Moto Pad 70: 10,200mAh பேட்டரி, 2.5K டிஸ்ப்ளே, 256GB ஸ்டோரேஜ்.. மோட்டோ பேட் 70-ல் இத்தனை வசதிகளா?

Moto Pad 70: மோட்டோரோலா நிறுவனம் இந்தியாவில் தனது புதிய மோட்டோ பேட் 70 ஆண்ட்ராய்டு டேப்லெட்டை அறிமுகப்படுத்தியுள்ளது. இது 12.1-இன்ச் 2.5K திரை, 10,200 mAh பேட்டரி, மற்றும் 68W வேகமான சார்ஜிங் போன்ற முக்கிய அம்சங்களைக் கொண்டுள்ளது.

Image Credit : Motorola

மோட்டோ பேட் 70

மோட்டோரோலா நிறுவனம் இந்தியாவில் தனது புதிய ஆண்ட்ராய்டு டேப்லெட்டான மோட்டோ பேட் 70-ஐ அறிமுகப்படுத்தியுள்ளது. இரண்டு சேமிப்பு வகைகளில் வெளியாகியுள்ள இந்த டேப்லெட்டின் 8 ஜிபி ஸ்டோரேஜ் மற்றும் 128 ஜிபி சேமிப்பு கொண்ட அடிப்படை மாடலின் விலை ரூ.33,999 ஆக நிர்ணயிக்கப்பட்டுள்ளது. 8 ஜிபி ஸ்டோரேஜ் மற்றும் 256 ஜிபி சேமிப்பு கொண்ட உயர்நிலை மாடலின் விலை ரூ.36,999. ஆகஸ்ட் 15 முதல் பிளிப்கார்ட் மற்றும் மோட்டோரோலா இந்தியா இணையதளம் வழியாக விற்பனை தொடங்குகிறது. பாண்டன் சீ ஈஞ்சல் என்ற நிறத்தில் இந்த டேப்லெட்டில் கூடுதல் சேமிப்புக்காக 2 டிபி வரையிலான மெமரி கார்டை பயன்படுத்தும் வசதி உள்ளது.

Image Credit : Motorola

மோட்டோ பேட் 70 வசதிகள்

மோட்டோ பேட் 70-ன் முக்கிய கவனம் அதன் பெரிய மற்றும் உயர்தர திரையில் உள்ளது. இதில் 12.1 அங்குல அளவிலான 2.5கே ஐபிஎஸ் தொடுதிரை வழங்கப்பட்டுள்ளது. வழக்கமான பயன்பாட்டில் 600 நிட்ஸ் பிரகாசமும், அதிக பிரகாச நிலை முறையில் 800 நிட்ஸ் வரையிலும் கிடைக்கிறது. கண் சோர்வைக் குறைக்கும் வகையில் ஒளித்துடிப்பு இல்லாத தொழில்நுட்பம் மற்றும் குறைந்த நீல ஒளி வசதிக்கான சான்றிதழும் வழங்கப்பட்டுள்ளது. பேட்டரி மற்றும் ஒலி வசதிகளிலும் மோட்டோ பேட் 70 கவனம் பெறுகிறது. இதில் 10,200 எம்ஏஹெச் திறன் கொண்ட பெரிய பேட்டரி இடம்பெற்றுள்ளதுடன், 68 வாட் வசதியும் வழங்கப்பட்டுள்ளது. ஒலிக்காக டால்பி அட்மாஸ் ஆதரவுடன் நான்கு ஸ்பீக்கர்கள் கொடுக்கப்பட்டுள்ளன.

Image Credit : Motorola

கேமரா அம்சங்கள்

புகைப்படம் மற்றும் காணொளி அழைப்புகளுக்காக 13 மெகாபிக்சல் பின்புற கேமராவும், 8 மெகாபிக்சல் முன்புற கேமராவும் உள்ளன. செயற்கை நுண்ணறிவு வசதிகளில் சுற்றி தேடுதல், செயற்கை நுண்ணறிவு சுருக்கம், எழுதுவதைத் தொடர உதவும் வசதி உள்ளிட்ட அம்சங்களும், ஜெமினி ஒருங்கிணைப்பும் இடம்பெற்றுள்ளன. வேலை மற்றும் படிப்பு சார்ந்த பயன்பாட்டை அதிகரிக்கும் வகையில் மோட்டோ பென் மற்றும் மோட்டோ கீபோர்டையும் மோட்டோரோலா வழங்குகிறது. இதனால் குறிப்பெடுத்தல், வரைவது மற்றும் எழுதுவது போன்ற பணிகளுக்கு இது பயன்படும். இணைப்பு வசதிகளில் 5ஜி, வைஃபை 5, புளூடூத் 5.2, யூஎஸ்பி டைப்-சி மற்றும் இணைப்பு முனை ஆகியவை இடம்பெற்றுள்ளன.

Image Credit : Motorola

புதிய மோட்டோரோலா டேப்லெட்

சுமார் 530 கிராம் எடை கொண்ட இந்த டேப்லெட்டுக்கு ஐபி52 பாதுகாப்புத் தரமும் வழங்கப்பட்டுள்ளது. மொத்தத்தில், ரூ.33,999 தொடக்க விலையில் 2.5கே திரை, 90 ஹெர்ட்ஸ் புதுப்பிப்பு வீதம், 10,200 எம்ஏஹெச் பேட்டரி, 68 வாட் வேகமான மின்னூட்டம் மற்றும் நான்கு ஒலிபெருக்கிகள் என மோட்டோ பேட் 70 பல முக்கிய அம்சங்கள் உள்ளன. குறிப்பாக மோட்டோ பென் மற்றும் ஃபோலியோ கீபோர்டு தொகுப்பிலேயே வழங்கப்படுவது, குறிப்பெடுத்தல் மற்றும் வேலை சார்ந்த பயன்பாடு எதிர்பார்ப்பவர்களுக்கு கூடுதல் மதிப்பை வழங்குகிறது.

Image Credit : Motorola

ஆகஸ்ட் 15 முதல் விற்பனை

ஆண்ட்ராய்டு 16 இயங்குதளத்துடன் வெளியாகும் இந்த டேப்லெட்டுக்கு ஆண்ட்ராய்டு 18 வரை இயங்குதளப் புதுப்பிப்புகளும், 2030 வரை பாதுகாப்புப் அப்டேட்களும் வழங்கப்படும் என நிறுவனம் தெரிவித்துள்ளது. ஆகஸ்ட் 15 முதல் விற்பனை தொடங்குவதால், இந்த விலையில் புதிய ஆண்ட்ராய்டு டேப்லெட்டை தேடுபவர்களுக்கு மோட்டோ பேட் 70 கவனிக்கத்தக்க தேர்வாக உள்ளது.