10 நிமிடங்களில் 100% சார்ஜிங்; சந்தையில் சூப்பர் ஃபாஸ்ட் சார்ஜிங் ஸ்மார்ட்போன்கள்

 நவீன உலகில் வாழ்க்கையை எளிதாக்கும் வகையில் தொழில்நுட்பம் விரைவாக வளர்ச்சியடைந்து வருகிறது. சில நிமிடங்களில் பேட்டரியை முழுமையாக சார்ஜ் செய்யும் ஸ்மார்ட்போன்கள் இப்போது சந்தையில் கிடைக்கின்றன. அப்படிப்பட்ட டாப் 5 மொபைல்கள் இவை.

சூப்பர் ஃபாஸ்ட் சார்ஜிங் ஸ்மார்ட்போன்கள்

தற்போதைய தொழில்நுட்ப யுகத்தில் ஒவ்வொரு செயலும் மிக விரைவாக நடக்க வேண்டும் என்று அனைவரும் விரும்புகிறார்கள். அப்படி இருக்கும் போது போன் சார்ஜ் ஆக மணிக்கணக்கில் யார் காத்திருப்பார்கள்? இதை உணர்ந்த செல்போன் தயாரிப்பு நிறுவனங்களும் சில நிமிடங்களில் சார்ஜ் ஆகும் சூப்பர் ஃபாஸ்ட் பேட்டரிகள், சார்ஜருடன் கூடிய போன்களை சந்தையில் அறிமுகப்படுத்தி வருகின்றன. 

குறைந்த விலையில் குறுகிய நேரத்தில் சார்ஜ் ஆகும் போன்கள் தற்போது கிடைக்கின்றன. விரைவாக சார்ஜ் ஆகிறது என்பது மட்டுமல்லாமல் அதிக நேரம் பேட்டரி நிலைத்து இருக்கிறது. நீங்கள் அடிக்கடி பயணம் செய்கிறீர்களா? அல்லது வேலை, வணிகம் காரணமாக அதிக நேரம் வெளியில் இருக்கிறீர்களா?  அப்படியானால் உங்களுக்கு நல்ல பேட்டரி ஆயுள் கொண்ட போன்கள் மிகவும் அவசியம். அப்படிப்பட்ட டாப் 5 ஸ்மார்ட் போன்கள் இவை..

Realme GT5 Pro

1. Realme GT5 ப்ரோ

செப்டம்பர் 2023 இல் அறிமுகப்படுத்தப்பட்ட ரியல்மி GT5 வேகமாக சார்ஜ் ஆகும் மொபைல் போன். இது இரண்டு சார்ஜிங் வகைகளில் கிடைக்கிறது. ஒன்று ரியல்மி GT5 150W மற்றொன்று ரியல்மி GT5 240W. இதில் 240W மாடல் வெறும் 80 வினாடிகளில் 1% இருந்து 20% வரை சார்ஜ் ஆகிவிடும். 100% சார்ஜ் ஆக வெறும் 10 நிமிடங்களுக்கும் குறைவான நேரமே எடுக்கும்.

Redmi Note 12 Explorer

2. ரெட்மி நோட் 12

ரெட்மி நோட் 12 எக்ஸ்ப்ளோரர் 210W அல்ட்ரா-ஃபாஸ்ட் சார்ஜிங் திறன் கொண்டது. இது 4,300 mAh பேட்டரியை 9 நிமிடங்களில் முழுமையாக சார்ஜ் செய்ய உதவுகிறது.

OnePlus 10T

3. ஒன்பிளஸ் 10T

ஒன்பிளஸ் 10T மற்றொரு ஃபாஸ்ட் சார்ஜிங் ஸ்மார்ட்போன். இது 150W ஃபாஸ்ட் சார்ஜிங் திறன் கொண்டது. இது 4,800 mAh பேட்டரியை 18 நிமிடங்களில் முழுமையாக சார்ஜ் செய்ய உதவுகிறது.

Xiaomi 14 Pro

4. Xiaomi 14 ப்ரோ

Xiaomi 14 ப்ரோ என்பது 120W ஃபாஸ்ட் சார்ஜ் அம்சத்தை வழங்கும் மொபைல் போன்களில் ஒன்றாகும். இது சராசரியாக 22 முதல் 27 நிமிடங்களில் பேட்டரியை 100% சார்ஜ் செய்ய உதவுகிறது.

Motorola Edge 40

5. மோட்டோரோலா எட்ஜ் 40

மோட்டோரோலா எட்ஜ் 40 ப்ரோ ஸ்மார்ட்போன் 125W ஃபாஸ்ட் சார்ஜிங் திறன் கொண்டது. இது வெறும் 23 நிமிடங்களில் பேட்டரியை முழுமையாக சார்ஜ் செய்கிறது.