டிஸ்பிளே, பேட்டரி, கேமரா... எல்லாமே வேற லெவல்! அதிரடி சலுகைகளுடன் இந்தியாவை கலக்கும் Motorola Edge 70 Fusion!

Motorola Edge 70 Fusion 7000mAh பேட்டரி, 144Hz அமோலெட் டிஸ்பிளே மற்றும் 50MP சோனி கேமராவுடன் Motorola Edge 70 Fusion இந்தியாவில் அறிமுகம். முழு விவரங்கள் உள்ளே.

Image Credit : Gemini

Motorola Edge 70 Fusion

இந்திய ஸ்மார்ட்போன் சந்தையில் தொடர்ந்து பல அசத்தலான மொபைல்களை களமிறக்கி வரும் மோட்டோரோலா (Motorola) நிறுவனம், தற்போது தனது புதிய 'Motorola Edge 70 Fusion' ஸ்மார்ட்போனை அதிகாரப்பூர்வமாக அறிமுகப்படுத்தியுள்ளது. மிட்-ரேஞ்ச் பிரிவில் வாடிக்கையாளர்களை கவரும் வகையில் பல அட்டகாசமான அம்சங்களுடன் இந்த போன் வெளிவந்துள்ளது.

குறிப்பாக, மிரட்டலான கேமரா, நீண்ட நேரம் உழைக்கக்கூடிய 7,000mAh மெகா பேட்டரி மற்றும் ஸ்மூத்தான 144Hz டிஸ்பிளே என பிரீமியம் போன்களுக்கு நிகரான பல அம்சங்கள் இதில் இடம்பெற்றுள்ளன. இந்த போனின் முழுமையான சிறப்பம்சங்கள் மற்றும் விலை குறித்த விவரங்களை இங்கே விரிவாகப் பார்ப்போம்.

Image Credit : Motorola

மிரட்டலான டிஸ்பிளே மற்றும் பவர்ஃபுல் சிப்செட்

புதிய Motorola Edge 70 Fusion ஸ்மார்ட்போனில் 6.78 இன்ச் அளவிலான 1.5K AMOLED டிஸ்பிளே வழங்கப்பட்டுள்ளது. இது 144Hz ரெஃப்ரெஷ் ரேட், HDR10+ சப்போர்ட் மற்றும் 5,200 நிட்ஸ் (nits) பீக் பிரைட்னஸ் கொண்டது. இதனால் கேமிங் மற்றும் வீடியோ பார்க்கும் அனுபவம் வேற லெவலில் இருக்கும். டிஸ்பிளே பாதுகாப்பிற்காக கார்னிங் கொரில்லா கிளாஸ் 7i (Corning Gorilla Glass 7i) பாதுகாப்பும் கொடுக்கப்பட்டுள்ளது.

செயல்திறனைப் பொறுத்தவரை, இதில் அதிவேகமான 'Qualcomm Snapdragon 7s Gen 4' சிப்செட் பயன்படுத்தப்பட்டுள்ளது. இது 12GB வரையிலான ரேம் மற்றும் 256GB இன்டெர்னல் ஸ்டோரேஜ் உடன் வருகிறது. மேலும், இது Android 16-ஐ அடிப்படையாகக் கொண்ட 'Hello UI' இயங்குதளத்தில் செயல்படுகிறது. இந்த போனுக்கு 3 வருட OS அப்டேட்கள் மற்றும் 5 வருட செக்யூரிட்டி அப்டேட்கள் வழங்கப்படும் என மோட்டோரோலா உறுதியளித்துள்ளது.

Image Credit : Gemini

அசத்தலான கேமரா மற்றும் 7000mAh பேட்டரி

கேமராவை பொறுத்தவரை, இதில் OIS (Optical Image Stabilisation) சப்போர்ட் கொண்ட 50-மெகாபிக்சல் Sony LYT-710 பிரைமரி சென்சார் மற்றும் 13-மெகாபிக்சல் அல்ட்ரா-வைடு கேமரா என டூயல் ரியர் கேமரா அமைப்பு (Dual rear camera) வழங்கப்பட்டுள்ளது. செல்ஃபிகள் மற்றும் வீடியோ கால்களுக்காக முன்பக்கத்தில் 32-மெகாபிக்சல் கேமரா இடம்பெற்றுள்ளது. இதன் மூலம் 4K ரெசல்யூஷனில் வீடியோக்களை ரெக்கார்ட் செய்ய முடியும்.

இந்த போனின் மிக முக்கிய சிறப்பம்சமே இதிலுள்ள 7,000mAh அளவிலான பிரம்மாண்டமான பேட்டரி தான். இதனை வேகமாக சார்ஜ் செய்ய 68W டர்போபவர் (TurboPower) ஃபாஸ்ட் சார்ஜிங் சப்போர்ட் வழங்கப்பட்டுள்ளது. இதுதவிர, IP68 மற்றும் IP69 வாட்டர் மற்றும் டஸ்ட் ரெசிஸ்டன்ஸ் (Dust and water resistance) ரேட்டிங் மற்றும் மிலிட்டரி-கிரேடு (MIL-STD-810H) உறுதித்தன்மை சான்றிதழும் இந்த போனுக்கு வழங்கப்பட்டுள்ளது.

Image Credit : Asianet News

விலை மற்றும் விற்பனை விவரங்கள்!

Motorola Edge 70 Fusion ஸ்மார்ட்போன் Pantone Blue Surf, Pantone Country Air, மற்றும் Pantone Silhouette ஆகிய மூன்று கவர்ச்சிகரமான நிறங்களில் கிடைக்கிறது. இதன் 8GB RAM + 128GB ஸ்டோரேஜ் மாடலின் விலை ரூ.26,999 ஆகவும், 8GB + 256GB மாடலின் விலை ரூ.29,999 ஆகவும், டாப்-எண்ட் 12GB + 256GB மாடலின் விலை ரூ.32,999 ஆகவும் நிர்ணயம் செய்யப்பட்டுள்ளது.

மேலும், HDFC மற்றும் Axis Bank கிரெடிட் கார்டுகளை பயன்படுத்தி வாங்குபவர்களுக்கு ரூ.2,000 இன்ஸ்டன்ட் தள்ளுபடி அல்லது பழைய போன்களை எக்ஸ்சேஞ்ச் செய்பவர்களுக்கு ரூ.2,000 போனஸ் வழங்கப்படுகிறது. இதன் மூலம் பேஸ் வேரியண்டின் விலையை ரூ.24,999-க்கு பெற முடியும். இந்த போனின் விற்பனை மார்ச் 12-ஆம் தேதி மதியம் 12 மணிக்கு Flipkart, மோட்டோரோலா இணையதளம் மற்றும் ரீடைல் ஸ்டோர்களில் தொடங்குகிறது.