15,000 ரூபாய் ரேஞ்சில் இப்படியொரு போனா? 7000mAh பேட்டரியுடன் ரியல்மி செய்யும் மேஜிக்!
Realme P4x 5G டிசம்பர் 4 அன்று அறிமுகமாகும் Realme P4x 5G போனின் விலை விவரங்கள் லீக் ஆனது. ரூ.15,999 விலையில் 7000mAh பேட்டரி, Dimensity 7400 சிப்செட் என அசத்தலான அம்சங்கள். முழு விவரம்.
Realme P4x 5G டிசம்பர் 4-ல் வரும் Realme P4x 5G: 7000mAh பேட்டரி, 144Hz டிஸ்ப்ளே... விலை இவ்ளோ கம்மியா?
ஸ்மார்ட்போன் சந்தையில் பட்ஜெட் விலையில் பிரீமியம் அம்சங்களை வழங்குவதில் ரியல்மி (Realme) எப்போதும் கெட்டிக்காரர். அந்த வரிசையில், வரும் டிசம்பர் 4-ஆம் தேதி இந்தியாவில் அறிமுகமாகவுள்ள Realme P4x 5G பற்றிய முக்கியத் தகவல்கள் மற்றும் விலை விவரங்கள் இணையத்தில் லீக் ஆகியுள்ளன.
எதிர்பார்க்கப்படும் விலை (Leaked Price Details)
பிரபல டிப்ஸ்டரான அபிஷேக் யாதவ் வெளியிட்டுள்ள தகவலின்படி, இந்த போன் சாமானியர்களின் பாக்கெட்டுக்கு ஏற்ற விலையில் வரப்போகிறது.
• 6GB RAM + 128GB: ரூ.15,999 (எதிர்பார்க்கப்படும் விலை)
• 8GB RAM + 128GB: ரூ.17,499
• 8GB RAM + 256GB: ரூ.19,499
மிரட்டலான பேட்டரி (7000mAh Massive Battery)
இந்த போனின் மிகப்பெரிய பிளஸ் பாயிண்ட்டே அதன் பேட்டரிதான். இதில் 7,000mAh மெகா பேட்டரி வழங்கப்பட்டுள்ளது. கூடவே 45W ஃபாஸ்ட் சார்ஜிங் வசதியும் உள்ளது. "சார்ஜ் தீர்ந்துவிடுமோ" என்ற கவலையே இனி கேமர்களுக்கும், பயணிகளுக்கும் இருக்காது.
டிஸ்ப்ளே மற்றும் ப்ராசஸர் (Display & Performance)
• டிஸ்ப்ளே: 6.72 இன்ச் Full HD+ டிஸ்ப்ளேவுடன் வருகிறது. இதில் 144Hz ரெஃப்ரெஷ் ரேட் (Refresh Rate) இருப்பதால், ஸ்க்ரோலிங் மற்றும் கேமிங் அனுபவம் வெண்ணெய் போல ஸ்மூத்-ஆக இருக்கும்.
• சிப்செட்: சக்திவாய்ந்த MediaTek Dimensity 7400 Ultra 5G சிப்செட் இதில் பொருத்தப்பட்டுள்ளது.
கேமரா மற்றும் பிற அம்சங்கள் (Camera & Features)
புகைப்பட பிரியர்களுக்காகப் பின்புறம் 50MP AI முதன்மை கேமரா மற்றும் 2MP இரண்டாம் நிலை கேமரா உள்ளது. செல்ஃபிக்காக 8MP கேமரா முன்புறம் வழங்கப்பட்டுள்ளது. கேமிங்கின் போது போன் சூடாவதைத் தடுக்க 5,300 sq mm பரப்பளவு கொண்ட Vapour Chamber கூலிங் சிஸ்டம் இருப்பது கூடுதல் சிறப்பு.
கூடுதல் தகவல்
இந்த போனுடன் சேர்ந்து Realme Watch 5 ஸ்மார்ட் வாட்ச்சும் டிசம்பர் 4 அன்று அறிமுகமாகிறது. பச்சை, பிங்க் மற்றும் வெள்ளை ஆகிய நிறங்களில் Realme P4x 5G கிடைக்கும் எனத் தெரிகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
