சாட்ஜிபிடியில் புதிய மேஜிக்: கற்பனைக்கு எட்டாத வசதிகளுடன் வெளியானது OpenAI-இன் GPT-5.4!

OpenAI ஓபன்ஏஐ நிறுவனம் தனது மிகவும் துல்லியமான மற்றும் வேகமான GPT-5.4 ஏஐ மாடலை அறிமுகப்படுத்தியுள்ளது. இதன் மிரட்டலான சிறப்பம்சங்களை இங்கே அறியவும்.OpenAI-இன் GPT-5.4!

Image Credit : Gemini

OpenAI ஓபன்ஏஐ நிறுவனத்தின் மாஸ்டர்ஸ்ட்ரோக்

செயற்கை நுண்ணறிவு (AI) தொழில்நுட்ப உலகில் தினமும் ஒரு புதிய மாயம் நிகழ்ந்து கொண்டே இருக்கிறது. அந்த வகையில், ஏஐ துறையின் ஜாம்பவானான ஓபன்ஏஐ (OpenAI) நிறுவனம் தனது மிகவும் மேம்பட்ட மற்றும் அதிவேக ஏஐ மாடலான GPT-5.4-ஐ தற்போது அதிகாரப்பூர்வமாக அறிமுகப்படுத்தியுள்ளது. 'GPT-5.4 Thinking' மற்றும் 'GPT-5.4 Pro' என இரண்டு வெர்ஷன்களில் வெளியாகியுள்ள இந்த மாடல், இதுவரை வெளியான மாடல்களிலேயே மிகவும் துல்லியமானது மற்றும் திறன் வாய்ந்தது (Most factual and efficient model) என ஓபன்ஏஐ நிறுவனம் பெருமையுடன் அறிவித்துள்ளது.

Image Credit : X

மனிதர்களை மிஞ்சும் 'GPT-5.4' ஏஐ மாடல் அறிமுகம்!

சாட்ஜிபிடி-யில் (ChatGPT) இதுவரை நாம் பார்த்த ஏஐ மாடல்களை விட இந்த புதிய அப்டேட் பல மடங்கு மேம்படுத்தப்பட்டுள்ளது. குறிப்பாக, அலுவலக வேலைகள், கோடிங் (Coding) மற்றும் சிக்கலான பிரச்சனைகளைத் தீர்ப்பதில் மனிதர்களை மிஞ்சும் அளவிலான திறனை இந்த மாடல் வெளிப்படுத்தியுள்ளது. சரி, இந்த புதிய GPT-5.4 மாடலில் அப்படி என்னென்ன சிறப்பம்சங்கள் உள்ளன என்பதை விரிவாகப் பார்ப்போம்.

Image Credit : Gemini

முந்தைய மாடல்களை விட இதில் என்ன ஸ்பெஷல்?

இதுவரை நாம் பார்த்த ஏஐ மாடல்கள் ஒன்று கோடிங் எழுதுவதில் சிறப்பாக இருக்கும் அல்லது கேள்விகளுக்குப் பதிலளிப்பதில் கில்லாடியாக இருக்கும். ஆனால், முதல்முறையாக ரீசனிங் (Reasoning), கோடிங் மற்றும் நேரடியாக கம்ப்யூட்டரை இயக்கும் திறன் (Native computer use) என மூன்றையும் ஒரே மாடலில் இணைத்து GPT-5.4-ஐ உருவாக்கியுள்ளது ஓபன்ஏஐ. இதன் மூலம், ஏஐ-ஆல் திரையில் உள்ள தகவல்களைப் படித்து, தானாகவே மவுஸ் மற்றும் கீபோர்டை இயக்கி கம்ப்யூட்டரில் வேலை செய்ய முடியும்.

Image Credit : Gemini AI

கான்டெக்ஸ்ட் விண்டோ

முந்தைய வெர்ஷனான GPT-5.2-ஐ விட இது மிகவும் வேகமாகவும் குறைவான டோக்கன்களைப் பயன்படுத்தியும் இயங்குகிறது. API-ல் அறிமுகப்படுத்தப்பட்டுள்ள புதிய 'Tool Search' சிஸ்டம் மூலமாக, இது 47% குறைவான டோக்கன்களைப் பயன்படுத்துகிறது. மேலும், இது 1 மில்லியன் டோக்கன் கான்டெக்ஸ்ட் விண்டோவை (Context window) சப்போர்ட் செய்வதால், ஒரே நேரத்தில் பல நூறு பக்கங்களைக் கொண்ட ஆவணங்களை எளிதாகப் படித்துப் புரிந்துகொள்ளும் திறன் கொண்டுள்ளது.

Image Credit : Google

மனிதர்களை மிஞ்சும் வேகம் மற்றும் துல்லியம்!

இந்த மாடல் எந்த அளவுக்குத் திறமையானது என்பதை நிரூபிக்க, ஓபன்ஏஐ நிறுவனம் 44 வெவ்வேறு தொழில்முறை சார்ந்த 'GDPval' என்ற கடினமான தேர்வை நடத்தியது. இதில், முந்தைய மாடல் 70.9% மதிப்பெண்களை மட்டுமே பெற்ற நிலையில், புதிய GPT-5.4 மாடல் 83.0% மதிப்பெண்களைப் பெற்று அசத்தியுள்ளது. இது பல துறைகளில் உள்ள மனித நிபுணர்களை விட அதிகத் திறன் வாய்ந்தது என்பதை நிரூபித்துள்ளது.

துல்லியத்தைப் பொறுத்தவரை (Factuality), முந்தைய மாடல்களை விட இதில் தவறான தகவல்கள் (Hallucinations) வருவது பெருமளவு குறைக்கப்பட்டுள்ளது. குறிப்பாக, தவறான தகவல்களை வழங்குவதற்கான வாய்ப்பு 33% குறைந்துள்ளது மற்றும் ஒட்டுமொத்தப் பதில்களில் பிழைகள் இருப்பதற்கான வாய்ப்பு 18% குறைக்கப்பட்டுள்ளது. மேலும், 10.24 மில்லியன் பிக்சல்கள் வரையிலான புகைப்படங்களையும் மிகத் துல்லியமாகப் பகுப்பாய்வு செய்யும் திறனையும் இது பெற்றுள்ளது.

Image Credit : Getty

நடுவிலும் பேசலாம்...

இந்த புதிய மாடலில் பயனர்களை அதிகம் கவரும் ஒரு முக்கிய அம்சம் 'Mid-response steering'. அதாவது, இதுவரை நாம் ஒரு கேள்வியைக் கேட்டுவிட்டால், ஏஐ முழுமையாகப் பதிலளித்து முடிக்கும் வரை காத்திருக்க வேண்டும். ஆனால் இப்போது, ஏஐ பதிலளித்துக் கொண்டிருக்கும்போதே (Thinking process), அதை பாதியில் நிறுத்தி, புதிய கட்டளைகளை வழங்கவோ அல்லது அதன் திசையை மாற்றவோ முடியும். இது பயனர்களின் நேரத்தை மிச்சப்படுத்துவதோடு, துல்லியமான பதில்களைப் பெற உதவுகிறது.

Image Credit : Gemini

திருத்தங்கள் சொல்லலாம்!

சாதாரண வேலைகளுக்கு 'GPT-5.4 Thinking' மாடலும், மிகவும் சிக்கலான தொழில்முறை மற்றும் நிறுவன அளவிலான (Enterprise) பயன்பாடுகளுக்கு 'GPT-5.4 Pro' மாடலும் வடிவமைக்கப்பட்டுள்ளது. தற்போது இந்த வசதி ChatGPT Plus, Team மற்றும் Pro பயனர்களுக்குக் கிடைக்கிறது. ஏஐ தொழில்நுட்பத்தின் அடுத்த மாபெரும் பாய்ச்சலாகப் பார்க்கப்படும் இந்த GPT-5.4, வருங்காலத்தில் ஒயிட்-காலர் வேலைகளில் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது.