இன்ஸ்டாகிராம் ரீல்ஸ் புதிய அப்டேட்: இனி 3 நிமிட வீடியோக்கள் தான்!
இன்ஸ்டாகிராம் ரீல்ஸ் வீடியோக்களின் நீளத்தை 3 நிமிடங்களாக அதிகரித்துள்ளது. இதனுடன் புரொஃபைல் கிரிட்டிலும் மாற்றத்தைக் கொண்டு வந்துள்ளது. பயனர்களின் கருத்துக்களை மதித்து இந்த மாற்றம் செய்யப்பட்டுள்ளதாக இன்ஸ்டாகிராம் தலைவர் ஆடம் மோஸ்ஸெரி தெரிவித்துள்ளார்.
FollowInstagram Reels Time Limit
பிரபல சமூக ஊடக தளமான இன்ஸ்டாகிராம் புதிய அப்டேட்களை அறிவித்துள்ளது. ரீல்ஸ் வீடியோக்களின் நீளத்தை 3 நிமிடங்களாக அதிகரித்தது இதில் மிக முக்கியமானது. இதனுடன் புரொஃபைல் கிரிட்டிலும் மாற்றத்தைக் கொண்டு வந்துள்ளது இன்ஸ்டாகிராம்.
இன்ஸ்டாகிராம் தலைவர் ஆடம் மோஸ்ஸெரி புதிய மாற்றங்களை அறிவித்துள்ளார். முன்பு 90 வினாடிகள் வரை நீளமுள்ள வீடியோக்களை ரீல்ஸாக இன்ஸ்டாகிராமில் பதிவேற்ற முடிந்தது. இதில் மாற்றம் வருகிறது. இனி 3 நிமிடங்கள் வரை நீளமுள்ள ரீல்களை இன்ஸ்டா அனுமதிக்கும். யூடியூப் ஷார்ட்ஸின் வீடியோ நீளத்திற்கு இது நிகரானது என்று கூறலாம்.
Instagram Reels
அமெரிக்காவில் டிக் டாக்கிற்கு தடை விதிக்கப்படுவதற்கு சற்று முன்புதான் இன்ஸ்டாகிராம் தலைவர் ஆடம் மோஸ்ஸெரி இந்த மாற்றங்களை அறிவித்தது குறிப்பிடத்தக்கது. பயனர்களின் கருத்துக்களை மதித்துதான் ரீல்ஸ் வீடியோக்களின் நீளத்தை அதிகரிக்கிறோம் என்று மோஸ்ஸெரி கூறினார்.
100 ரூபாய் நோட்டு வைத்திருப்பவர்களுக்கு எச்சரிக்கை! ரிசர்வ் வங்கி அறிவிப்பு!
சேனலை கிளிக் செய்து பின்தொடரவும்
