Netflix Free: மீண்டும் 30 நாள் இலவச சலுகையை அறிவித்த நெட்பிளிக்ஸ்.. யாருக்கெல்லாம் கிடைக்கும்? முழு விபரம்

Netflix Free: நெட்பிளிக்சில் 30 நாட்கள் இலவசமாக திரைப்படங்களும், வெப் சீரிஸ்களும் பார்க்கலாம் என்றால் நம்புவீர்களா? சுமார் 6 ஆண்டுகளுக்கு பிறகு, இலவச சலுகையை நெட்பிளிக்ஸ் மீண்டும் வழங்கத் தொடங்கியுள்ளது. இதுதொடர்பான விவரங்களை பார்க்கலாம்.

Image Credit : Instagram

நெட்பிளிக்ஸ் 30 நாள் இலவசம்

உலகின் முன்னணி ஓடிடி தளங்களில் ஒன்றான நெட்பிளிக்ஸ், பல ஆண்டுகளுக்குப் பிறகு மீண்டும் இலவச சோதனை சலுகையை வழங்கத் தொடங்கியுள்ளதாக தகவல்கள் வெளியாகியுள்ளன. புதிய பயனர்களை ஈர்க்கும் வகையில், தகுதியுள்ள சில கணக்குகளுக்கு 15 நாள் அல்லது 30 நாள் இலவச சந்தா வழங்கப்படும் நிறுவனம் தனது உதவி மையத்தின் மூலம் உறுதிப்படுத்தியுள்ளது. நெட்பிளிக்ஸ் பல ஆண்டுகளாக புதிய பயனர்களுக்கு 30 நாள் இலவச சோதனை காலத்தை வழங்கியது.

Image Credit : Getty

நெட்பிளிக்ஸ் இலவச சந்தா

ஆனால் இந்த சலுகை உலகளவில் 2020-ம் ஆண்டு நிறுத்தப்பட்டது. அதன்பிறகு நேரடியாக கட்டண சந்தா மட்டுமே வழங்கப்பட்டது. தற்போது மீண்டும் சில நாடுகளில் இலவச சோதனை நடத்தப்படுவது பயனர்களிடையே கவனத்தை ஈர்த்துள்ளது. நெட்பிளிக்சின் உதவி மையம் தகவலின்படி, புதிய கணக்கை உருவாக்கும் போது, ​​பயனரின் கணக்கு, சாதனம் மற்றும் இருப்பிடம் ஆகியவை தகுதியானதாக இருந்தால் மட்டுமே இலவச சோதனைச் சலுகை தானாகவே திரையில் தோன்றும்.

Image Credit : X

நெட்பிளிக்ஸ் புதிய சலுகை

அந்த ஆப்ஷன் காணப்படவில்லை என்றால், தற்போது அந்த கணக்கு இந்த சலுகைக்கு தகுதியற்றது என்பதே பொருள். இந்த இலவச சோதனை சலுகை எல்லா நாடுகளிலும் வழங்கப்படவில்லை. நெட்பிளிக்ஸ் இதுவரை இந்தியாவில் இந்த சலுகை அதிகாரப்பூர்வமாக அறிமுகப்படுத்தப்பட்டதாக எந்த அறிவிப்பையும் வெளியிடவில்லை. மேலும், அனைத்து பயனர்களுக்கும் ஒரே கால அளவு வழங்கப்படவில்லை. சிலருக்கு 30 நாள் இலவச சோதனை கிடைத்ததாகவும், மற்ற சிலருக்கு 15 நாள் மட்டுமே வழங்கப்பட்டதாகவும் தகவல்கள் தெரிவிக்கின்றன.

Image Credit : Getty

நெட்பிளிக்ஸ் அறிவிப்பு

இதன் மூலம், நெட்பிளிக்ஸ் பல்வேறு பயனர்களுக்கு பல்வேறு சலுகைகளை வழங்கி அதன் விளைவுகளை மதிப்பீடு செய்து வருவதாக தெரிகிறது. இந்த முயற்சியின் முக்கிய நோக்கம், புதிய சந்தாதாரர்களை அதிகரிப்பதாக இருக்கலாம். ஒரு மாத காலத்திற்கு நெட்பிளிக்ஸ்ன் திரைப்படங்கள், தொடர்கள் மற்றும் பிற உள்ளடக்கங்களை அனுபவித்த பிறகு, பலர் கட்டண சந்தாவிற்கு மாறுவார்கள் என்ற எதிர்பார்ப்பில் இந்த சோதனை நடைபெறுவதாக வட்டாரங்கள் கருதுகின்றன.