கார் பாதுகாப்புக்கு ஜியோ புதிய கேமரா அறிமுகம்.. விலை ரொம்ப கம்மி.. எவ்வளவு?

ரிலையன்ஸ் ஜியோ, தனது புதிய வாகன டாஷ்கேமான 'JioEyeQ Dashcam'-ஐ இந்தியாவில் அறிமுகப்படுத்தியுள்ளது. குறைந்த விலையில் Full HD கேமரா, GPS, AI கண்டறிதல் மற்றும் நைட் விஷன் போன்ற மேம்பட்ட அம்சங்களுடன் வருகிறது.

Image Credit : Google

ஜியோ டாஷ்கேம்

இந்தியாவின் முன்னணி தொலைத்தொடர்பு நிறுவனம் ரிலையன்ஸ் ஜியோ தனது புதிய வாகன டாஷ்கேம் ‘JioEyeQ Dashcam’ஐ அறிமுகப்படுத்தியுள்ளது. இந்தியாவில் டாஷ்கேம் பயன்பாடு வேகமாக அதிகரித்து வரும் நிலையில், குறைந்த விலையில் அதிக வசதிகளுடன் இந்த சாதனம் வெளியிடப்பட்டுள்ளது. சாலையில் நடக்கும் நிகழ்வுகளை பதிவு செய்வதற்கு, விபத்து நேரங்களில் ஆதாரமாக பயன்படுத்துவதற்கு இது உதவும்.

Image Credit : Google

வாகன பாதுகாப்பு சாதனம்

JioEyeQ டாஷ்கேமில் 2MP Full HD கேமரா வழங்கப்பட்டுள்ளது. 140-டிகிரி அல்ட்ரா-வைட் FOV லென்ஸ் மூலம் விரிவான காட்சிகளை பதிவு செய்ய முடியும். GPS ஆதரவு இருப்பதால், வாகனத்தின் இடம் மற்றும் பயண விவரங்கள் பதிவு செய்யப்படும். AI அடிப்படையிலான பாதசாரி கண்டறிதல் வசதி கூட வழங்கப்பட்டுள்ளது. இரவு நேரங்களிலும் தெளிவான பதிவு கிடைக்க Night Vision ஆதரவு இணைக்கப்பட்டுள்ளது.

Image Credit : Google

ஜியோ டாஷ்கேம் விலை

மேலும், 32GB microSD கார்டு ஸ்டோர் வசதி உள்ளது. அவசர சூழ்நிலைகளில் தானாக பதிவு செய்யும் அவசர பதிவு மற்றும் மோதல் கண்டறிதல் போன்ற முக்கிய அம்சங்களும் இதில் இடம் பெற்றுள்ளன. பில்ட்-இன் வைஃபை மற்றும் மைக்ரோஃபோன் வசதி இருப்பதால், பதிவுகளை எளிதில் மொபைலில் பார்க்க முடியும். இந்த சாதனத்தின் விலை ரூ.3,499 என நிர்ணயிக்கப்பட்டுள்ளது.

Image Credit : Google

பட்ஜெட் டாஷ்கேம்

முழு கட்டணமாகவும் அல்லது மூன்று மாத நோ-செலவு EMI முறையிலும் வாங்க முடியும். EMI தேர்வு செய்தால் மாதத்திற்கு ரூ.1,166 செலுத்த வேண்டும். இந்த டாஷ்கேம் JioThings ஆப்புடன் இணைந்து செயல்படும். Android மற்றும் iOS சாதனங்களில் இந்த ஆப் கிடைக்கிறது. இதே விலையில் CrossBeats, Qubo, NEXDIGITRON, Boat போன்ற பிராண்டுகளுடன் போட்டியிடும் வகையில் JioEyeQ சந்தையில் இடம்பிடிக்கத் தயாராகியுள்ளது.