கேமர்களுக்கு ஜாக்பாட்.. 61GB டேட்டா, ஜெமினி ப்ரோ AI.. ஜியோவின் சூப்பர் பம்பர் ஆஃபர்
ரிலையன்ஸ் ஜியோ, இளைஞர்கள் மற்றும் கேமர்களைக் குறிவைத்து ₹459-ல் "யூத் அண்ட் கேமிங்" என்ற புதிய திட்டத்தை அறிமுகப்படுத்தியுள்ளது. இந்தத் திட்டத்தின் சிறப்பம்சங்கள் என்னென்ன? என்பது குறித்து இந்த செய்தியில் விரிவாக பார்க்கலாம்.
ஜியோ ரீசார்ஜ் பிளான்
ரிலையன்ஸ் ஜியோ, இளைஞர்கள் மற்றும் மொபைல் கேமர்களைக் கவரும் வகையில் ஒரு புதிய ப்ரீபெய்ட் திட்டத்தை வெளியிட்டுள்ளது. ₹459 விலையில் கிடைக்கும் இந்த "யூத் அண்ட் கேமிங்" திட்டம், தினமும் 2GB டேட்டா, அன்லிமிடெட் வாய்ஸ் கால்ஸ் மற்றும் 28 நாட்கள் வேலிடிட்டி போன்ற அடிப்படை அம்சங்களுடன் வருகிறது. ஜியோவின் இந்த புதிய யூத் அண்ட் கேமிங் திட்டம் 28 நாட்கள் வேலிடிட்டியுடன் வருகிறது. இந்த திட்டத்தின் முக்கிய சிறப்பம்சமே அதன் டேட்டாதான். இதில் மொத்தம் 61 GB 5G டேட்டாவை ஜியோ வழங்குகிறது. தினசரி பயன்பாட்டிற்கு 2GB டேட்டாவும், கூடுதலாக 5GB அதிவேக டேட்டாவும் இதில் அடங்கும்.
இந்த திட்டத்தின் உண்மையான மேஜிக் இதுதான்
உங்களுடைய தினசரி டேட்டா திடீரென தீர்ந்துவிட்டால், இந்தக் கூடுதல் 5GB டேட்டா ஒரு உயிர் காப்பான் போல செயல்படும். தடையற்ற இன்டர்நெட் பயன்பாட்டை இது உறுதி செய்கிறது. ஆனால், இந்த 5GB டேட்டா 28 நாட்களுக்கும் சேர்த்து ஒரே முறைதான் வழங்கப்படும். அதனால், தேவைப்படும்போது மட்டும் பயன்படுத்துவது நல்லது.
டேட்டாவுடன், அன்லிமிடெட் வாய்ஸ் கால்ஸ் மற்றும் தினமும் 100 SMS போன்றவையும் இதில் உண்டு. கால்ஸ், இன்டர்நெட் என்பதைத் தாண்டி, இந்த திட்டத்தின் உண்மையான மேஜிக் அது வழங்கும் பொழுதுபோக்கு சந்தாக்களில்தான் இருக்கிறது. ஜியோ, இந்த பேக்கை கேமிங் மற்றும் விளையாட்டு ஆர்வலர்களுக்காகவே பிரத்யேகமாக வடிவமைத்துள்ளது. இதனால்தான், ஜியோகேம்ஸ் (JioGames) மற்றும் ஃபான்கோடுக்கு (FanCode) இலவச சந்தாவை வழங்குகிறது.
பம்பர் டீல்
மிகவும் சுவாரஸ்யமாக, இந்த திட்டத்தில் ஸ்னாப்சாட் பிளஸ் (Snapchat+) சந்தாவும் அடங்கும். இது இன்றைய இளைஞர்களுக்கு ஒரு பெரிய வரப்பிரசாதம். இதன் மூலம், சாதாரண பயனர்களுக்குக் கிடைக்காத பிரீமியம் மற்றும் எக்ஸ்க்ளூசிவ் ஸ்னாப்சாட் அம்சங்களை பயனர்கள் அனுபவிக்க முடியும். இதனுடன், ஜியோடிவி மற்றும் ஜியோகிளவுட் போன்ற வழக்கமான ஆப்களுக்கும் ஜியோ இலவச அணுகலை வழங்குகிறது. இந்த திட்டத்தின் சிறப்பம்சங்கள் இத்துடன் முடியவில்லை. சில போனஸ் ஆஃபர்களும் இதை ஒரு 'பம்பர்' டீலாக மாற்றுகின்றன.
கூகுள் ஜெமினி ப்ரோ
இந்த பேக்குடன், 3 மாதங்களுக்கு ஜியோஹாட்ஸ்டார் மொபைல் சந்தாவையும் நீங்கள் பெறுவீர்கள். கூடுதலாக, டேட்டா ஸ்டோரேஜ் கவலையைப் போக்க, ஜியோ AI கிளவுட்டில் 50GB இலவச ஸ்டோரேஜையும் நிறுவனம் வழங்குகிறது. ஆனால், எல்லாவற்றையும் விட மிகப்பெரிய ஆச்சரியம், கூகுள் ஜெமினி ப்ரோவிற்கு (Google Gemini Pro) 18 மாத சந்தா கிடைப்பதுதான். இதன் சந்தை மதிப்பு சுமார் ₹35,100 என மதிப்பிடப்பட்டுள்ளது. லேட்டஸ்ட் AI தொழில்நுட்பத்தைப் பயன்படுத்த விரும்புவோருக்கு இந்த அம்சம் சிறந்தது. உங்கள் ரீசார்ஜ் செய்யப்பட்ட ஜியோ எண்ணுடன் இந்த ஆப்களில் லாகின் செய்தால் மட்டுமே இந்த நன்மைகள் கிடைக்கும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
