iPhone 15-க்கு அடித்த லக்.. iPhone 17-க்கு பயந்து ரூ.20,000 விலை குறைப்பு! ஷாக்கில் ரசிகர்கள்

iPhone 17 வெளியீட்டுக்கு முன்னதாக, iPhone 15 விலை ரூ.58,000-ஆக குறைந்துள்ளது. எங்கே இந்த ஆஃபர்களைப் பெறலாம் எனத் தெரிந்து கொள்ளுங்கள்.

Image Credit : Getty

ஐபோன் 17 வருகை.. ஐபோன் 15-க்கு விலை குறைப்பு

புதிய iPhone 17 சீரிஸ் வெளியாக உள்ள நிலையில், ஆப்பிள் நிறுவனம் வழக்கம்போல் அதன் பழைய மாடல்களின் விலையைக் குறைத்துள்ளது. 2023-ல் அறிமுகப்படுத்தப்பட்ட iPhone 15-ன் விலையும் தற்போது மீண்டும் குறைக்கப்பட்டுள்ளது. இந்த அதிரடி விலை குறைப்பினால், வாடிக்கையாளர்கள் பல ஆயிரம் ரூபாயை மிச்சப்படுத்த முடியும். எந்தெந்த தளங்களில் எவ்வளவு தள்ளுபடி கிடைக்கிறது, எப்படி வாங்குவது என விரிவாகப் பார்க்கலாம்.

Image Credit : Getty

அமேசான் vs பிளிப்கார்ட்: எங்கே அதிகம்?

iPhone 15, ஆரம்பத்தில் ரூ.79,900 விலையில் அறிமுகப்படுத்தப்பட்டது. கடந்த ஆண்டு அதன் விலை ரூ.10,000 குறைக்கப்பட்டு ரூ.69,900 ஆனது. தற்போது, இந்த போன் அமேசான் மற்றும் பிளிப்கார்ட் ஆகிய இரண்டு தளங்களிலும் மேலும் குறைவான விலையில் கிடைக்கிறது.

பிளிப்கார்ட்: ஐபோன் 15 இங்கு ரூ.64,900 என்ற ஆரம்ப விலையில் பட்டியலிடப்பட்டுள்ளது. இது நேரடி ரூ.5,000 விலை குறைப்பு ஆகும். இதனுடன் வங்கி சலுகைகளும் கிடைக்கும்.

அமேசான்: அமேசானில் தள்ளுபடி இன்னும் பெரியது. iPhone 15-ன் விலை ரூ.20,000 குறைக்கப்பட்டு, ஆரம்ப விலை ரூ.59,900-ஆக உள்ளது. இதனுடன் வங்கி சலுகைகளைப் பயன்படுத்தினால், அதன் விலை ரூ.58,103 ஆக குறையும்.

Image Credit : Getty

எக்ஸ்சேஞ்ச் ஆஃபர்: ஒரு கூடுதல் நன்மை

விலை குறைப்பு மட்டுமின்றி, எக்ஸ்சேஞ்ச் சலுகைகளும் இந்த தளங்களில் கிடைக்கின்றன. உங்கள் பழைய போனை மாற்றிக்கொள்ள விரும்பினால், அதன் மதிப்பு ரூ.20,000 வரை இருக்கலாம். அப்படி ஒரு சலுகை கிடைத்தால், புதிய ஐபோன் 15-ஐ ரூ.40,000-க்கும் குறைவான விலையில் வாங்கலாம். ஆனால், உங்கள் பழைய போனின் நிலை மற்றும் மாடலைப் பொறுத்து எக்ஸ்சேஞ்ச் மதிப்பு மாறுபடும்.

Image Credit : Getty

ஐபோன் 15: சிறப்பம்சங்கள் ஒரு பார்வை

இந்த விலை குறைப்பிற்குப் பிறகும், ஐபோன் 15 ஒரு சிறந்த தேர்வாகவே உள்ளது. இதன் 6.1-இன்ச் சூப்பர் ரெட்டினா XDR டிஸ்ப்ளே மற்றும் டைனமிக் ஐலேண்ட் அம்சம் பயனர்களுக்கு புதிய அனுபவத்தைத் தரும். பின்பக்கம் 48MP முக்கிய கேமரா மற்றும் 12MP அல்ட்ரா-வைட் கேமரா என இரட்டை கேமரா அமைப்பு உள்ளது. முன்புறத்தில் 12MP செல்ஃபி கேமரா உள்ளது. A16 பயோனிக் சிப், 6GB ரேம் மற்றும் iOS 17 (iOS 18-க்கு அப்கிரேடு செய்ய முடியும்) உடன் இந்த போன் செயல்படுகிறது. பிளாக், ப்ளூ, கிரீன், பிங்க் மற்றும் யெல்லோ என ஐந்து வண்ணங்களில் இது கிடைக்கிறது.