200MP கேமரா கொண்ட சாம்சங் ஸ்மார்ட்போனுக்கு அமேசானில் சூப்பர் டிஸ்கவுண்ட்!

சாம்சங் இந்திய சந்தையில் தொடர்ந்து புதிய ஸ்மார்ட்போன்களை அறிமுகப்படுத்தி வருகிறது. இந்நிலையில், சாம்சங்கின் வலுவான AI அம்சங்களைக் கொண்ட Samsung Galaxy S24 Ultra ஸ்மார்ட்போன் பெரிய தள்ளுபடியில் கிடைக்கிறது. அமேசானில் இருந்து 36,000 ரூபாய் தள்ளுபடி விலையில் இந்த ஸ்மார்ட்போனை வாங்கலாம்.

12GB ரேம் மற்றும் 256GB ஸ்டோரேஜ் கொண்ட வேரியண்டின் விலை ரூ.1,34,999. இந்த ஸ்மார்ட்போனை அமேசான் வழியாக வாங்கினால் 27% தள்ளுபடியுடன் ரூ. 98,070-க்கு வாங்கலாம். அதாவது, 36,929 ரூபாய் சேமிக்கலாம்.

12GB ரேம் மற்றும் 256GB ஸ்டோரேஜ் கொண்ட Samsung Galaxy S24 Ultra மொபைலை எக்ஸ்சேஜ் அல்லது வட்டியில்லா EMI முறையிலும் வாங்கலாம். அப்போது 10% தள்ளுபடியுடன் ரூ.1,21,999 க்கு கிடைக்கும். குறிப்பிட்ட வங்கி கார்டுகள் மூலம் ரூ.12,000 ரூபாய் வரை மிச்சப்படுத்தலாம். ரூ.27,500 வரை எக்ஸ்சேஞ்ச் சலுகையும் கிடைக்கும். EMI முறையில் வாங்க மாதாந்திர தவணைத் தொகை ரூ.5,915 முதல் உள்ளது.

12GB ரேம் மற்றும் 512GB ஸ்டோரேஜ் கொண்ட வேரியண்டின் விலை ரூ.1,44,999. இந்த ஸ்மார்ட்போனை அமேசான் வழியாக வாங்கினால் 21% தள்ளுபடியுடன் ரூ. 1,15,000-க்கு வாங்கலாம். அதாவது, 29,999 ரூபாய் சேமிக்கலாம்.

Samsung Galaxy S24 Ultra பல நவீன அம்சங்கள் கொண்ட ஸ்மார்ட்போன். இதில் 6.8 இன்ச் அளவுள்ள பெரிய டிஸ்ப்ளே உள்ளது. டிஸ்ப்ளே பாதுகாப்புக்காக கார்னிங் கொரில்லா கிளாஸ் இருக்கிறது. Snapdragon 8 Gen 3 பிராசஸர் மூலம் இயக்கப்படுகிறது.

இதன் முக்கிய சிறப்பு அம்சம் கேமராதான். 200MP முதன்மை கேமராவுடன், 50MP அல்ட்ரா-வைட் கேமரா மற்றும் 12MP டெலிஃபோட்டோ கேமராவைக் கொண்டுள்ளது. செல்ஃபி எடுக்க 12 எம்பி கேமரா உள்ளது. சக்திவாய்ந்த 5000mAh பேட்டரியும் இருக்கிறது.