பட்ஜெட் போன்களிலும் கைவைத்த சாம்சங்! கிடுகிடுவென உயர்ந்த கேலக்ஸி ஸ்மார்ட்போன்களின் புதிய விலை பட்டியல்!

Samsung சாம்சங் கேலக்ஸி A மற்றும் F சீரிஸ் ஸ்மார்ட்போன்களின் விலை இந்தியாவில் திடீரென உயர்த்தப்பட்டுள்ளது. வாங்கும் முன் புதிய விலை விவரங்களை இங்கே தெரிந்துகொள்ளுங்கள்.

Image Credit : Gemini

Samsung

உலகமே ஆவலோடு எதிர்பார்த்து காத்திருக்கும் சாம்சங்கின் பிரம்மாண்டமான 'கேலக்ஸி அன்பேக்டு 2026' (Galaxy Unpacked 2026) நிகழ்ச்சி தொடங்குவதற்கு சில மணி நேரங்களுக்கு முன்பு, இந்த விலை உயர்வு குறித்த தகவல்கள் கசிந்துள்ளன. சாம்சங் நிறுவனம் தனது பட்ஜெட் மற்றும் மிட்-ரேஞ்ச் பிரிவில் பட்டையைக் கிளப்பி வரும் கேலக்ஸி ஏ (Galaxy A) மற்றும் கேலக்ஸி எஃப் (Galaxy F) சீரிஸ் ஸ்மார்ட்போன்களின் விலையை சத்தமில்லாமல் உயர்த்தியுள்ளதாக பிரபல டிப்ஸ்டரான (Tipster) AN Leaks தனது X (ட்விட்டர்) தளத்தில் ஆவணங்களுடன் பதிவிட்டுள்ளார்.

Image Credit : 9to5google

கேலக்ஸி அன்பேக்டு (Galaxy Unpacked) ஈவென்ட்டுக்கு முன்பு ஒரு ஷாக்!

அதிகாரப்பூர்வ அறிவிப்பு இன்னும் வெளியாகவில்லை என்றாலும், ஆஃப்லைன் ரீடெய்ல் கடைகள் மற்றும் ஆன்லைன் விற்பனை தளங்களில் புதிய விலைவாசி விரைவில் அமலுக்கு வரும் என எதிர்பார்க்கப்படுகிறது. நடுத்தர வர்க்க மக்களின் ஃபேவரிட் மாடல்களான இவற்றின் விலை உயர்வு ஸ்மார்ட்போன் சந்தையில் சலசலப்பை ஏற்படுத்தியுள்ளது.

Image Credit : Samsung India

எந்தெந்த மாடல்களுக்கு எவ்வளவு விலை ஏற்றம்?

கசிந்த ஆவணங்களின்படி, பிரீமியம் அம்சங்களை மலிவு விலையில் வழங்கும் 'ஏ' சீரிஸ் போன்களில் கணிசமான ஏற்றம் காணப்படுகிறது.

• Galaxy A56 5G: இதன் 8GB + 256GB வேரியண்ட் விலை ரூ.43,999-ல் இருந்து ரூ.44,999 ஆகவும் (ரூ.1,000 உயர்வு), 12GB வேரியண்ட் ரூ.48,999 ஆகவும் உயர்த்தப்பட்டுள்ளது.

• Galaxy A36 5G: இதன் 8GB மாடல் தற்போது ரூ.36,999-க்கும், 12GB மாடல் ரூ.40,499-க்கும் விற்பனையாகும் எனத் தெரிவிக்கப்பட்டுள்ளது.

Image Credit : Google

'எஃப்' சீரிஸிலும் விலை மாற்றம்

இதேபோல், பட்ஜெட் விலையில் பட்டையக் கிளப்பும் 'எஃப்' சீரிஸிலும் விலை மாற்றம் செய்யப்பட்டுள்ளது. Galaxy F17 5G மாடலின் 4GB மற்றும் 6GB ரேம் வேரியண்ட்களின் விலை தலா ரூ.1,000 உயர்த்தப்பட்டு முறையே ரூ.16,499 மற்றும் ரூ.17,999 ஆக நிர்ணயிக்கப்பட்டுள்ளது. இதன் டாப்-எண்ட் மாடலான 8GB ரேம் போனின் விலை ரூ.1,500 உயர்த்தப்பட்டு ரூ.19,999 ஆக மாறியுள்ளது.

Image Credit : Google

விலை உயர்வு இதோடு நிற்கப்போவதில்லை!

சாம்சங் நிறுவனத்தின் இந்த விலை உயர்வு நடவடிக்கை புதிதல்ல. கடந்த ஜனவரி மாதத்திலேயே A56, A36 மற்றும் F17 ஆகிய மாடல்களுக்கு ரூ.1,500 முதல் ரூ.2,000 வரை விலை உயர்த்தப்பட்டது குறிப்பிடத்தக்கது. அதுமட்டுமின்றி, இந்த விலை உயர்வுப் புயல் இதோடு ஓயப்போவதில்லை என்றே தெரிகிறது.

Image Credit : Google

விரைவில்

 விரைவில் வெளியாகவுள்ள சாம்சங்கின் ஃபிளாக்ஷிப் மாடல்களான Galaxy Z Fold 7, Z Flip 7 மற்றும் பெரிதும் எதிர்பார்க்கப்படும் Galaxy S25 சீரிஸ் மாடல்களின் விலையும் அதிரடியாக உயர வாய்ப்புள்ளதாக தொழில்நுட்ப வட்டாரங்கள் தெரிவிக்கின்றன. எனவே, நீங்கள் சாம்சங் ஸ்மார்ட்போன் வாங்கும் எண்ணத்தில் இருந்தால், விலை மேலும் உயர்வதற்கு முன்பாகவே உங்களுக்குப் பிடித்த மாடலைத் தேர்ந்தெடுப்பது புத்திசாலித்தனம்!