- Home
- டெக்னாலஜி
- கையில் இருக்கும் போனை தூக்கிப் போடுங்க! கண்ணில் அணியும் கம்ப்யூட்டர் வருது... டிசம்பர் 8 கூகுள் வைக்கும் ட்விஸ்ட்!
கையில் இருக்கும் போனை தூக்கிப் போடுங்க! கண்ணில் அணியும் கம்ப்யூட்டர் வருது... டிசம்பர் 8 கூகுள் வைக்கும் ட்விஸ்ட்!
Google கூகுள் நிறுவனம் டிசம்பர் 8 அன்று Android XR ஈவென்ட்டை நடத்தவுள்ளது. இதில் ஸ்மார்ட் கிளாஸ், ஹெட்செட் மற்றும் ஜெமினி AI தொடர்பான முக்கிய அறிவிப்புகள் வெளியாகவுள்ளன. முழு விவரம் உள்ளே.
Google கண்ணாடியில் வரும் மேஜிக்!
தொழில்நுட்ப உலகம் அடுத்த கட்டத்தை நோக்கி நகர்கிறது. இத்தனை நாட்களாக கையில் வைத்திருந்த ஸ்மார்ட்போன்களைத் தூக்கி எறிந்துவிட்டு, கண்ணில் அணியும் ஸ்மார்ட் கிளாஸ்களை (Smart Glasses) பயன்படுத்தும் காலம் வந்துவிட்டது. இதை உறுதிப்படுத்தும் வகையில், கூகுள் நிறுவனம் வரும் டிசம்பர் 8-ம் தேதி ஒரு பிரம்மாண்ட நிகழ்வை நடத்தவுள்ளது.
Android XR ஷோ: என்ன நடக்கப்போகிறது?
கூகுள் நிறுவனம் தனது பிரபலமான "The Android Show" நிகழ்ச்சியின் சிறப்பு எபிசோடை டிசம்பர் 8-ம் தேதி நடத்தத் திட்டமிட்டுள்ளது. இந்திய நேரப்படி அன்று இரவு 11:30 மணிக்கு (10:00 AM PT) இந்த நிகழ்ச்சி நடைபெறும். இதில் கூகுளின் முழுக் கவனமும் 'Android XR' (Extended Reality) தொழில்நுட்பத்தின் மீதுதான் இருக்கும். ஸ்மார்ட் கிளாஸ் முதல் விர்ச்சுவல் ரியாலிட்டி (VR) ஹெட்செட் வரை பல புதிய கேட்ஜெட்களை கூகுள் அறிமுகப்படுத்தவுள்ளது.
கூகுள் வெளியிட்ட டீசர்
இதற்காக கூகுள் வெளியிட்டுள்ள டீசர் வீடியோவில் இரண்டு ஆண்ட்ராய்டு பொம்மைகள் காட்டப்பட்டுள்ளன. ஒன்று 'Galaxy XR' ஹெட்செட்டை அணிந்திருக்கிறது, மற்றொன்று 'Smart Glasses' அணிந்திருக்கிறது. இதன் மூலம், ஹெட்செட் மற்றும் ஸ்மார்ட் கிளாஸ் ஆகிய இரண்டு பிளாட்ஃபார்ம்களிலும் கூகுள் பெரிய அறிவிப்புகளை வெளியிடும் எனத் தெரிகிறது.
ஜெமினி AI-யின் அதிரடி என்ட்ரி
இந்தக் கருவிகள் சும்மா சாதாரணமானவை அல்ல. இதில் கூகுளின் செயற்கை நுண்ணறிவான 'Gemini AI' இணைக்கப்படவுள்ளது. "ஜெமினி உங்கள் கூடவே இருப்பதால், நீங்கள் யாருடனோ பேசுவது போன்ற ஒரு இயல்பான அனுபவத்தைப் பெற முடியும்" என கூகுள் தனது இணையதளத்தில் குறிப்பிட்டுள்ளது. அதாவது, நீங்கள் பார்க்கும் பொருட்களைப் பற்றி ஜெமினியிடம் கேள்வி கேட்டால், அது உங்கள் காதிலேயே பதிலைச் சொல்லும்.
சாம்சங் உடன் மெகா கூட்டணி
ஏற்கனவே சாம்சங் நிறுவனம் கூகுளின் ஆண்ட்ராய்டு XR இயங்குதளத்தில் இயங்கக்கூடிய 'Galaxy XR' ஹெட்செட்டை அறிமுகப்படுத்தியுள்ளது. இதன் விலை அமெரிக்காவில் சுமார் ரூ.1.58 லட்சம். கூகுள், சாம்சங் மட்டுமின்றி 'Magic Leap', 'Gentle Monster' போன்ற நிறுவனங்களுடனும் இணைந்து ஸ்டைலான ஸ்மார்ட் கிளாஸ்களை உருவாக்கி வருகிறது.
மொத்தத்தில், டிசம்பர் 8-ம் தேதிக்குப் பிறகு நாம் தொழில்நுட்பத்தைப் பார்க்கும் விதமே மாறப்போகிறது என்பது மட்டும் உறுதி!
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
