன்ச் வரையிலான பிரம்மாண்ட தியேட்டர் அனுபவத்தைத் தரும் டாப் 5 4K புரெஜெக்டர்களின் சிறப்பம்சங்கள் மற்றும் விலை விவரங்கள் வெளியாகியுள்ளன.

Image Credit : BenQ

1. BenQ TK700 / TK710 (சினிமா & கேமிங் ஆல்-ரவுண்டர்)

டிவி தாண்டி வீட்டிலேயே பிரமாண்டமான தியேட்டர் போன்ற திரையனுபவத்தை (Cinematic Experience) பெற விரும்புவோர் மத்தியில் 4K புரெஜெக்டர்களுக்கான வரவேற்பு நாளுக்கு நாள் அதிகரித்து வருகிறது. சந்தையில் கிடைக்கும் 65 முதல் 75 இன்ச் ஸ்மார்ட் டிவிகளின் விலையிலே, 120 இன்ச் முதல் 200 இன்ச் வரை பிரம்மாண்டத் திரையில் மிகத் தெளிவான 4K காட்சிகளை பெற முடிகிறது. இந்தியச் சந்தையில் தற்போது முன்னணி வகிக்கும் டாப் 5 4K புரெஜெக்டர்கள், அவற்றின் சிறப்பம்சங்கள் மற்றும் விலை விவரங்கள் பற்றி பார்ப்போம்.

திரைப்படங்களை ரசிப்பதுடன் அதிவேக கேமிங்கையும் விரும்பும் பயனர்களுக்கு பென்கியூ (BenQ) நிறுவனத்தின் இந்த மாடல் மிகச் சிறந்த தேர்வாகப் பார்க்கப்படுகிறது.

தொழில்நுட்பம் & தரம்: DLP (True 4K UHD - 3840 x 2160).

ஒளித்திறன் (Brightness): 3,200 ANSI Lumens கொண்டுள்ளதால், சுமாரான வெளிச்சம் கொண்ட அறைகளிலும் காட்சிகளைத் தெளிவாகக் காட்டும்.

முக்கிய அம்சங்கள்: 4K@60Hz-ல் 16ms குறைந்த உள்ளீட்டு தாமதம் (Input Lag) மற்றும் 1080p@240Hz வசதி உள்ளதால் PS5, Xbox போன்ற கேமிங் கன்சோல்களுக்கு ஏற்றது. மேலும் HDR10 மற்றும் HLG ஆதரவுகளும் உண்டு. இதன் விலை இந்திய சந்தையில் ரூ.1,40,000 முதல் ரூ.1,70,000 வரை விற்பனை செய்யப்படுகிறது.

Image Credit : Epson

2. Epson EH-TW7100 (இயற்கையான நிறங்கள் தரும் 3LCD தொழில்நுட்பம்)

டி.எல்.பி புரெஜெக்டர்களில் ஏற்படும் 'ரெயின்போ எஃபெக்ட்' (Rainbow Effect) தொந்தரவு இல்லாமல், அசல் மற்றும் இயற்கையான வண்ணங்களை விரும்புபவர்களுக்காக எப்சன் (Epson) நிறுவனம் இந்த மாடலை வழங்குகிறது.

தொழில்நுட்பம் & தரம்: 3LCD (4K PRO-UHD Enhancement).

ஒளித்திறன்: 3,000 Lumens (White & Colour Brightness சமமாக இருக்கும்).

முக்கிய அம்சங்கள்: 100,000:1 கான்ட்ராஸ்ட் ரேஷியோ மூலம் ஆழமான கருப்பு நிறங்களை (Deep Blacks) துல்லியமாகப் பிரதிபலிக்கும். லென்ஸ் ஷிப்ட் (Lens Shift) வசதி உள்ளதால், அறையின் எந்தக் கோணத்தில் புரெஜெக்டரைப் பொருத்தினாலும் திரையை எளிதாக அட்ஜஸ்ட் செய்து கொள்ள முடியும். இதன் விலை ரூ.1,35,000 முதல் ரூ.1,55,000 வரை நிர்ணயிக்கப்பட்டுள்ளது.

Image Credit : XGIMI

3. XGIMI Horizon Ultra (ஸ்மார்ட் & டால்பி விஷன் வசதி)

அமைப்பதற்குச் சிரமமில்லாத பிளக்-அண்ட்-பிளே (Plug & Play) ரக அதிநவீன ஸ்மார்ட் புரெஜெக்டரைத் தேடுபவர்களுக்கு இது சிறந்த தேர்வு.

தொழில்நுட்பம் & தரம்: Dual Light (Laser + LED Hybrid) 4K.

ஒளித்திறன்: 2,300 ISO Lumens.

முக்கிய அம்சங்கள்: புரெஜெக்டர் வரலாற்றிலேயே முதன்முறையாக Dolby Vision ஆதரவுடன் அறிமுகமான மாடல்களில் இதுவும் ஒன்று. இதில் இன்-பில்ட் ஆண்ட்ராய்டு டிவி, ஹர்மன் கார்டன் (Harman Kardon) ஸ்பீக்கர்கள், ஆட்டோ ஃபோகஸ் மற்றும் சுவரின் நிறத்திற்கு ஏற்ப காட்சியை மாற்றும் ISA 3.0 தொழில்நுட்பம் வழங்கப்பட்டுள்ளது. சந்தையில் இதன் விலை சுமார் ரூ.1,60,000 முதல் ரூ.1,85,000 வரை உள்ளது.

Image Credit : ViewSonic

4. ViewSonic PX748-4K (அதிக பிரைட்னஸ் & பட்ஜெட் தேர்வு)

அறையை முழுமையாக இருட்டாக்க முடியாத பகல் நேரச் சூழல்களிலும் அதிக வெளிச்சத்துடன் காட்சிகளைத் தரும் வகையில் இது உருவாக்கப்பட்டுள்ளது.

தொழில்நுட்பம் & தரம்: DLP (4K UHD).

ஒளித்திறன்: 4,000 ANSI Lumens திறன் கொண்டது.

முக்கிய அம்சங்கள்: லேப்டாப் மற்றும் ஸ்மார்ட்போன்களை நேரடியாக இணைக்க வசதியாக USB Type-C போர்ட் வழங்கப்பட்டுள்ளது. கேமிங் பயனர்களுக்காக 4.2ms அதிவேக ரெஸ்பான்ஸ் டைம் இதில் கொடுக்கப்பட்டுள்ளது. பட்ஜெட் விலையில் ரூ.1,15,000 முதல் ரூ.1,35,000 வரையிலான விலையில் கிடைக்கிறது.

Image Credit : Optoma

5. Optoma UHD35+ (மென்மையான காட்சிகளுக்கு 240Hz ரிப்ரெஷ் ரேட்)

திரைப்படங்களின் பிரம்மாண்ட காட்சிகளையும், விறுவிறுப்பான விளையாட்டுகளையும் தடையின்றி மென்மையாகக் காண ஆப்டோமா நிறுவனத்தின் இந்த மாடல் பயனர்களிடையே வரவேற்பைப் பெற்றுள்ளது.

தொழில்நுட்பம் & தரம்: DLP (True 4K UHD).

ஒளித்திறன்: 4,000 ANSI Lumens.

முக்கிய அம்சங்கள்: 240Hz அதிவேக திரை புதுப்பிப்பு வீதம் (Refresh Rate) மற்றும் 1,000,000:1 டைனமிக் கான்ட்ராஸ்ட் ரேஷியோவை ஆதரிக்கிறது. சினிமா ரசிகர்களுக்காகவே பிரத்யேக வண்ண காலிபரேஷன் அமைப்புகளும் இதில் உள்ளன. இதன் விலை ரூ.1,45,000 முதல் ரூ.1,65,000 வரை விற்பனையாகிறது.

Image Credit : 4k projector

புரெஜெக்டர் வாங்குவோர் கவனிக்க வேண்டிய முக்கிய அம்சங்கள்

அறையின் அளவு (Throw Distance): புரெஜெக்டர் வைக்கப்படும் தூரத்தைக் கணக்கில் கொண்டு Normal Throw, Short Throw அல்லது Ultra Short Throw (UST) மாடல்களைத் தேர்வு செய்ய வேண்டும்.

முழு இருட்டான ஹோம் தியேட்டர் அமைப்பிற்கு 2,000 – 2,500 Lumens போதுமானது; ஜன்னல் வெளிச்சம் உள்ள இயல்பான அறைகளுக்கு 3,000 Lumens-க்கு அதிகமான மாடல்களே சிறந்தது.

ALR திரை (Screen): சுவரில் நேரடியாகப் படம்பிடிப்பதை விட, வெளிச்சத்தை உள்வாங்கி காட்சிகளைத் துல்லியமாகப் பிரதிபலிக்கும் ALR (Ambient Light Rejecting) திரைகளைப் பயன்படுத்துவது 4K தெளிவை முழுமையாக வழங்க உதவும்.