இனி சொன்னால் போதும்.. பணம் டக்குன்னு அனுப்பலாம்.. போன்பே-வின் புதிய ஏஐ அசத்தல்
போன்பே நிறுவனம், குரல் மற்றும் எழுத்து கட்டளைகள் மூலம் செயல்படும் புதிய ஏஐ தேடல் வசதியை அறிமுகப்படுத்தியுள்ளது. மைக்ரோசாப்ட் உதவியுடன் உருவாக்கப்பட்ட இந்த அம்சம் பணம் அனுப்புதல், பில் கட்டுதல் போன்ற பணிகளை எளிதாக முடிக்க உதவுகிறது.
போன்பே ஏஅப்டேட்
டிஜிட்டல் பணப்பரிவர்த்தனை உலகில் புதிய மாற்றத்தை ஏற்படுத்தும் வகையில் போன்பே நிறுவனம் குரல் மற்றும் எழுத்து கட்டளைகளைப் பயன்படுத்துகிறது. நுண்ணறிவு அடிப்படையிலான புதிய தேடல் வசதியை அறிமுகப்படுத்தியுள்ளது. இந்த அம்சம் மூலம் பயனர்கள் செயலியில் வழக்கமான மெனுக்களைத் தேடி செல்லாமல், நேரடியாக தங்கள் தேவையை கூறி பணிகளை முடிக்கலாம். இந்தியாவில் வேகமாக வளர்ந்து வரும் ஏஐ சூழலை பயன்படுத்தி இந்த புதுமை உருவாக்கப்பட்டுள்ளது.
யுபிஐ குரல் கட்டணம்
மைக்ரோசாப்ட் ஃபவுண்டரி தளத்தின் உதவியுடன் உருவாக்கப்பட்ட இந்த வசதி, பயனர்களின் நோக்கத்தைப் புரிந்து செயல்படும் வகையில் உள்ளது. “ஹேமந்துக்கு 20 ரூபாய் அனுப்பு” அல்லது “FASTag ரீசார்ஜ் செய்” கட்டளைகளை கூறினாலே, அதற்கான கட்டணப் பக்கம் தானாக திறக்கும். இது சாதாரண தேடலை விட புத்திசாலித்தனமாக, பணம் அனுப்புதல், பில் கட்டுதல் அல்லது உதவி கேட்பது போன்ற தேவைகளை விரைவாக நிறைவேற்றவும் உதவுகிறது.
தகவல்கள் பாதுகாப்பாக சேமிக்கப்படும்
இந்த புதிய ஏஐ வசதி சாதனத்தில் உள்ள செயலாக்கமும், கிளவுட் அடிப்படையிலான செயலாக்கமும் இணைந்த ஹைப்ரிட் மாடலை பயன்படுத்துகிறது. பயனர்களின் தனிப்பட்ட மற்றும் பரிவர்த்தனை தகவல்கள் பாதுகாப்பாக சேமிக்கப்படுவதாக நிறுவனம் தெரிவித்துள்ளது.
பணம் அனுப்பும் செயலி
மைக்ரோசாப்ட் இந்தியா மற்றும் தென் ஆசியாவின் தலைவர் புனீத் சந்தோக், இந்த திட்டம் கோடிக்கணக்கான பயனர்களுக்கு பாதுகாப்பான மற்றும் விரிவாக்கக்கூடிய டிஜிட்டல் கட்டண தீர்வை வழங்க உதவுகிறது என தெரிவித்துள்ளார். தற்போது இந்த அம்சம் இந்தியா முழுவதும் கட்டப்படியான முறையில் அறிமுகப்படுத்தப்பட்டு வருகிறது. போன்பே செயலியில் உள்ள சர்ச், உதவி மையம் மற்றும் ஹிஸ்டரி வழியாக இதைப் பயன்படுத்தலாம்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
