ஒரே கிளிக்கில் பிடித்த வெப்சைட்! ஆண்ட்ராய்டு பயனர்களுக்கு குட் நியூஸ் சொன்ன கூகுள் குரோம்!

Google Chrome ஆண்ட்ராய்டு டேப்லெட்டுகளில் டெஸ்க்டாப் போன்ற புக்மார்க் பார் வசதியை அறிமுகப்படுத்தியது கூகுள் குரோம். புதிய அப்டேட் விவரங்கள் இதோ. குட் நியூஸ் சொன்ன கூகுள் குரோம்!

Image Credit : Gemini

Google Chrome

ஸ்மார்ட்போன் மற்றும் கணினிகளுக்கு இடையே உள்ள இடைவெளியைக் குறைக்கும் வகையில், கூகுள் நிறுவனம் தனது குரோம் பிரவுசரில் (Google Chrome) ஒரு முக்கிய மாற்றத்தைக் கொண்டு வந்துள்ளது. ஆண்ட்ராய்டு டேப்லெட்டுகள் மற்றும் மடிக்கக்கூடிய (Foldable) ஸ்மார்ட்போன்களைப் பயன்படுத்துபவர்களுக்கு, கணினியில் இருப்பது போன்ற 'புக்மார்க்ஸ் பார்' (Bookmarks Bar) வசதியை கூகுள் அறிமுகப்படுத்தியுள்ளது.

Image Credit : Getty

கணினி போலவே இனி புக்மார்க் வசதி

பொதுவாக கணினிகளில் குரோம் பயன்படுத்தும் போது, திரையின் மேல் பகுதியில் நாம் சேமித்து வைத்திருக்கும் முக்கிய இணையதளங்கள் புக்மார்க் பார் வடிவில் வரிசையாக இருக்கும். இதே வசதி இப்போது ஆண்ட்ராய்டு டேப்லெட்டுகளுக்கும் கிடைக்கிறது. இதன் மூலம், பயனர்கள் தங்களுக்குப் பிடித்தமான இணையதளங்களை ஒரே கிளிக்கில் விரைவாக அணுக முடியும்.

Image Credit : gemini

பெரிய திரைகளைச் சிறப்பாகப் பயன்படுத்த புதிய வழி

டேப்லெட் மற்றும் ஃபோல்டபில் போன்களின் பெரிய திரைகளை (Large Screens) முழுமையாகப் பயன்படுத்தும் நோக்கில் இந்த அப்டேட் வழங்கப்பட்டுள்ளது. இதற்கு முன்னதாக, புக்மார்க்குகளைப் பார்க்க பிரத்யேக மெனுவிற்குள் செல்ல வேண்டியிருந்தது. ஆனால் இனி, அட்ரஸ் பாருக்கு (Address Bar) கீழேயே புக்மார்க்குகள் நிரந்தரமாகக் காட்சியளிக்கும். இது பயனர்களின் நேரத்தை மிச்சப்படுத்துவதோடு, வேலை செய்யும் வேகத்தையும் அதிகரிக்கும்.

Image Credit : our own

எளிமையான கஸ்டமைசேஷன் வசதிகள்

இந்த புதிய புக்மார்க் பாரில் மாற்றங்களைச் செய்வது மிகவும் எளிது. பயனர்கள் தங்களுக்குத் தேவையான இணையதளங்களை 'டிராக் அண்ட் டிராப்' (Drag and Drop) முறையில் வரிசைப்படுத்திக் கொள்ளலாம். மேலும், நீண்ட நேரம் அழுத்துவதன் (Long Press) மூலம் புக்மார்க்குகளை எடிட் செய்யவும் அல்லது நீக்கவும் முடியும். திரையில் கூடுதல் இடம் தேவைப்படுபவர்கள், செட்டிங்ஸ் பகுதிக்குச் சென்று இந்த பாரை மறைத்து வைக்கும் வசதியும் கொடுக்கப்பட்டுள்ளது.

Image Credit : our own

அனைத்து ஆண்ட்ராய்டு பயனர்களுக்கும் எப்போது கிடைக்கும்?

இந்த வசதி தற்போது குரோமின் லேட்டஸ்ட் ஆண்ட்ராய்டு பதிப்பில் (Chrome for Android v142) மெல்ல அறிமுகம் செய்யப்பட்டு வருகிறது. அடுத்த சில வாரங்களில் அனைத்து டேப்லெட் மற்றும் ஃபோல்டபில் போன் பயனர்களுக்கும் இந்த அப்டேட் முழுமையாகக் கிடைக்கும் என எதிர்பார்க்கப்படுகிறது. கூகுள் வொர்க்ஸ்பேஸ் (Google Workspace) பயனர்களுக்கு இது ஒரு மிகச்சிறந்த உற்பத்தித்திறன் (Productivity) அம்சமாக அமையும்.