சினிமா தியேட்டரே கையில் வந்தது போல... 10,000 ரூபாய் ரேஞ்சில் இப்படி ஒரு போனா? ரெட்மியின் அடுத்த அதிரடி ரெடி!

Redmi 15C 5G இந்தியாவில் டிசம்பர் 3 அன்று அறிமுகமாகிறது. 6.9 இன்ச் டிஸ்ப்ளே, 50MP கேமரா மற்றும் 6000mAh பேட்டரி கொண்ட இந்த பட்ஜெட் போனின் முழு விவரங்களை இங்கே படியுங்கள்.

Image Credit : Gemini

Redmi 15C 6000mAh பேட்டரி, 50MP கேமரா... டிசம்பர் 3-ல் வரும் Redmi-யின் மலிவு விலை 5G போன்!

குறைந்த விலையில் நிறைவான அம்சங்களை எதிர்பார்க்கும் வாடிக்கையாளர்களுக்கு ஒரு மகிழ்ச்சியான செய்தி. ரெட்மி நிறுவனம் தனது புதிய பட்ஜெட் 5G ஸ்மார்ட்போனான Redmi 15C 5G-யை இந்தியாவில் அறிமுகப்படுத்தத் தயாராகிவிட்டது.

Image Credit : Redmi

இந்தியாவில் களம் இறங்குகிறது Redmi 15C 5G

நாளை மறுநாள் (டிசம்பர் 3) இந்தியாவில் களம் இறங்குகிறது Redmi 15C 5G. இது ரெட்மியின் முந்தைய வெர்ஷனான 14C 5G-யை விட பல மடங்கு மேம்படுத்தப்பட்ட அம்சங்களுடன் வருகிறது. குறிப்பாக, இதில் உள்ள பேட்டரி மற்றும் டிஸ்ப்ளே பட்ஜெட் வாடிக்கையாளர்களை வெகுவாகக் கவரும் என எதிர்பார்க்கப்படுகிறது. வெளியீட்டிற்கு முன்னரே இந்த போனின் முக்கிய அம்சங்களை நிறுவனம் உறுதிப்படுத்தியுள்ளது. அவை என்னென்ன? இதோ முழு விவரம்.

Image Credit : Xiaomi Redmi 15

டிஸ்ப்ளே மற்றும் செயல்திறன்

இந்த ஸ்மார்ட்போனில் 6.9 அங்குல பிரம்மாண்ட டிஸ்ப்ளே வழங்கப்பட்டுள்ளது. இது கேமிங் மற்றும் வீடியோ பார்ப்பவர்களுக்கு சிறந்த அனுபவத்தைத் தரும். மேலும், இதில் 120Hz ரெஃப்ரெஷ் ரேட் (Refresh Rate) இருப்பதால் ஸ்கிரீன் பயன்பாடு மிக ஸ்மூத்-ஆக இருக்கும். செயல்திறனைப் பொறுத்தவரை, இது MediaTek Dimensity 6300 சிப்செட் மூலம் இயங்குகிறது.

Image Credit : @ManojSaru/X

தீராத பேட்டரி சக்தி

Redmi 15C 5G-யின் மிகப்பெரிய சிறப்பம்சமே அதன் பேட்டரிதான். இதில் 6,000mAh திறன் கொண்ட அசுர பேட்டரி பொருத்தப்பட்டுள்ளது.

• ஒரு முறை சார்ஜ் செய்தால் சுமார் 88 மணி நேரம் வரை பாடல்களைக் கேட்கலாம் என சியோமி நிறுவனம் கூறுகிறது.

• மேலும், 33W ஃபாஸ்ட் சார்ஜிங் வசதி உள்ளதால், வெறும் 28 நிமிடங்களில் 50% சார்ஜ் ஏறிவிடும்.

Image Credit : X- @prabhu_ram

கேமரா எப்படி?

புகைப்பட பிரியர்களுக்காகப் பின்புறம் 50MP AI டூயல் கேமரா கொடுக்கப்பட்டுள்ளது. இது தெளிவான மற்றும் வண்ணமயமான படங்களை எடுக்கும் திறன் கொண்டது. முன்புறம் செல்ஃபி மற்றும் வீடியோ கால்களுக்காக 8MP கேமரா வழங்கப்பட்டுள்ளது.

Image Credit : Redmi India | X

விலை என்னவாக இருக்கும்?

நிறுவனம் இன்னும் அதிகாரப்பூர்வ விலையை அறிவிக்கவில்லை என்றாலும், இது ரூ.10,000 முதல் ரூ.12,000 பட்ஜெட்டில் இருக்கும் எனக் கூறப்படுகிறது. லீக் ஆன தகவல்களின்படி:

• 4GB RAM + 128GB மாடல்: ரூ.12,499

• 6GB RAM + 128GB மாடல்: ரூ.13,999

• 8GB RAM + 128GB மாடல்: ரூ.14,999

விலை சற்று அதிகமாகத் தெரிந்தாலும், இதில் உள்ள அம்சங்களுக்கு இது சரியான டீல் தான் என்கிறார்கள் டெக் வல்லுநர்கள்.

Redmi Note 15 சீரிஸ் அப்டேட்

இதற்கிடையில், டிசம்பர் 2025-ல் Redmi Note 15 சீரிஸ் போன்களும் இந்தியாவில் அறிமுகமாகும் எனத் தகவல்கள் வெளியாகியுள்ளன. இது கடந்த ஆண்டு வெளியான Note 14 சீரிஸின் அடுத்த கட்டப் பாய்ச்சலாக இருக்கும்.