சிட்டா பறக்குது! கூகுளின் புதிய AI.. வேகமாம்ல வேகம்.. விலையும் கம்மி!"

Gemini 3 Flash ஜெமினி 3 ஃபிளாஷ் அறிமுகம்! குறைந்த விலையில் அதிவேக செயல்பாடு மற்றும் ப்ரோ லெவல் செயல்திறன் கொண்டது. முழு விவரம் உள்ளே.

Image Credit : Gemini

Gemini 3 Flash தொழில்நுட்ப உலகின் ஜாம்பவானான கூகுள்

தொழில்நுட்ப உலகின் ஜாம்பவானான கூகுள், தனது செயற்கை நுண்ணறிவுத் தொழில்நுட்பத்தில் மற்றொரு மைல்கல்லை எட்டியுள்ளது. தனது சமீபத்திய 'ஜெமினி 3' வரிசையில், புதிதாக 'ஜெமினி 3 ஃபிளாஷ்' (Gemini 3 Flash) என்ற மாடலை அறிமுகப்படுத்தியுள்ளது. வேகம், செயல்திறன் மற்றும் மலிவான விலை ஆகிய மூன்றையும் ஒரே புள்ளியில் இணைக்கும் வகையில் இந்த மாடல் உருவாக்கப்பட்டுள்ளது. இது ஆழ்ந்த சிந்தனைத்திறன் (Deep Reasoning) மற்றும் மல்டிமாடல் திறன்களைக் கொண்டிருந்தாலும், குறைந்த செலவில் இயங்கக்கூடியது என்பது இதன் தனிச்சிறப்பு.

Image Credit : google

ஜெமினி 3 ஃபிளாஷ்: அப்படி என்ன ஸ்பெஷல்?

கூகுளின் விளக்கம் படி, இது அடுத்த தலைமுறைக்கான AI தொழில்நுட்பத்தை சாமானியர்கள், டெவலப்பர்கள் மற்றும் வணிக நிறுவனங்களுக்கு மிக அருகில் கொண்டு வருகிறது. ஜெமினி 3 ப்ரோ (Gemini 3 Pro) மாடலின் புத்திசாலித்தனத்தையும், ஃபிளாஷ் மாடல்களுக்கே உரித்தான அதிவேகத்தையும் இது ஒருங்கிணைக்கிறது.

• குறைந்த தாமதம்: கேள்விகளுக்கு மிக விரைவாகப் பதிலளிக்கும் திறன்.

• மல்டிமாடல் திறன்: உரை (Text), படங்கள், வீடியோ மற்றும் ஆடியோ என அனைத்தையும் சிறப்பாகக் கையாளும்.

• நிகழ்நேர பயன்பாடு: ரியல்-டைம் பணிகளுக்கு ஏற்ற வகையில் வடிவமைக்கப்பட்டுள்ளது.

Image Credit : Gemini

செயல்திறனில் சமரசம் இல்லை

விலை குறைவு மற்றும் வேகம் அதிகம் என்பதால், இதன் செயல்திறன் குறைவாக இருக்கும் என்று நினைக்க வேண்டாம். மேம்பட்ட சோதனைகளில் இது மிகச்சிறந்த முடிவுகளைத் தந்துள்ளது.

• GPQA டைமண்ட்: 90.4% மதிப்பெண்.

• MMMU ப்ரோ: 81.2% மதிப்பெண் (இது ஜெமினி 3 ப்ரோவிற்கு இணையானது).

குறிப்பாக, முந்தைய மாடலான ஜெமினி 2.5 ப்ரோவை விட 30% குறைவான டோக்கன்களைப் பயன்படுத்தியே, அதைவிடச் சிறந்த செயல்திறனை இது வெளிப்படுத்துவதாகக் கூகுள் கூறுகிறது.

Image Credit : Gemini AI

மின்னல் வேகம் மற்றும் மலிவான விலை

இந்த மாடலின் மிகப்பெரிய பலமே அதன் வேகம்தான். ஜெமினி 2.5 ப்ரோவை விட இது 3 மடங்கு வேகமானது. அதேபோல விலையும் மிகக் குறைவு:

• உள்ளீடு (Input): 1 மில்லியன் டோக்கன்களுக்கு 0.50 டாலர்கள்.

• வெளியீடு (Output): 1 மில்லியன் டோக்கன்களுக்கு 3 டாலர்கள்.

• ஆடியோ உள்ளீடு: 1 மில்லியன் டோக்கன்களுக்கு 1 டாலர்.

இதனால் கூகுளின் மிகவும் சிக்கனமான மேம்பட்ட AI மாடலாக இது மாறியுள்ளது.

Image Credit : Getty

டெவலப்பர்களுக்கு ஒரு வரப்பிரசாதம்

மென்பொருள் உருவாக்குநர்கள் மற்றும் ஆப் டெவலப்பர்களுக்கு இது ஒரு மிகப்பெரிய வரப்பிரசாதமாகும். கோடிங் (Coding) எழுதுவதிலும், பிழை திருத்துவதிலும் இது மிகச்சிறப்பாகச் செயல்படுகிறது. 'SWE-bench Verified' சோதனையில் இது 78% மதிப்பெண் பெற்று, ஜெமினி 3 ப்ரோவையே பின்னுக்குத் தள்ளியுள்ளது. வீடியோ அனாலிசிஸ், கேமிங் அசிஸ்டென்ட் மற்றும் சிக்கலான செயலிகளை உருவாக்க இது பெரிதும் உதவும்.

எங்கெல்லாம் கிடைக்கும்?

இன்று முதல் ஜெமினி 3 ஃபிளாஷ் உலகம் முழுவதும் பயன்பாட்டிற்கு வருகிறது.

• கூகுள் ஜெமினி ஆப் (Gemini App) மற்றும் கூகுள் தேடல்.

• கூகுள் AI ஸ்டுடியோ மற்றும் ஜெமினி API.

• வெர்டெக்ஸ் AI (Vertex AI) மற்றும் நிறுவனங்களுக்கான ஜெமினி என்டர்பிரைஸ்.

இந்தியாவில் உள்ள ஸ்டார்ட்அப் நிறுவனங்கள் மற்றும் டெவலப்பர்களுக்கு, குறைந்த செலவில் உயர்தரமான AI தொழில்நுட்பத்தைப் பயன்படுத்த இது ஒரு பொன்னான வாய்ப்பாக அமையும்.