ஒரு நல்ல ஸ்மார்ட் டிவியை எப்படி வாங்குவது? இந்த '5' அம்சங்களை பார்த்தால் போதும்! முழு விவரம்!

குறைந்த விலையில் கிடைக்கிறது என்று வாங்கப்படும் ஸ்மார்ட் டிவிகள் பல்வேறு பிரச்சனையை ஏற்படுத்துகின்றன. இதனால் ஒரு நல்ல ஸ்மார்ட் டிவியை எப்படி வாங்குவது? என்பது குறித்து இந்த செய்தியில் காணலாம்.

Smart TV'S

இந்தியாவில் ப்ளிப்கார்ட், அமேசான் உள்ளிட்ட ஆன்லைன் விற்பனை நிறுவனங்கள் அதிகரித்து விட்டன. இந்த நிறுவனங்கள் வாடிக்கையாளர்களை இழுக்க போட்டி போட்டு தள்ளுபடியை வாரி வழங்கி வருவதால் ஸ்மார்ட்போன்கள், ஸ்மார்ட்வாட்ச்கள், ஹெட்போன்கள், ஸ்மார்ட் டிவிகள் உள்ளிட்ட மின்சாதன பொருட்கள் குறைந்த விலையில் கிடைக்கின்றன. அதுவும் இப்போது பிரபலமான பிராண்ட்களின் ஸ்மார்ட் டிவிகள் கூட ரூ.10,000 விலைக்குள் கிடைக்கிறது.

நீங்கள் 32 இன்ஸ் ஸ்மார்ட் டிவிகள் முதல் 65 இன்ச் ஸ்மார்ட் டிவிகள் வரை 10 ஆயிரத்துக்கும் குறைவான விலையில் வாங்கிக் கொள்ள முடியும். இப்படி குறைவான விலையில் கிடைக்கும் ஸ்மார்ட் டிவிகளில் ஒரு சில டிவிகள் தான் நல்ல தரத்துடன் நீடித்து உழைக்கின்றன. பெரும்பாலான ஸ்மார்ட் டிவிகள் அவற்றை வாங்கிய சில நாட்களில் வேலையை காட்டி விடுகின்றன. டிஸ்பிளே பிரச்சனை, ஒளிபரப்பு பிரச்சனை, சவுண்ட் பிரச்ச்னை என குறைந்த விலை ஸ்மார்ட் டிவிகளில் ஆயிரத்தெட்டு பிரச்சினைகள் கூறப்படுகின்றன.

How to buy good smart TV?

ஸ்மார்ட் டிவியை வாங்கும்போது தள்ளுபடிகளில் மட்டுமே கவனம் செலுத்தாமல் டிவிகளின் அம்சங்களை நன்றாக கவனித்து வாங்கினால் மேற்கண்ட பிரச்சனை எழாது. ஸ்மார்ட் டிவிகள் வாங்குவதற்கு நீங்கள் எந்தெந்த அம்சங்களை ஆராய வேண்டும் என்பது குறித்து இந்த செய்தியில் நான் விளக்கமாக கூறுகிறேன்.

டிஸ்பிளே பேனல்: ஒரு ஸ்மார்ட் டிவிக்கு மூல ஆதாரமே டிஸ்பிளே தான். ஏனெனில் டிஸ்பிளே நன்றாக இருந்தால் தான் தரமான, துல்லியமான ஒளிபரப்பை பெற முடியும். ஆகவே ஸ்மார்ட் டிவி வாங்குவதற்கு முன்பு  அந்த டிவியின் டிஸ்பிளே என்ன? என்பதை கவனிக்க வேண்டியது அவசியம். நீங்கள் வாங்கும் டிவியில்  LCD, TFT, AMOLED, OLED, IPS அல்லது QLEDஆகிய டிஸ்பிளே பேனல் இருக்கும்படி பார்த்துக் கொள்ளுங்கள். ஒளிபரப்பு 4K அல்லது அல்ட்ரா HD தரம் கொண்டதாக இருக்க வேண்டும். 

Budget Price Smart TV

சவுண்ட் சிஸ்டம்: ஸ்மார்ட் டிவிகளில் சவுண்ட் நன்றாக இருந்தால் தெளிவான சவுண்ட் கிடைத்து பாடல்களை, திரைப்படங்களை ரசிக்க முடியும். ஆகவே நீங்கள் வாங்கும் டிவியில் நல்ல சவுண்ட் சிஸ்டம் இருக்கிறதா? என்று செக் செய்யுங்கள் ஒரு நல்ல ஆடியோ அனுபவத்திற்கு ஸ்மார்ட் டிவியில் குறைந்தது 30W ஒலி வெளியீடு இருப்பதை உறுதி செய்யுங்கள்.

இணைப்பு ஆப்ஷன்கள் (Connectivity options): இன்று பெரும்பாலான ஸ்மார்ட் டிவிகள் USB சாதனங்களை நம்பியிருப்பதால் நீங்கள் வாங்கும் டிவியில் 2-3 HDMI மற்றும் USB போர்ட்கள் இருப்பதை உறுதிசெய்யவும்.

ரேம் மற்றும் ஸ்டோரேஜ்: ஸ்மார்ட் டிவியில் அதிக ரேம் மற்றும் ஸ்டோரேஜ் இருந்தால் சிறப்பாக செயல்படும். நீங்கள் விரும்பிய சீரியல், பாடல்களை சேமித்து வைக்க குறைந்தபட்சம் 32GB ஸ்டோரேஜ் கொண்ட டிவியை தேர்வு செய்யுங்கள்.

Low Price Smart TV

வாரன்ட்டி மற்றும் அப்டேட்: ஸ்மார்ட் டிவி வாங்குவதற்கு முன்பாக அது எவ்வளவு வாரன்ட்டி கொடுக்கிறது என்று பார்ப்பது மிக அவசியம். ஏனெனில் வாரன்ட்டி இருந்தால் தான் டிவியில் ஏதும் பிரச்சினை ஏற்பட்டால் நிறுவனங்களிடம் நீங்கள் முறையிட முடியும்.  இதேபோல் ஸ்மார்ட் டிவிகளிலும் புதுப்புது அப்டேட்கள் செய்யப்படுவதால் லேட்டஸ் அப்டேட் செய்யப்பட்ட ஸ்மார்ட் டிவிகளை வாங்குவது சிறந்தது.

நீங்கள் ஸ்மார்ட் டிவிக்கு வாங்குவதற்கு மேற்கண்ட அம்சங்களை பார்த்தால் நல்ல தரமான டிவியை உங்களால் வாங்க முடியும். இதன்மூலம் பணத்தை சேமிப்பது மட்டுமினறி, தேவையற்ற பிரச்சனைகள் வராமலும் தடுக்க முடியும்.