Budget AI Laptops: 16GB RAM + கோர் அல்ட்ரா பிராசஸர்... அமேசான் கிரேட் இந்தியன் ஃபெஸ்டிவல் சேலில் மிஸ் பண்ணக்கூடாத டாப் 5 ஏ.ஐ லேப்டாப்கள்!

அமேசான் கிரேட் இந்தியன் ஃபெஸ்டிவல் 2026 சேலில் ரூ.56,490 தொடக்க விலையில் டெல், ஹெச்பி, ஆசஸ் நிறுவனங்களின் டாப் 5 மலிவு விலை ஏ.ஐ லேப்டாப் சலுகைகள், முழு விபரம் பற்றி பார்ப்போம்.

Image Credit : x

அமேசான் கிரேட் இந்தியன் ஃபெஸ்டிவல் 2026

அமேசான் பண்டிகைக் கால சிறப்பு விற்பனையில் (Amazon Great Indian Festival Sale 2026) புதிய லேப்டாப் வாங்க திட்டமிட்டு இருந்தால், பயனர்களின் பல்வேறு தேவைகளுக்கு ஏற்ப செயல்திறன், சேமிப்பகம், டிஸ்பிளே, பிரத்யேக செயற்கை நுண்ணறிவு (AI) அம்சங்களைக் கொண்ட 5 சிறந்த மாடல்கள் சந்தையில் கவனத்தை ஈர்த்துள்ளன.

2026 விற்பனையில், பிரத்யேக AI ஹார்டுவேர் திறன்களுடன் அன்றாட பயன்பாட்டிற்கும் ஏற்ற லேப்டாப்களுக்கு அதிக வரவேற்பு காணப்படுகிறது. இதில் டெல் (Dell), லெனோவா (Lenovo), ஹெச்பி (HP) மற்றும் ஆசஸ் (ASUS) ஆகிய முன்னணி நிறுவனங்களின் லேப்டாப்கள் முக்கியத் தேர்வுகளாக இடம்பெற்றுள்ளன.

இங்கு பட்டியலிடப்பட்டுள்ள 5 மாடல்களுமே குறைந்தபட்சம் 16GB RAM மற்றும் 512GB சேமிப்பகத்தைக் (SSD) கொண்டுள்ளன. இருப்பினும், அவற்றின் பிராசஸர்கள், ஏ.ஐ செயல்திறனில் குறிப்பிடத்தக்க வேறுபாடுகள் உள்ளன. மேலும், இதில் 2 மாடல்களுக்கான தள்ளுபடி சலுகை விலைகளும் அதிகாரப்பூர்வமாக அறிவிக்கப்பட்டுள்ளன.

Image Credit : Dell

டெல் 15 AI-பவர்டு லேப்டாப் (Dell 15 AI-Powered Laptop)

16GB DDR5 RAM, 512GB SSD மற்றும் 5.10GHz வரை வேகம் தரக்கூடிய 16-கோர் கொண்ட 'இன்டெல் கோர் அல்ட்ரா 7 255H' (Intel Core Ultra 7 255H) பிராசஸர் இதில் இடம்பெற்றுள்ளது.

டிஸ்பிளே & கிராபிக்ஸ்: இன்டெல் ஆர்க் கிராபிக்ஸ் (Intel Arc Graphics) உடன் கூடிய 15.6 இன்ச் Full HD ஆண்டி-கிளேர் திரை மற்றும் விண்டோஸ் 11 ஹோம் இயங்குதளம் உள்ளது. பிரத்யேக கோபைலட் (Copilot) பொத்தானும் வழங்கப்பட்டுள்ளது. விலை ரூ.1,03,990.

Image Credit : Lenovo

லெனோவா ஐடியாபேட் ஸ்லிம் 3 (Lenovo IdeaPad Slim 3):

16GB DDR5 RAM, 512GB SSD மற்றும் 4.7GHz வரை வேகம் கொண்ட 8-கோர் 'இன்டெல் கோர் அல்ட்ரா 7 355' (Intel Core Ultra 7 355) பிராசஸர் இதில் பொருத்தப்பட்டுள்ளது. இதன் NPU அதிகபட்சமாக 49 TOPS AI செயல்திறனை வழங்குகிறது.

டிஸ்பிளே & சாஃப்ட்வேர்: 400 நிட்ஸ் பிரைட்னஸ், 60Hz புதுப்பிப்பு வீதம் (Refresh Rate) கொண்ட 15.3 இன்ச் WUXGA IPS ஆண்டி-கிளேர் திரை இதில் உள்ளது. விண்டோஸ் 11 ஹோம், மைக்ரோசாப்ட் 365 பேசிக் மற்றும் ஆபிஸ் ஹோம் 2024 ஆகிய அம்சங்களுடன் கிடைக்கிறது. விலை ரூ.1,17,600.

Image Credit : HP

ஹெச்பி 14 AI இன்டெல் செலரான் லேப்டாப் (HP 14 AI Intel Celeron Laptop)

16GB DDR5 RAM மற்றும் 512GB சேமிப்பகத்துடன் வருகிறது. இது 4.8GHz வரை வேகம் தரக்கூடிய 'இன்டெல் செலரான் 155H' (Intel Celeron 155H) பிராசஸர் மூலம் இயங்குகிறது.

டிஸ்பிளே: 1920×1080 பிக்சல் தெளிவுத்திறன் கொண்ட 35.6 செ.மீ (14 இன்ச்) Full HD LED டிஸ்பிளே இதில் உள்ளது. விலை ரூ.91,000.

Image Credit : ASUS

ஆசஸ் விவோபுக் S16 (ASUS Vivobook S16)

16GB DDR5 RAM, 512GB SSD மற்றும் 14 கோர்கள், 14 த்ரெட்கள் கொண்டு 4.9GHz வரை வேகம் அளிக்கக்கூடிய 'இன்டெல் கோர் அல்ட்ரா 5 225H' (Intel Core Ultra 5 225H) பிராசஸரைக் கொண்டுள்ளது. இதன் 'இன்டெல் AI பூஸ்ட் NPU' 13 TOPS வரை AI செயல்திறனைத் தருகிறது.

டிஸ்பிளே & சாஃப்ட்வேர்: 144Hz புதுப்பிப்பு வீதம் மற்றும் 300 நிட்ஸ் பிரைட்னஸ் கொண்ட 16 இன்ச் FHD+ திரை இதில் உள்ளது. விண்டோஸ் 11 ஹோம், ஆபிஸ் ஹோம் 2024 மற்றும் மைக்ரோசாப்ட் 365 பேசிக் வசதிகள் இதில் அடங்கும். விற்பனை விலை சலுகை ரூ.73,490.

Image Credit : HP

ஹெச்பி ஆம்னிபுக் 5 (HP OmniBook 5)

16GB LPDDR5X RAM, 512GB SSD மற்றும் 12 கோர்கள், 16MB L3 கேச் கொண்ட 'ஏஎம்டி ரைசன் AI 5 340' (AMD Ryzen AI 5 340) பிராசஸர் இதில் உள்ளது. மேலும் AMD Radeon 840M கிராபிக்ஸ் மற்றும் கோபைலட்+ பிசி (Copilot+ PC) மூலம் 50 TOPS வரையிலான அதிவேக AI செயல்திறனை இது ஆதரிக்கிறது. 300 நிட்ஸ் பிரைட்னஸ் கொண்ட 16 இன்ச் 2K WUXGA டிஸ்பிளே இதில் உள்ளது. விண்டோஸ் 11 மற்றும் ஆபிஸ் 2024 உடன் வருகிறது. விற்பனை விலை சலுகை ரூ.56,490.