போடு.!! மாதம் ரூ.2.7 லட்சம் வருமானம்.. ஃபேஸ்புக் அறிவித்த புதிய திட்டம்.!

மெட்டா நிறுவனம் 'கிரியேட்டர் ஃபாஸ்ட் டிராக்' என்ற புதிய திட்டத்தை அறிமுகப்படுத்தியுள்ளது, இது மற்ற தளங்களில் உள்ள கிரியேட்டர்களை ஃபேஸ்புக்கிற்கு ஈர்க்கும் நோக்கம் கொண்டது. மாதம் ரூ.2.7 லட்சம் வரை சம்பாதிக்கலாம்.

Image Credit : Google

ஃபேஸ்புக் மூலம் வருமானம்

கலிஃபோர்னியாவில் தலைமையகம் கொண்ட மெட்டா நிறுவனம், ஃபேஸ்புக்கில் அதிகமான கன்டென்ட் கிரியேட்டர்களை ஈர்க்கும் புதிய திட்டத்தை அறிமுகப்படுத்தியுள்ளது. இன்ஸ்டாகிராம், டிக்டாக், யூடியூப் போன்ற தளங்களில் ஆக்டிவாக உள்ளவர்கள், ஃபேஸ்புக்கில் உள்ளடக்கம் பகிர்ந்தால் நல்ல வருமானம் பெறலாம் என நிறுவனர் மார்க் சக்கர்பெர்க் தெரிவித்துள்ளார். இந்த முயற்சி, கிரியேட்டர்களை மீண்டும் ஃபேஸ்புக்கிற்கு திரும்பச் செய்வதே முக்கிய நோக்கமாக உள்ளது. இந்த புதிய திட்டம் ‘கிரியேட்டர் ஃபாஸ்ட் டிராக்’ என அறியப்படுகிறது.

Image Credit : Asianet News

மாதம் 3,000 டாலர்

இதில் சேர்வதற்கு, மற்ற சமூக வலைத்தளங்களில் குறைந்தது 20,000 பின்தொடர்பவர்கள் இருக்க வேண்டும். தகுதி பெற்றவர்களுக்கு ஆரம்பமாக 100 டாலர் (சுமார் ரூ.9,000) வரை வழங்கப்படும். இதன் மூலம் சிறிய அளவிலான கிரியேட்டர்களும் வருமானம் பெறும் வாய்ப்பு பெறுகின்றனர். பின்தொடர்பவர்களின் எண்ணிக்கைக்கு ஏற்ப வருமானமும் அதிகரிக்கும். ஒரு லட்சம் பின்தொடர்பவர்கள் உள்ளவர்களுக்கு மாதம் சுமார் 1,000 டாலர் (ரூ.90,000க்கும் மேல்) கிடைக்கும். மேலும், 10 லட்சம் அல்லது அதற்கு மேற்பட்ட பின்தொடர்பவர்கள் இருந்தால் மாதம் 3,000 டாலர் (ரூ.2.7 லட்சம் வரை) சம்பாதிக்க முடியும். ஆனால், இந்த வருமானத்தைப் பெற தொடர்ந்து செயல்பாடு அவசியம்.

Image Credit : Getty

கிரியேட்டர்களுக்கு அதிக ரீச்

30 நாட்களில் குறைந்தது 15 ஒரிஜினல் ரீல்கள், 10 நாட்களாவது இடைவெளியில் பதிவிட வேண்டும் என்ற நிபந்தனை உள்ளது. இந்த ஊக்கத் தொகை மூன்று மாதங்கள் மட்டுமே வழங்கப்படும். அதன் பிறகு, ஃபேஸ்புக்கின் பிற வருமான திட்டங்களில் சேர வாய்ப்பு இருக்கும். மேலும், ‘குவாலிஃபைடு வியூஸ்’ என்ற புதிய அளவீட்டின் மூலம், உண்மையான பார்வைகள் அடிப்படையில் வருமானம் கணக்கிடப்படும். கிரியேட்டர்களுக்கு அதிக ரீச் கிடைக்க மெட்டா உதவுவதாக நிறுவனம் தெரிவித்துள்ளது.