சேலை ட்ரெண்ட் ரொம்ப பழசு! 'Hug My Younger Self' தான் இப்போ ட்ரெண்ட்- ஜெமினியின் அட்டகாசம்!

Hug My Younger Self:  கூகுள் ஜெமினி நானோ பனானா AI கருவியின் 'சின்ன வயசு நான்' ட்ரெண்ட் வைரலாகிறது. உங்கள் கடந்த காலத்தையும் நிகழ்காலத்தையும் இணைத்து உணர்ச்சிபூர்வமான புகைப்படங்களை உருவாக்குவது எப்படி எனத் தெரிந்துகொள்ளுங்கள்.

Image Credit : Gemini

Hug My Younger Self: புதிய ட்ரெண்ட்.. 'சின்ன வயசு நான்'

கூகுளின் ஜெமினி நானோ பனானா AI கருவி (ஃப்ளாஷ் 2.5 மாடல்) இப்போது சமூக வலைத்தளங்களில் ஒரு புதிய புரட்சியை ஏற்படுத்தி வருகிறது. இதற்கு முன் வைரலான ரெட்டோ சேலை புகைப்படங்களை அடுத்து, 'சின்ன வயசு நான்' ('Hug My Younger Self') என்ற புதிய ட்ரெண்ட் ஆயிரக்கணக்கான பயனர்களின் கவனத்தை ஈர்த்துள்ளது. இந்த அற்புதமான அம்சம், நம் நிகழ்காலப் புகைப்படத்தையும், சிறுவயதுப் புகைப்படத்தையும் சேர்த்து, உணர்ச்சிபூர்வமான ஒரு படத்தை உருவாக்குகிறது.

Image Credit : Gemini

'சின்ன வயசு நான்' ட்ரெண்ட் என்றால் என்ன?

இந்த ட்ரெண்ட், பயனர்கள் தங்கள் குழந்தைப் பருவத்தை மீண்டும் ஒருமுறை மெய்நிகராகத் தழுவிக்கொள்ளும் வாய்ப்பை வழங்குகிறது. பல இன்ஸ்டாகிராம் கிரியேட்டர்கள், தங்கள் வயதுவந்த தோற்றம், தங்கள் சிறுவயது தோற்றத்தைத் தழுவுவது போன்ற உணர்ச்சிபூர்வமான படங்களைப் பகிர்ந்து வருகின்றனர். இது சமூக வலைத்தளங்களில் ஒரு நேர்மறை அலையை ஏற்படுத்தி, பலரின் நினைவுகளை மீட்டெடுக்கிறது

Image Credit : Gemini

எளிதாக உருவாக்குவது எப்படி?

உங்களுடைய 'சின்ன வயசு நான்' புகைப்படத்தை உருவாக்க, ஜெமினி நானோ பனானா கருவியில் சரியான AI ப்ராம்ப்ட்களை பயன்படுத்த வேண்டும். உதாரணமாக, நீங்கள் இந்தப் ப்ராம்ப்டைப் பயன்படுத்தலாம்:

"Using my present photo and my childhood photo, create a realistic and heartwarming image where my current self is hugging my younger self. Preserve both faces accurately to show resemblance, and use natural lighting with a warm emotional atmosphere."

இந்த ப்ராம்ப்ட், உங்கள் இரு புகைப்படங்களையும் பயன்படுத்தி, உண்மையான மற்றும் இதமான படத்தை உருவாக்கித் தரும்.

Image Credit : Gemini

நினைவுகளைத் தாண்டி.. இன்னும் பல ஆச்சரியங்கள்!

நினைவுகளை மீட்டெடுக்கும் இந்த ட்ரெண்டை மட்டுமின்றி, ஜெமினி நானோ பனானா வேறு பல புகைப்படங்களையும் உருவாக்க முடியும். உதாரணமாக, ரெட்டோ உருவப்படங்கள், 3D உருவங்கள் மற்றும் சினிமா பாணியிலான எடிட்களையும் இது உருவாக்கும். ஒரு சில ப்ராம்ப்ட்களை உள்ளீடு செய்வதன் மூலம் உங்கள் செல்ஃபிக்களை 1940-களின் விண்டேஜ் புகைப்படங்களாகவும், போலராய்டு ஸ்டைல் படங்களாகவும் அல்லது கலைநயமிக்க படங்களாகவும் மாற்றலாம்.

Image Credit : Gemini

பயன்படுத்துவது எப்படி? - எளிய வழிகாட்டி

1. முதலில், கூகுள் ஜெமினி செயலியை நிறுவுங்கள் அல்லது இணையதளத்தின் மூலம் உள்நுழையுங்கள்.

2. உங்களது ஒரு தெளிவான புகைப்படத்தைப் பதிவேற்றுங்கள் (செல்ஃபி ஆக இருந்தால் நல்லது).

3. தேர்ந்தெடுத்த AI ப்ராம்ப்டை உள்ளீடு செய்து, படத்தை உருவாக்குங்கள்.

4. உருவாக்கப்பட்ட படத்தைச் சேமித்து, உங்கள் சமூக வலைத்தளங்களில் பகிர்ந்து கொள்ளுங்கள்.