இரட்டை 200MP கேமராவா? ஓப்போ ஃபைண்ட் X9 அல்ட்ரா அதிரடி!
அறிமுகத்திற்கு முன்பே ஓப்போ Find X9 Ultra ஸ்மார்ட்போனின் முக்கிய அம்சங்கள் கசிந்துள்ளன. இந்த போனில் இரட்டை 200MP கேமராக்கள், சக்திவாய்ந்த ஸ்னாப்டிராகன் 8 எலைட் ஜென் 5 சிப்செட் இடம்பெறும் என எதிர்பார்க்கப்படுகிறது.
ஓப்போ ஃபைண்ட் X9 அல்ட்ரா
அறிமுகத்திற்கு முன்பே ஓப்போ ஃபைண்ட் X9 அல்ட்ரா (Oppo Find X9 Ultra) ஸ்மார்ட்போன் குறித்த முக்கிய அம்சங்கள் இணையத்தில் கசிந்துள்ளன. இந்த போனின் மிகப் பெரிய ஹைலைட்டாக இரட்டை 200 மெகாபிக்சல் கேமரா அமைப்பு பேசப்படுகிறது. பிரதான கேமராவுடன் சேர்த்து, பெரிஸ்கோப் டெலிஃபோட்டோ லென்ஸிலும் 200MP சென்சார் வழங்கப்பட உள்ளதாக தகவல்கள் கூறுகின்றன. இதனால், கேமரா தரத்தில் புதிய அளவுகோலை இந்த மாடல் அமைக்கும் என எதிர்பார்க்கப்படுகிறது.
கசிந்த தகவல்களின்படி, ஓப்போ ஃபைண்ட் X9 அல்ட்ரா குவாட் ரியர் கேமரா செட்டப்புடன் அறிமுகமாகலாம். இதில் 200MP பிரைமரி கேமரா, 200MP பெரிஸ்கோப் டெலிஃபோட்டோ கேமரா, மேலும் ஒரு 10x ஜூம் திறன் கொண்ட அல்ட்ரா-டெலிஃபோட்டோ லென்ஸ் வாய்ப்பு உள்ளது. இத்துடன், 50MP அல்ட்ரா-வைட் ஆங்கிள் லென்ஸும் சேர்க்கப்படலாம். இந்த பல்வேறு லென்ஸ்கள் இணைவதால், நீண்ட தூர ஜூம் முதல் அகலமான காட்சி வரை உயர்தர புகைப்பட அனுபவம் கிடைக்கும் என்று தெரிகிறது.
ஓப்போ ஃபைண்ட் X9 அல்ட்ரா அம்சங்கள்
செல்ஃபி மற்றும் வீடியோ அழைப்புகளுக்காகவும் ஓப்போ கவனம் செலுத்தியுள்ளது. முன்பக்கத்தில் 50 மெகாபிக்சல் கேமரா வழங்கப்படலாம் என்ற தகவல்கள் வெளியாகியுள்ளன. இது உயர்தர செல்ஃபி, வீடியோ கால் மற்றும் கண்டென்ட் கிரியேஷனுக்கு ஏற்றதாக இருக்கும். இதனால், புகைப்படம் மற்றும் வீடியோ விரும்பும் பயனர்கள் இந்த போன் எளிதில் கவரும் என எதிர்பார்க்கப்படுகிறது.
டிஸ்ப்ளே மற்றும் செயல்திறன் அம்சங்களைப் பார்க்கும்போது, இந்த போன் 6.8 இன்ச் 2K LTPO OLED திரையுடன் வரலாம். சக்திவாய்ந்த ஸ்னாப்டிராகன் 8 எலைட் ஜென் 5 சிப்செட் இதில் பயன்படுத்தப்படும் என கூறப்படுகிறது. மேலும், 7,000 mAh-க்கும் அதிக திறன் கொண்ட பெரிய பேட்டரியும் இதில் இடம்பெறும் என வதந்திகள் தெரிவிக்கின்றன. 2026ஆம் ஆண்டின் தொடக்கத்தில் அதிகாரப்பூர்வ அறிமுகம் நடந்த பிறகே, இதன் முழு விவரங்கள் உறுதி செய்யப்படும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
